۱-کُرِنتھِیوں 13:4 - پنجابی نواں عہد نامہ نظرثانی شدہ چھپائی

⁴ مُحبّت صبر کرن والی اے۔ تے مہربان اے۔ مُحبّت وِچ ساڑا نئیں۔ مُحبّت شیخی نئیں مار دی تے پُھلدی نئیں۔

۱-کُرِنتھِیوں 13:4 ပူးပေါင်းရင်းမြစ်များ

متّی 27:18

کیوں جو اوہ جان دا سی پئی اوہناں کھار دے مارے اوہنوں حوالے کِیتا ہویا اے۔

اعمال 7:9

تے اوہناں وَڈّارواں یُوسف نُوں ساڑے نال ویچ دِتّا پئی مِصر نُوں کھڑیا جائے تے خُدا اوہدے نال سی۔

رُومِیوں 1:29

اوہ ساری بے انصافی۔ بُریائی۔ حرص۔ وَیر نال بھر گئے۔ تے ساڑے۔ خُون۔ جھگڑے۔ دغے تے دُشمنی نال بھرے ہوئے چُغلی کرن والے۔

رُومِیوں 13:13

جیویں دِن نُوں چاہیدا اے۔ بھلمانسی نال چلیئے۔ نا لُچ پنیاں تے نشیاں وِچ۔ نا حرامکاری تے بدماشِیاں وِچ۔ نا جھگڑے تے ساڑے وِچ۔

۱-کُرِنتھِیوں 3:3

کیوں جو اجے تِیکر جِسمانی ہو۔ ایس لئی پئی جد تُہاڈے وِچ ساڑا تے جھگڑا اے۔ تے تُسی جِسمانی نا ہوئے؟ تے بندیاں دِیاں طریقیاں اُتّے ٹُرن والے نا ہوئے؟

۱-کُرِنتھِیوں 4:18

کئی اجیہی شیخی مار دے نیں۔ پئی جیویں مَیں تُہاڈے کول آؤنا ای نئیں۔

۱-کُرِنتھِیوں 4:6

تے بھراؤ! مَیں ایہناں گلّاں وِچ تُہاڈی خاطر اپنا تے اُپلّوس دا ذِکر مِثال دے طَور کِیتا اے۔ تاں جو تُسی ساڈی راہِیں ایہہ سِکھّو پئی لِکھے ہوئے توں اگانہہ نا لنگھ جاؤ۔ پئی کوئی اِک دے نال ہو کے دُوجے دے برخلاف شیخی نا مارے۔

۱-کُرِنتھِیوں 5:2

تے تُسی افسوس تے کر دے نئیں۔ تاں جو جِس ایہہ کمّ کِیتا اے۔ اوہ تُہاڈے وِچوں کڈھیا جائے۔ سگوں شیخیاں مار دے ہو۔

۱-کُرِنتھِیوں 8:1

ہُن بُتاں دی قُربانی دی بابت ایہہ گلّ اے اسی جاننے آں پئی اسی سارے عِلم رکھنے آں۔ عِلم مان پَیدا کر دا اے پر مُحبّت ترقی دا سبّب اے۔

۲-کُرِنتھِیوں 12:20

کیوں جو مَیں ڈرنا آں۔ کِتے اجیہا نا ہوئے۔ پئی مَیں آ کے جیویں تُہانوں چاہناں آں ایہو جِہیا نا ویکھیاں۔ تے مَینُوں جیہا تُسی نئیں چاہندے اوہو جِہیا ای ویکھو۔ پئی تُہاڈے وِچ جھگڑا۔ ساڑا۔ غُصّہ۔ جُدائِیاں۔ بدگوئِیاں۔ چُغلیاں۔ شیخیاں تے فساد ہون۔

۲-کُرِنتھِیوں 6:6

پاکیزگی نال۔ عِلم نال ۔تحمّل نال۔ مِہربانی نال۔ پاک رُوح نال۔ سَچّی مُحبّت نال۔

گلتِیوں 5:26

اسی نا حق فخر کر کے نا اِک دُوجے نُوں چِڑائیے۔ تے نا اِک دُوجے ولّوں سڑئیے۔

اِفسِیوں 4:2

یعنی پُوری عاجزی تے حلِیمی نال صبر کر کے مُحبّت نال اِک دُوجے دی برداشت کرو۔

اِفسِیوں 4:32

تے اِک دُوجے اُتّے مہربان تے نرم دِل ہوؤ۔ تے جیویں مسِیح دے سببّوں خُدا ساڈے قصور بخش دِتّے نیں۔ تُسی وی اِک دُوجے نُوں بخشو۔

فِلِپّیوں 1:15

کئی تے ساڑے تے جھگڑے دے سببّوں مسِیح دی منادی کر دے نیں۔ تے کئی نیک نِیتی نال۔

کُلُسِّیوں 1:11

تے اوہدے جلال دی قُدرت دے سببّوں ہر طرح دی قُوّت پَیدا کرو۔ تاں جو خُوشی نال سارِیاں گلّاں وِچ صبر تے حَوصلہ کرو۔

کُلُسِّیوں 2:18

کوئی بندہ عاجزی یا فرِشتیاں دی بندگی نُوں پسند کر کے تُہاڈا دَوڑ والا اِنعام نا کھو لَئے۔ اجیہا بندے اپنے جِسم دی عقل اُتّے بے فائدہ شیخی مار کے ویکھیاں ہویاں شیواں وِچ لگّا رہندا اے۔

کُلُسِّیوں 3:12

سو خُدا دے چُنیاں ہویاں وانگر۔ جیہڑے پاک تے پیارے نیں۔ رَحم دِلی تے مِہربانی تے عاجزی تے حلِیمی تے برداشت دا لباس پاؤ۔

۱-تھِسّلُنِیکوں 5:14

تے بھراؤ! اسی تُہانوں نصِیحت کرنے آں پئی بے قاعدہ ٹُرن والیاں نُوں سمجھاؤ۔ نِگھریاں ہویاں نُوں دلاسا دیو ماڑیاں نُوں سنبھالو۔ سبھناں نال صبر دا سلُوک کرو۔

۱-تِیمُتِھیُس 6:4

اوہ مغرُور اے تے کُجھ وی نئیں جان دا سگوں اوہنوں بحث تے لفظی جھگڑیاں دی بیماری اے۔ جِنہاں توں ساڑا۔ لڑائِیاں۔ تے بدگوئِیاں تے بدنِیتی۔

۲-تِیمُتِھیُس 2:25

تے مخالفت کرن والیاں نُوں حلِیمی نال تعلِیم دے۔ شاید خُدا اوہناں نُوں تَوبہ دی طاقت بخشے پئی اوہ سچیائی نُوں جانن۔

۲-تِیمُتِھیُس 3:10

پر تُوں تعلِیم۔ چال چَلّن۔ اِرادے۔ اِیمان۔ صبر۔ مُحبّت۔ برداشت۔ ستائے جان۔ تے دُکھ دَرد سہن وِچ میری پَیروی کِیتی۔

۲-تِیمُتِھیُس 4:2

پئی تُوں کلام دی منادی کر۔ ویلے کویلے تیار رہ۔ تے ہر طرح دے صبر تے تعلِیم دے نال الزام دے۔ تے ملامت تے نصِیحت کر۔

طِطُس 3:3

کیوں جو اسی وی پہلاں نادان۔ نافرمان۔ دھوکھا کھان والے تے بُریاں خواہشاں تے خُوشیاں دے غلام ساں۔ تے دُکھ۔ تے ساڑا کر دے ساں۔ نفرت دے لائق ساں تے آپو وِچ وَیر رکھدے ساں۔

یعقُوب 4:5

تُسی ایہہ سمجھدے ہو پئی پاک کتاب ایویں آکھدی اے؟ پئی رُوح جیہڑا ساڈے وِچ اوس وسایا اے اوہ غیرت نال چاہ کر دا اے؟

۱-پطرس 2:1

فیر ساری بدی تے سارے فریب تے مکّاری تے ساڑا تے بُرا آکھنا چھڈ کے۔

۱-پطرس 3:8

چھیکڑلی گلّ ایہہ اے۔ پئی سارے اِک دِل تے ہمدرد ہوؤ۔ بھراواں وانگر مُحبّت کرو۔ نرم دِل تے نِیویں رہو۔

۱-پطرس 4:8

ساریاں نالوں پہلاں ایہہ چنگی گلّ اے پئی آپو وِچ بڑی مُحبّت کرو۔ کیوں جو مُحبّت بُہتے گُناہاں اُتّے پردہ پا چھڈ دی اے۔

۲-پطرس 1:7

تے دِینداری اُتّے بھراواں دا پیار۔ تے بھراواں دے پیار اُتّے وی مُحبّت وَدھاؤ۔

۱-یُوحنّا 4:11

پیاریو۔ جد خُدا ساڈے نال اجیہی مُحبّت کِیتی۔ تے سانُوں وی اِک دُوجے نال مُحبّت کرنی چاہیدی اے۔