۱-کُرِنتھِیوں 10:23 - پنجابی نواں عہد نامہ نظرثانی شدہ چھپائی

²³ سارِیاں شیواں روا تے ہَین۔ پر سارِیاں شیواں فائدے والیاں نئیں۔ سارِیاں شیواں روا تے ہَین۔ پر سارِیاں ترقی دا سبّب نئیں۔

۱-کُرِنتھِیوں 10:23 ပူးပေါင်းရင်းမြစ်များ

رُومِیوں 14:15

سو جے کھان دے سببّوں تیرے بھراواں نُوں دُکھ ہوندا اے۔ تے تُوں فیر مُحبّت وِچ نئیں چلدا۔ اپنے کھان نال اوہدا ناس نا کر۔ جِہدے بدلے مسِیح مویا۔

۱-کُرِنتھِیوں 14:12

سو جد رُوحانی نِعمتاں دی چاہ رکھدے ہو تاں ایہہ کوشش کرو پئی تُہاڈیاں نِعمتاں دے وَدھن نال کلِیسیا دی ترقی ہوئے۔

۱-کُرِنتھِیوں 14:17

تُوں تے بے شک چنگی طرح نال شُکر گُزاری کرنا ایں پر دُوجے دی ترقی نئیں ہوندی۔

۱-کُرِنتھِیوں 14:26

سو بھراؤ! کِیہ کرنا چاہیدا اے؟ جد تُسی اکٹّھے ہوندے ہو تے ہر اِک دے دِل وِچ زبُور یا تعلِیم یا مُکاشفہ یا اوپری زبان یا ترجمہ ہوندا اے۔ سبھ کُجھ رُوحانی ترقی دے لئی ہونا چاہیدا اے۔

۱-کُرِنتھِیوں 6:12

سارِیاں شیواں میرے واسطے روا تے نیں پر سارِیاں شیواں فائدے والیاں نئیں۔ سارِیاں شیواں میرے لئی روا تے نیں۔ پر مَیں کِسے شے دے قابُو وِچ نا ہوواں گا۔

۱-کُرِنتھِیوں 8:1

ہُن بُتاں دی قُربانی دی بابت ایہہ گلّ اے اسی جاننے آں پئی اسی سارے عِلم رکھنے آں۔ عِلم مان پَیدا کر دا اے پر مُحبّت ترقی دا سبّب اے۔

۱-کُرِنتھِیوں 8:9

پر خبردار رہو۔ اجیہا نا ہوئے پئی تُہاڈی ایہہ کُھل کمزوراں دی ٹھوکر دا سبّب بن جائے۔

۲-کُرِنتھِیوں 12:19

تُسی اجے تِیکر ایہو ای سمجھدے ہوؤگے پئی اسی تُہاڈے اگّے عُذر کرنے آں۔ اسی تے خُدا نُوں حاضر جان کے مسِیح وِچ سَچ بولنے آں۔ تے پیاریو! ایہہ سبھ کُجھ تُہاڈی ترقی دے لئی اے۔

اِفسِیوں 4:29

کوئی گندی گلّ تُہاڈے مُنھ توں نا نِکلے۔ سگوں اوہو جیہڑی ویلے سر فائدہ دیوے۔ تاں جو اوہدے توں سُنن والیاں اُتّے فضل ہوئے۔

۱-تھِسّلُنِیکوں 5:11

سو تُسی اِک دُوجے نُوں تسلّی دیو تے اِک دُوجے دی ترقی دا سبّب بنو جیویں تُسی کر دے وی ہو۔

۱-تِیمُتِھیُس 1:4

تے اوہناں کہانِیاں تے بے انت شجریاں دا خیال نا کرن۔ جیہڑے جھگڑے دا سبّب ہوندے نیں۔ تے اوس خُدائی۔ بندوبست دے سببّوں نئیں جیہڑا اِیمان اُتّے بنیا ہویا اے۔ اوسے طرح مَیں ہُن وی کرنا آں۔