۱-کُرِنتھِیوں 14:3 - پنجابی نواں عہد نامہ نظرثانی شدہ چھپائی

³ پر جیہڑا نبُوّت کر دا اے۔ اوہ بندیاں دی ترقی تے نصِیحت تے تسلّی دِیاں گلّاں آکھدا اے۔

۱-کُرِنتھِیوں 14:3 ပူးပေါင်းရင်းမြစ်များ

لُوقا 3:18

تے اوہ بتھیریاں ہور نصِیحتاں دے دے کے لوکاں نُوں خُوشخبری سُناندا رہیا۔

اعمال 13:15

تے توریت تے نبیاں دی کتاب پڑھن دے مگروں عبادت خانے دے سرداراں اوہناں نُوں اکھوا گھلّیا۔ پئی بھراؤ جے لوکاں لئی کوئی نصِیحت دی گلّ تُہاڈے کول ہوئے تے آکھو۔

اعمال 14:22

تے شاگِرداں دے دِلاں نُوں تگڑیاں کر دے سن تے نصِیحت دیندے سن۔ پئی اِیمان اُتّے قیم رہو۔ تے آکھیا پئی ایہہ ضرُور اے۔ پئی بُہت مُصِیبتاں سہہ کے اسی خُدا دی بادشاہی وِچ داخل ہو جائیے۔

اعمال 15:32

تے یہُوداہ تے سِیلاس نے کیوں جو اوہ وی نبی سن بھراواں نُوں بُہت سارِیاں گلّاں دی نصِیحت دے کے تگڑیاں کِیتا۔

اعمال 4:36

تے یُوسف قوم دا لاوی سی تے کُپرُس دا سی۔ اوہدا ناں رسُولاں نیں برنباس یعنی نصِیحت دا پُتر رکھیا۔

اعمال 9:31

تَد سارے یہُودیہ تے گلِیل تے سامریہ وِچ کلِیسیا سُکھ پایا۔ تے ترقی کر دی جاندی سی۔ تے خُداوند دے خَوف تے پاک رُوح دی تسلّی اُتّے چَلدی تے وَدّھدِی جاندی سی۔

رُومِیوں 12:8

تے جے وعظ نصِیحت کرن والا ہوئے۔ تے وعظ نصِیحت وِچ لگّا رہے۔ خَیرات کرن والا کُھلِّیں ہتّھِیں کرے۔ پیشوا کوشش نال پیشوائی کرے۔ رَحم کرن والا خُوشی نال کرے۔

رُومِیوں 14:19

سو آؤ اسی اوہناں گلّاں دا پِچھّا کریئے۔ جِنہاں توں میل ملاپ تے اِک دُوجے دی ترقی ہوئے۔

رُومِیوں 15:2

ساڈے وِچوں ہر کوئی آپو اپنے گواہنڈی نُوں اوہدی بھلیائی لئی خُوش کرے۔ پئی اوہدی ترقی ہوئے۔

۱-کُرِنتھِیوں 10:23

سارِیاں شیواں روا تے ہَین۔ پر سارِیاں شیواں فائدے والیاں نئیں۔ سارِیاں شیواں روا تے ہَین۔ پر سارِیاں ترقی دا سبّب نئیں۔

۱-کُرِنتھِیوں 14:12

سو جد رُوحانی نِعمتاں دی چاہ رکھدے ہو تاں ایہہ کوشش کرو پئی تُہاڈیاں نِعمتاں دے وَدھن نال کلِیسیا دی ترقی ہوئے۔

۱-کُرِنتھِیوں 14:17

تُوں تے بے شک چنگی طرح نال شُکر گُزاری کرنا ایں پر دُوجے دی ترقی نئیں ہوندی۔

۱-کُرِنتھِیوں 14:26

سو بھراؤ! کِیہ کرنا چاہیدا اے؟ جد تُسی اکٹّھے ہوندے ہو تے ہر اِک دے دِل وِچ زبُور یا تعلِیم یا مُکاشفہ یا اوپری زبان یا ترجمہ ہوندا اے۔ سبھ کُجھ رُوحانی ترقی دے لئی ہونا چاہیدا اے۔

۱-کُرِنتھِیوں 14:31

کیوں جو تُسی ساریاں دے سارے اِک اِک کر کے نبُوّت کر سکدے ہو تاں جو سارے سِکھّن تے سبھناں نُوں نصِیحت ہوئے۔

۱-کُرِنتھِیوں 8:1

ہُن بُتاں دی قُربانی دی بابت ایہہ گلّ اے اسی جاننے آں پئی اسی سارے عِلم رکھنے آں۔ عِلم مان پَیدا کر دا اے پر مُحبّت ترقی دا سبّب اے۔

۲-کُرِنتھِیوں 1:4

اوہ ساڈیاں سارِیاں مُصِیبتاں وِچ سانُوں تسلّی دیندا اے۔ تاں جو اسی اوس تسلّی دے سبّب جیہڑی خُدا سانُوں دیندا اے۔ اوہناں نُوں وی تسلّی دے سکِئے۔ جیہڑے کِسے نا کِسے طرح دی مُصِیبت وِچ پئے ہوئے نیں۔

۲-کُرِنتھِیوں 2:7

سو اوہدے بدلے وِچ ایہو چَنگا اے پئی اوہدا قصور مُعاف کرو۔ تے تسلّی دیو تاں جو اوہ بُہتے غم دے سبّب برباد نا ہو جائے۔

اِفسِیوں 4:29

کوئی گندی گلّ تُہاڈے مُنھ توں نا نِکلے۔ سگوں اوہو جیہڑی ویلے سر فائدہ دیوے۔ تاں جو اوہدے توں سُنن والیاں اُتّے فضل ہوئے۔

اِفسِیوں 6:22

اوہنوں مَیں تُہاڈے کول ایسے واسطے گھلّیا اے۔ پئی تُسی ساڈے حال توں واقف ہو جاؤ۔ تے اوہ تُہاڈے دِلاں نُوں تسلّی دے۔

کُلُسِّیوں 4:8

اوہنوں مَیں ایسے لئی تُہاڈے کول گھلّیا اے۔ پئی تُہانوں ساڈے حال دا پتا لگ جائے۔ تے اوہ تُہاڈے دِلاں نُوں تسلّی دے۔

۱-تھِسّلُنِیکوں 2:11

جیویں تُسی جان دے ہو۔ پئی پئیو اپنے بچّیاں نال کر دا اے ایویں ای اسی وی تُہاڈے وِچوں ہر اِک نُوں نصِیحت کر دے تے دلاسا دیندے تے سمجھاؤندے رہے۔

۱-تھِسّلُنِیکوں 2:3

کیوں جو ساڈی نصِیحت نا بدراہی نال نا ناپاکی نال نا دھوکھے بازی نال اے۔

۱-تھِسّلُنِیکوں 3:2

تے اساں تِیمُتِھیُس نُوں جیہڑا ساڈا بھرا تے مسِیح دی خُوشخبری وِچ خُدا دا نوکر اے۔ ایسے واسطے گھلّیا پئی اوہ تُہانوں پَکیّاں کرے۔ تے تُہاڈے اِیمان ولّوں تُہانوں تسلّی دیوے۔

۱-تھِسّلُنِیکوں 4:1

باقی بھراؤ! اسی تُہاڈی مِنّت کرنے آں تے خُداوند یِسُوع مسِیح وِچ تُہانوں ایہہ نصِیحت کرنے آں۔ پئی جیویں تُساں ساڈے کولوں سِکھیا۔ پئی جیویں ٹُرناں تے خُدا نُوں خُوش کرنا چاہیدا اے تے جیویں تُسی ٹُر دے وی ہو اوسے طرح وَدھدے جاؤ۔

۱-تھِسّلُنِیکوں 4:18

سو تُسی ایہناں گلّاں نال اِک دُوجے نُوں تسلّی دَیا کرو۔

۲-تھِسّلُنِیکوں 3:12

ہُن اجیہاں نُوں اسی خُداوند یِسُوع مسِیح وِچ حُکم دیندے تے نصِیحت کرنے آں۔ پئی چُپ چاپ کمّ کر کے اپنی ای روٹی کھاؤ۔

۱-تِیمُتِھیُس 1:4

تے اوہناں کہانِیاں تے بے انت شجریاں دا خیال نا کرن۔ جیہڑے جھگڑے دا سبّب ہوندے نیں۔ تے اوس خُدائی۔ بندوبست دے سببّوں نئیں جیہڑا اِیمان اُتّے بنیا ہویا اے۔ اوسے طرح مَیں ہُن وی کرنا آں۔

۱-تِیمُتِھیُس 4:13

جد تِیکر مَیں نا آواں۔ پڑھن تے نصِیحت کرن تے سکھان ولّ دھیان رکھ۔

۱-تِیمُتِھیُس 6:2

تے جِنہاں دے مالک اِیمان والے نیں اوہ اوہناں نُوں بھرا ہون دے سببّوں حِقیر نا جانن سگوں ایس لئی وَدّھ کے اوہناں دی سیوا کرن۔ پئی فائدہ لین والے اِیماندار تے پیارے نیں۔ تُوں ایہناں گلّاں دی تعلِیم تے نصِیحت دے۔

۲-تِیمُتِھیُس 4:2

پئی تُوں کلام دی منادی کر۔ ویلے کویلے تیار رہ۔ تے ہر طرح دے صبر تے تعلِیم دے نال الزام دے۔ تے ملامت تے نصِیحت کر۔

طِطُس 1:9

تے اِیمان دے کلام نُوں جیہڑا ایس تعلِیم دے سببّوں اے پَھڑی رکھّے۔ پئی ٹھیک تعلِیم نال نصِیحت وی کرے۔ تے مخالفاں نُوں وی منائے۔

طِطُس 2:15

پُورے اختیار نال ایہہ گلّاں آکھ تے نصِیحت دے تے جِھڑک کوئی تینُوں ماڑا نا سمجھے۔

طِطُس 2:6

جواناں نُوں وی ایسے طرح مَت دے۔ پئی پرہیزگار بنن۔

طِطُس 2:9

نَوکراں نُوں نصِیحت کر۔ پئی اپنے مالکاں دے تابِع رہن سارِیاں گلّاں وِچ اوہناں نُوں خُوش رکھن۔ مالک دا آکھا نا موڑن۔

عِبرانیوں 10:25

تے اکٹّھے ہون توں نا مُڑیئے۔ جیویں کئیاں لوکاں دی عادت اے۔ سگوں آپو وِچ نصِیحت کریئے تے جِنّاں اوس دِن نُوں نیڑے ہوندیاں ویکھدے ہو۔ اوناں ای ایہہ گلّاں وَدّھ کریا کرو۔

عِبرانیوں 13:22

بھراؤ مَیں تُہاڈی مِنّت کرنا آں۔ پئی تُسی ایس نصِیحت دے کلام دی برداشت کرو۔ کیوں جو مَیں تُہانوں تھوڑیاں گلّاں وِچ لِکھیا اے۔

عِبرانیوں 3:13

سگوں تُسی روز دِہاڑی جد تِیکر اَج دا دِن ای اکھواؤندا اے۔ آپو وِچ اِک دُوجے نُوں نصِیحت کریا کرو۔ تاں جو تُہاڈے وِچوں کوئی گُناہ دے فریب نال سخت دِل نا ہو جائے۔

۱-پطرس 5:12

مَیں تُہانوں سِلوانُس دی راہِیں جیہڑا میری سمجھ وِچ اِیماندار بھرا اے تھوڑا جِہیا لِکھ کے تُہانوں نصِیحت کِیتی تے ایہہ گواہی دِتّی پئی خُدا دا سَچّا فضل ایہو ای اے۔ ایسے اُتّے قیم رہو۔

یہُوداہ 1:20

پر تُسی پیاریو! اپنے چوکھے پاک اِیمان وِچ وَدّھ کے تے پاک رُوح وِچ دُعا منگ کے۔