۱-کُرِنتھِیوں 14:2 - پنجابی نواں عہد نامہ نظرثانی شدہ چھپائی

² کیوں جو جیہڑا اوپری زبان وِچ گلّ کر دا اے۔ اوہ بندیاں نال گلّاں نئیں کر دا سگوں خُدا نال۔ ایس لئی پئی اوہدی کوئی نئیں سمجھدا بھانویں اوہ اپنی رُوح دی راہِیں بھیت دِیاں گلّاں آکھدا اے۔

۱-کُرِنتھِیوں 14:2 ပူးပေါင်းရင်းမြစ်များ

متّی 13:11

اوس اوہناں نُوں جواب دِتّا تے آکھیا۔ اسمان دی بادشاہی دے بھیتاں نُوں جان لینا تُہانوں بخشیا گیا اے۔ پر ایہناں نُوں ایہہ بخشیا نئیں گیا۔

مرقس 16:17

تے اِیمان لیاؤن والیاں وِچ ایہہ مُعجزے ہون گے۔ پئی اوہ میرا ناں لے کے بدرُوحاں نُوں کڈھن گے۔ تے نَوِیاں نَوِیاں بولیاں بولن گے۔

مرقس 4:11

تے اوس اوہناں نُوں آکھیا۔ خُدا دی بادشاہی دا بھید تُہانوں دِتّا گیا اے پر اوہناں دے لئی جیہڑے باہر نیں سارِیاں گلّاں تمثِیلاں وِچ ہوندیاں نیں۔

اعمال 10:46

کیوں جو اوہ اوہناں نُوں کئی طرح دی بولیاں بولدے تے خُدا دی وڈیائی کر دیاں پئے سُندے سن۔ تَد پطرس آکھیا۔

اعمال 19:6

جدوں پَولُس اوہناں اُتّے ہتّھ رکھّے۔ تے پاک رُوح اوہناں اُتّے آیا۔ تے اوہ بولیاں بولن تے نبُوّت کرن لگّے۔

اعمال 22:9

تے میرے نالدیاں نُور تے ویکھیا پر اوہدی اواز جیہڑا میرے نال بولدا سی اوہناں نا سُنی۔

رُومِیوں 16:25

ہُن اوہدی جِہدی قُدرت اے۔ پئی میری خُوشخبری تے یِسُوع مسِیح دے ناں دی منادی دے سببّوں تُہانوں قیم رکھّے۔ اوس بھید دے ظاہر ہون دے سببّوں جیہڑا مُڈھوں ای چُھپیا رہیا۔

۱-کُرِنتھِیوں 12:10

تے کِسے نُوں کراماتاں کرن دِیاں قُدرتاں۔ کِسے نُوں نبُوّت کِسے نُوں رُوحاں دی پہچان۔ کِسے نُوں طرح طرح دِیاں زباناں۔ کِسے نُوں زباناں دا ترجمہ کرنا۔

۱-کُرِنتھِیوں 12:28

تے خُدا نے کلِیسیا وِچ وَکھو وَکھ بندے مُقرّر کِیتے۔ پہلے رسُول دُوجے نبی ترِیجے اُستاد فیر کراماتاں وکھان والے۔ فیر بیماریاں ولّ کرن والے۔ مدد کرن والے۔ انتظام کرن والے۔ وَن سَووَنِیاں زباناں بولن والے۔

۱-کُرِنتھِیوں 13:1

جے مَیں بندیاں تے فرِشتیاں دِیاں زباناں بولاں تے مُحبّت نا رکھاں تے کھڑکھڑ کرن والا پِتّل تے چَھن کن والی کھڑتال آں۔

۱-کُرِنتھِیوں 13:2

تے جے مَینُوں نبُوّت مِلے تے ساریاں بھیتاں تے سارے عِلم دی واقفی ہوئے تے میرا اِیمان ایتھوں تِیکر پَکّا ہوئے۔ پئی پہاڑاں نُوں ہٹا دیاں۔ تے مَیں مُحبّت نا رکھاں تے مَیں کُجھ وی نئیں۔

۱-کُرِنتھِیوں 14:16

نئیں تے جے تُوں رُوح نال ای حمد کریں گا تے ناواقِف بندہ تیری شُکر گُزاری اُتّے آمِین کِس طرح آکھے گا؟ ایس لئی پئی اوہ نئیں جان دا پئی توں کِیہ آکھنا ایں۔

۱-کُرِنتھِیوں 14:26

سو بھراؤ! کِیہ کرنا چاہیدا اے؟ جد تُسی اکٹّھے ہوندے ہو تے ہر اِک دے دِل وِچ زبُور یا تعلِیم یا مُکاشفہ یا اوپری زبان یا ترجمہ ہوندا اے۔ سبھ کُجھ رُوحانی ترقی دے لئی ہونا چاہیدا اے۔

۱-کُرِنتھِیوں 15:51

ویکھو مَیں تُہانوں ایہہ بھیت دی گلّ دسنا آں۔ اسی سارے سَنواں گے نئیں۔ پر سارے بدل جاواں گے۔

۱-کُرِنتھِیوں 2:10

پر ساڈے اُتّے خُدا اوہناں نُوں رُوح دی راہِیں ظاہر کِیتا۔ کیوں جو رُوح سارِیاں گلّاں سگوں خُدا دِیاں ڈُوہنِگیاں گلّاں وی بھال کر لَیندا اے۔

۱-کُرِنتھِیوں 2:7

سگوں اسی خُدا دی اوہ لُکی ہوئی حِکمت بھیت وانگر بیان کرنے آں۔ جِہنُوں خُدا نے دُنیا دے مُڈھ توں پہلاں ساڈے جلال واسطے مُقرّر کِیتا سی۔

اِفسِیوں 6:19

تے میرے لئی وی۔ تاں جو بولن دے ویلے مَینُوں کلام کرن دی ہِمّت مِلے۔ جِہدے نال مَیں ایس خُوشخبری دے بھیت نُوں دلیری نال ظاہر کراں۔

کُلُسِّیوں 2:2

تاں جو اوہناں دے دِلاں نُوں تسلّی ہوئے۔ تے اوہ آپو وِچ مُحبّت نال گنڈھے رہن۔ تے پُوری سمجھ دی ساری دَولت لے لین۔ تے خُدا دے یعنی مسِیح دے بھیت نُوں پچھانن۔

۱-تِیمُتِھیُس 3:16

ایہدے وِچ شک نئیں پئی دِینداری دا بھید وَڈا اے یعنی اوہ جیہڑا جِسم وِچ ظاہر ہویا۔ تے رُوح وِچ راستباز مِتھیا گیا۔ تے فرِشتیاں وِچ وکھالی دِتّا۔ غیر قوماں وِچ اوہدی منادی ہوئی دُنیا وِچ مَنّیا گیا۔ تے جلال وِچ اُتانہہ چُکیا گیا۔

۱-تِیمُتِھیُس 3:9

تے خُدا دے اِیمان دے بھیت نُوں صاف دِل وِچ حفاظت نال رکھن۔

مُکاشفہ 10:7

سگوں ستویں فرِشتے دی اواز دین دے سَمے وِچ جد اوہ تُرہی پُھوکن لگّے گا۔ تے خُدا دا بھیت اوس خُوشخبری دے سببّوں جیہڑی اوس اپنے بندیاں نبیاں نُوں دِتّی سی پُورا ہوئے گا۔