۱-کُرِنتھِیوں 13:13 - پنجابی نواں عہد نامہ نظرثانی شدہ چھپائی

¹³ سو اِیمان اُمّید مُحبّت تِنّے سدا رہن والِیاں نیں پر اوہناں وِچوں وَدّھیا مُحبّت اے۔

۱-کُرِنتھِیوں 13:13 ပူးပေါင်းရင်းမြစ်များ

لُوقا 10:27

اوس جواب دِتّا پئی تُوں خُداوند نُوں جیہڑا تیرا خُدا اے اپنے سارے دِل تے اپنی ساری جان تے اپنے سارے زور تے اپنی ساری عقل نال پیار کر۔ تے اپنے گوانڈھی نُوں اپنے جِہیا۔

لُوقا 22:32

پر مَیں تیرے لئی دُعا کِیتی۔ پئی تیرا اِیمان جاندا نا رہے۔ تے جد تُوں مُڑ پئیں تے اپنے بھراواں نُوں تگڑیاں کریں۔

رُومِیوں 15:13

ہُن اوس آس دا خُدا تُہاڈے اِیمان لیاؤن دے سبّب ساری خُوشی تے چَین نال تُہانوں بھر دیوے تاں جو تُسی پاک رُوح دی قُدرت نال آس وِچ وَدھدے جاؤ۔

۱-کُرِنتھِیوں 14:1

مُحبّت دے طالب رہو۔ تے رُوحانی نِعمتاں دی چاہ رکھو۔ خاص کر ایس گلّ دی پئی نبُوّت کرو۔

۱-کُرِنتھِیوں 16:14

جو کُجھ کر دے ہو مُحبّت نال کرو۔

۱-کُرِنتھِیوں 3:14

جِہدا کمّ اوہدے اُتّے اُساریا ہویا باقی رہے گا۔ اوہنوں بدلہ مِلے گا۔

۱-کُرِنتھِیوں 8:1

ہُن بُتاں دی قُربانی دی بابت ایہہ گلّ اے اسی جاننے آں پئی اسی سارے عِلم رکھنے آں۔ عِلم مان پَیدا کر دا اے پر مُحبّت ترقی دا سبّب اے۔

۱-کُرِنتھِیوں 8:3

پر جیہڑا خُدا نال مُحبّت رکھدا اے خُدا اوہنوں پچھاندا اے۔

۲-کُرِنتھِیوں 5:10

کیوں جو ضرُوری گلّ اے پئی مسِیح دے عدالت دے تخت دے اگّے جا کے ساڈے سبھناں دا حال کُھل جاوے۔ تاں جو ہر کِسے نُوں اوہدیاں اوہناں کمّاں دا بدلہ مِلے۔ جیہڑے اوس بدن دی راہِیں کِیتے ہون۔ بھانویں بھلے تے بھانویں بُرے۔

۲-کُرِنتھِیوں 5:15

تے اوہ ایس لئی ساریاں لئی مویا پئی جیہڑے جِیوندے نیں اوہ اگّے نُوں اپنے واسطے نا جیون سگوں اوہدے لئی جیہڑا اوہناں واسطے مویا تے فیر جی اُٹھیا۔

گلتِیوں 5:6

تے مسِیح یِسُوع وِچ نا تے سُنتی بہنا کِسے کمّ دا اے۔ تے نا سُنتی نا بہنا۔ پر اوہ اِیمان جیہڑا مُحبّت دی راہِیں اثر کر دا اے۔

فِلِپّیوں 1:9

تے ایہہ دُعا کرنا آں پئی تُہاڈی مُحبّت عِلم تے ہر طرح دی پچھان نال ہور وی وَدّھدِی جاوے۔

کُلُسِّیوں 1:27

جِنہاں اُتّے خُدا ظاہر کرنا چاہندا سی۔ پئی غیر قوماں وِچ اوس بھیت دے جلال دی دَولت کیہو جیہی اے۔ تے اوہ ایہہ اے۔ پئی مسِیح جیہڑا جلال دی آس اے۔ تُہاڈے وِچ رہندا اے۔

کُلُسِّیوں 1:5

اوس آس کِیتی ہوئی شے دے سببّوں جیہڑی تُہاڈے واسطے اسمان اُتّے رکھی ہوئی اے۔ جِہدا ذِکر تُساں اوس خُوشخبری دے سَچّے کلام وِچ سُنیا اے۔

کُلُسِّیوں 3:14

تے اوہناں ساریاں اُتّے مُحبّت پا لوؤ۔ کیوں جو اوہ کمال دی پیٹی اے۔

۱-تھِسّلُنِیکوں 1:3

تے اپنے خُدا تے باپ اگّے تُہاڈے اِیمان دے کمّ تے مُحبّت دی محنت تے اوس آس دے صبر نُوں جیہڑا ساڈے خُداوند یِسُوع مسِیح دے اُتّے اے۔ ہر ویلے یاد کرنے آں۔

۱-تھِسّلُنِیکوں 5:8

پر اسی جیہڑے دِن دے آں اِیمان تے مُحبّت دی بکتر پا کے تے نجات دی آس دا خود پا کے ہُشیار رہئے۔

۱-تِیمُتِھیُس 1:5

حُکم دا مطلب ایہہ اے پئی پاک دِلی تے نیک نِیتی تے سَچّے اِیمان نال مُحبّت ہوئے

۲-تِیمُتِھیُس 1:7

کیوں جو خُدا سانُوں ڈرن والی رُوح نئیں سگوں طاقت تے پیار تے سُرت دی رُوح دِتّی اے۔

عِبرانیوں 10:35

ایس لئی اپنی دلیری نُوں نا چھڈو جِہدا بڑا اَجر اے۔

عِبرانیوں 10:39

پر اسی ناس ہون لئی پِچھّاں کھِسکن والے نئیں سگوں اوہناں وِچوں آں جیہڑے جان بچان لئی اِیمان لیاؤندے نیں۔

عِبرانیوں 6:11

اسی ایس گلّ دی چاہ کرنے آں۔ پئی تُہاڈے وِچوں ہر کوئی پُوری آس دے لئی اوڑک تِیکر ہر طرح کوشش ظاہر کر دا رہے۔

عِبرانیوں 6:19

اوس شے دی آس ساڈی جان دا اجیہا لنگر اے۔ جیہڑا ثابت تے قیم رہندا اے۔ تے پردے دے اندر تِیکر اَپڑ جاندا اے۔

۱-پطرس 1:21

تے تُساں اوہدی راہِیں خُدا اُتّے اِیمان لیاندا اے۔ جِس اوہنوں مُردیاں وِچوں جوایا اے۔ تے جلال وی دِتّا۔ تاں جو تُہاڈا اِیمان تے آس خُدا اُتّے ہوئے۔

۱-یُوحنّا 2:10

تے جیہڑا اپنے بھرا نال مُحبّت رکھدا اے اوہ چانن وِچ رہندا اے تے اوہدے وِچ تے اوہنوں ٹھیڈا نئیں لگدا۔

۱-یُوحنّا 2:14

بزُرگو۔ مَیں تُہانوں ایس کر کے لِکھیا اے۔ پئی جیہڑا مُڈھوں اے۔ اوہنوں تُسی جان گئے ہو۔ جوانو۔ مَیں تُہانوں ایس کر کے لِکھیا اے۔ پئی تُسی تگڑے ہو۔ تے خُدا دا کلام تُہاڈے وِچ رہندا اے۔ تے تُساں شریر نُوں جِت لیا اے۔

۱-یُوحنّا 2:24

جیہڑی گلّ تُساں مُڈھوں سُنی اے اوہ ای تُہاڈے وِچ رہے تے جیہڑی گلّ مُڈھوں تُساں سُنی اے جے اوہ تُہاڈے وِچ رہے۔ تے تُسی وی پُتر تے باپ وِچ رہو گے۔

۱-یُوحنّا 3:3

تے جیہڑا اوہدے توں ایہہ آس رکھدا اے اپنے آپ نُوں تِہا ای پاک کر دا اے۔ جِہیو جِہیا اوہ پاک اے۔

۱-یُوحنّا 3:9

جیہڑا خُدا توں جمّیا اے۔ اوہ گُناہ نئیں کر دا۔ کیوں جو اوہدا بی اوہدے وِچ رہندا اے سگوں اوہ گُناہ کر ای نئیں سکدا کیوں جو اوہ خُدا توں جمّیا ہویا اے۔