۱-کُرِنتھِیوں 1:7 - پنجابی نواں عہد نامہ نظرثانی شدہ چھپائی

⁷ ایتھوں توڑی پئی تُسی کِسے نِعمت وِچ ہورناں نالوں گھٹ نئیں تے ساڈے خُداوند یِسُوع مسِیح دے ظاہر ہون دی اُڈِیک وِچ اوہ۔

۱-کُرِنتھِیوں 1:7 ပူးပေါင်းရင်းမြစ်များ

متّی 25:1

اوس ویلے اسمان دی بادشاہی دَساں کوارِیاں وانگر ہوئے گی جیہڑیاں اپنیاں مسالاں لے کے لاڑے دے مِلن نُوں نِکلیاں۔

لُوقا 12:36

تے تُسی آپ اوہناں بندیاں وانگر ہو جیہڑے اپنے مالک دا راہ اُڈِیکدے نیں۔ پئی اوہ کدوں ویاہ توں مُڑ آوے گا۔ تاں جو اوہ آوے تے کھڑکاوے اونویں ای اوہدے لئی بُوہا کھول دین۔

لُوقا 17:30

جِس دِن اِبنِ آدم ظاہر کِیتا جاندا اے۔ ایسے طرح ہوئے گا۔

رُومِیوں 8:19

پئی خلقت بڑی چاہ نال خُدا دے پُتراں دے ظاہر ہون دا راہ ویکھدی اے۔

رُومِیوں 8:23

تے نِری اوہو نئیں پر اسی وی جِنہاں نُوں رُوح دے پہلے پَھل مِلے۔ آپ ای اپنے وِچ تڑپھنے آں۔ تے پُتریلے ہون دے یعنی اپنے بدن دے چُھٹکارے دی اُڈِیک وِچ آں۔

۱-کُرِنتھِیوں 4:5

سو جد تِیکر خُداوند نا آوے۔ ویلے توں پہلاں کِسے کمّ دا فیصلہ نا کرو اوہو ہنیرے دِیاں چُھپیاں ہویاں گلّاں نُوں روشن کر دے گا۔ تے دِلاں دے منصُوبے ظاہر کر دے گا۔ اوس ویلے ہر اِک دی وڈیائی خُدا ولّوں ہوئے گی۔

۲-کُرِنتھِیوں 12:13

تُسی کیہڑی گلّ وِچ ہورناں کلِیسیاواں نالوں گھٹ نِکلے۔ ایہدے سِوا پئی مَیں تُہاڈے اُتّے بھار نا پایا؟ میری ایہہ بے انصافی مُعاف کرو۔

گلتِیوں 5:5

کیوں جو اسی رُوح دے سبّب اِیمان دی راہِیں راست بازی دی آس پُوری ہون دی اُڈِیک وِچ آں۔

فِلِپّیوں 3:20

پر ساڈا وطن اسمان اے۔ تے اسی اِک نجات دین والے یعنی خُداوند یِسُوع مسِیح دے آؤن دی اُڈِیک وِچ آں۔

کُلُسِّیوں 3:4

جد مسِیح جیہڑا ساڈی زِندگی اے۔ ظاہر کِیتا جائے گا تے تُسی وی جلال وِچ اوہدے نال ظاہر کِیتے جاؤ گے۔

۱-تھِسّلُنِیکوں 1:10

تے اوہدے پُتر دے اسمان ولّوں آؤن دی اُڈِیک وِچ رہو۔ جِہنُوں اوس مُردیاں وِچوں جوایا۔ جِہدا ناں اے یِسُوع۔ جیہڑا سانُوں آؤن والے غضبوں چھڈاؤندا اے۔

۲-تھِسّلُنِیکوں 1:7

تے تُہانوں دُکھ سہن والیاں نُوں ساڈے نال آرام دیوے۔ اوس ویلے جدوں خُداوند یِسُوع اپنیاں زوراور فرِشتیاں نال مُچّی ہوئی اَگ وِچ اسمانوں ظاہر ہوئے گا۔

۲-تِیمُتِھیُس 4:8

اگّے لئی میرے واسطے راستبازی دا اوہ تاج رکھیا ہویا اے۔ جیہڑا راستباز نیائِیں یعنی خُداوند مَینُوں اوس دِن دے گا۔ تے نِرا مَینُوں ای نئیں سگوں اوہناں ساریاں نُوں وی جیہڑے اوہدے ظاہر ہون دی اُڈِیک وِچ نیں۔

طِطُس 2:13

تے اوس مُبارک آس یعنی اپنے بزُرگ خُدا تے نجات دین والے یِسُوع مسِیح دے جلال دے ظاہر ہون دی اُڈِیک وِچ رہئے۔

عِبرانیوں 9:28

ایسے طرح مسِیح وی جیہڑا اِک وار بتھیریاں لوکاں دے گُناہ چُکن لئی قُربان ہویا دُوجی وار گُناہ دے بِناں نجات لئی اوہناں نُوں وکھالی دے گا۔ جیہڑے اوہنوں اوڈِیک دے نیں۔

۱-پطرس 1:13

ایس واسطے اپنی عقل دا لکّ بَنّھ کے تے ہُشیار ہو کے اوس فضل دی پُوری آس رکھو جیہڑا یِسُوع مسِیح دے وکھالی دین دے ویلے تُہاڈے اُتّے ہون والا اے۔

۱-پطرس 4:13

سگوں تُسی خُوشی کرو۔ پئی تُسی مسِیح دیاں دُکھاں وِچ سنگی اوہ۔ تاں جو اوہدے جلال دے ظاہر ہون دے ویلے بے انت خُوشی کرو۔

۱-پطرس 5:4

تے جدوں وَڈا آجڑی ظاہر ہوئے گا۔ تے تُہانوں جلال دا اجیہا سِہرا مِلے گا جیہڑا کُملاؤندا نئیں۔

۲-پطرس 3:12

تے خُدا دے اوس دِن دے آؤن دی چاہ تے اوڈِیک کِنی چاہیدی اے۔ جِہدے سبّب اسمان اَگ نال پِگھر جان گے تے عناصر ڈاہڈی گرمی نال گلّ جان گے۔

۱-یُوحنّا 3:2

پیاریو! اسی ہُن خُدا دے پُتر آں۔ تے اجے تِیکر ایہہ ظاہر وی نئیں ہویا پئی کِیہ ہوواں گے۔ اَیناں جاننے آں پئی جدوں اوہ ظاہر ہوئے گا۔ تے اسی وی اوہدے وانگر ہوواں گے۔ کیوں جو جِہا اوہ ہے تِہا ای اوہنوں ویکھاں گے۔

یہُوداہ 1:21

اپنے آپ نُوں خُدا دی مُحبّت وِچ پَکیّاں رکھو۔ تے سدا دی زِندگی لئی ساڈے خُداوند یِسُوع مسِیح دی رحمت دی اُڈِیک رکھو۔