۱-کُرِنتھِیوں 15:4 - پنجابی نواں عہد نامہ نظرثانی شدہ چھپائی

⁴ تے دفن ہویا تے ترِیجے دِن پاک کتاب دے سببّوں جی اُٹھیا۔

۱-کُرِنتھِیوں 15:4 ပူးပေါင်းရင်းမြစ်များ

متّی 12:40

کیوں جو جیویں یُوناہ تِنّ رات دِن مچّھی دے ڈِھڈ وِچ رہیا اوسے طرح اِبنِ آدم تِنّ رات دِن زمین دے اندر رہے گا۔

متّی 16:21

اوس ویلے توں یِسُوع اپنے شاگِرداں نُوں دسن لگّا پئی ضرُور اے۔ پئی مَیں یرُوشلِیم نُوں جاواں تے بزُرگاں تے سردار کاہِناں تے فقِیہاں کولوں بُہت دُکھ جھلّاں تے ماریا جاواں تے ترِیجے دِہاڑے جی اُٹھاں۔

متّی 20:19

تے اوہنوں غیر قوماں دے حوالے ایس کر کے کرن گے۔ پئی اوہنوں ٹھٹّھے کروان تے کولڑے مروان تے صلِیب اُتّے چڑھوان۔ تے ترِیجے دِہاڑے اوہ اُٹھا لیا جائے گا۔

مرقس 9:31

ایس لئی پئی اوہ اپنے شاگِرداں نُوں سِکھالدا۔ تے اوہناں نُوں آکھدا سی پئی اِبنِ آدم بندیاں دے ہتّھِیں پھڑوایا جاندا اے۔ تے اوہ اوہنوں مار سُٹّن گے تے مر جان توں تَرے دِن پِچّھوں اوہ فیر جی اُٹھے گا۔

لُوقا 24:26

ایہہ گلّ ضرُوری نئیں سی پئی مسِیح ایہناں ساریاں دُکھاں نُوں سہہ کے اپنے جلال وِچ داخل ہوئے؟

لُوقا 24:46

تے اوہناں نُوں آکھیا۔ ایویں لِکھیا اے۔ پئی مسِیح دُکھ جھلّے گا۔ تے ترِیجے دِہاڑے مُردیاں وِچوں جی اُٹھے گا۔

لُوقا 9:22

تے آکھیا پئی ضرُور اے پئی اِبنِ آدم بڑے دُکھ سہے۔ تے بزُرگاں تے سردار کاہِناں تے فقِیہاں توں ردّیا جائے۔ تے جانوں ماریا جائے۔ تے ترِیجے دِہاڑے جوالیا جائے۔

یُوحنّا 19:38

ایدوں پِچّھوں ارِمَتِیاہ دے رہن والے یُوسف نیں جیہڑا یِسُوع دا شاگِرد سی۔ (پر یہُودِیاں دے ڈر دے مارِیاں گُجھّے گُجھّے) پِیلاطُس اگّے عرض کِیتی پئی مَیں یِسُوع دی لوتھ لے جاواں۔ تے پِیلاطُس اجازت دِتّی سو اوہ آ کے اوہدی لوتھ لے گیا۔

اعمال 1:3

اوہناں نُوں اوس اپنے دُکھ سہن دے پِچّھوں بتھیریاں ثبُوتاں نال اپنے آپ نُوں جِیوندا وکھایا۔ چاھلیاں دِناں تِیکر اوہ اوہناں نُوں وکھالی دیندا تے خُدا دی بادشاہی دِیاں گلّاں دسدا رہیا۔

اعمال 17:31

تے اوس اِک دِن وی رکھیا اے۔ جِہدے وِچ اوہ سچیائی نال دُنیا دی عدالت اوس بندے دی راہِیں کرے گا۔ جِہنُوں اوس مُقرّر کِیتا۔ تے اوسے نُوں مُردیاں وِچوں جوال کے لوکاں نُوں ایس گلّ دا یقِین دوایا اے۔

رُومِیوں 6:4

سو بپتِسمے دی راہِیں اوہدی مَوت وِچ اسی اوہدے نال دفنائے گئے۔ تاں جو جیویں مسِیح باپ دے جلال دی راہِیں مُردیاں وِچوں جوالیا گیا۔ ایسے طرح اسی وی نَوِیں زِندگی وِچ چلّئے۔

کُلُسِّیوں 2:12

تے اوہدے ای نال بپتِسمے وِچ دبّے گئے تے اوسے وِچ خُدا دی قُوّت اُتّے اِیمان لیا کے اوہدے نال جی وی اُٹھے۔ جِس اوہنوں مُردیاں وِچوں جوالیا۔

عِبرانیوں 13:20

ہُن تسلّی دا خُدا جِس بھیڈاں دے وڈّے ایّالی یعنی ساڈے خُداوند یِسُوع نُوں ہمیشہ دے عہد دے لہو دے سبّب مُردیاں وِچوں جوال کے آندا۔

۱-پطرس 1:11

اوہ ایس گلّ دی چھان بِین کر دے سن پئی مسِیح دا رُوح جیہڑا اوہناں وِچ سی۔ اوہنے اگیتریاں مسِیح دی تکلیفاں دی خبر دِتّی تے اوس جلال دی وی جیہڑا اوہناں توں پِچّھے آؤن والا سی۔ کیہڑے یا کہیو جِہے ویلے دی گلّ دا ذِکر کر دا سی۔