۱-کُرِنتھِیوں 1:30 - پنجابی نواں عہد نامہ نظرثانی شدہ چھپائی

³⁰ پر تُسی اوہدے ولّوں یِسُوع مسِیح وِچ ہو جیہڑا ساڈے لئی خُدا ولّوں حِکمت ہویا یعنی راستبازی تے پاکیزگی تے مُکتی۔

۱-کُرِنتھِیوں 1:30 ပူးပေါင်းရင်းမြစ်များ

متّی 1:21

اوہ پُتر جمّے گی۔ تے تُوں اوہدا ناں یِسُوع رکھّیں کیوں جو اوہو اپنے لوکاں نُوں اوہناں دے گُناہاں توں بچائے گا۔

لُوقا 11:49

ایسے لئی خُدا دی حِکمت نے وی آکھیا اے پئی مَیں نبیاں تے رسُولاں نُوں اوہناں کول گھلاں گی تے اوہ اوہناں وِچوں کئیاں نُوں مار سُٹّن گے تے کئیاں نُوں ستان گے۔

لُوقا 21:15

ایس لئی پئی مَیں تُہانوں اجیہی زبان تے حِکمت دیاں گا جِہدے اگّے تُہاڈے وَیری نا بول سکن نا کھلو سکن۔

یُوحنّا 1:18

خُدا نُوں کدی کِسے نئیں ڈِٹّھا پر اِکلَوتے پُتر نیں جیہڑا باپ دی گدّ وِچ اے اوہنوں ظاہر کِیتا۔

یُوحنّا 14:6

یِسُوع اوہنوں آکھیا مَیں ای راہ تے سچیائی تے زِندگی آں۔ میرے بِناں کوئی باپ دے کول نئیں آؤندا۔

یُوحنّا 17:26

تے مَیں اوہناں نُوں تیرے ناں توں واقف کرایا تے کر لواں گا وی۔ تاں جو اوہ پیار جِہدے نال توں مَینُوں پیار کِیتا اوہناں وِچ ہوئے تے مَیں اوہناں وِچ ہوواں۔

یُوحنّا 17:8

ایس لئی پئی ایہہ کلام جیہڑا تُوں مَینُوں دِتّا مَیں اوہناں نُوں دِتّا اے۔ تے اوہناں قبول کِیتا تے سَچ مَنّیا پئی مَیں تیرے ولّوں نِکلیا۔ تے اِیمان لیاندا پئی تُوں مَینُوں گھلّیا۔

یُوحنّا 8:12

تَد یِسُوع فیر اوہناں نُوں آکھیا۔ دُنیا دا چانن مَیں آں۔ اوہ جیہڑا میرے مگر آؤندا اے ہنیرے وِچ نئیں ٹُرے گا سگوں اوہنوں زِندگی دا چانن مِلے گا۔

اعمال 26:18

پئی تُوں اوہناں دِیاں اَکھّیاں کھولیں۔ تاں جو اوہ ہنیریوں چانن ولّ۔ تے شیطان دے وَس توں خُدا ولّ مُڑن پئی گُناہاں دی مُعافی لین۔ تے اوہناں لوکاں وِچ جیہڑے میرے اُتّے اِیمان رکھن نال پاک ہوئے نیں وِرثہ لین۔

رُومِیوں 1:17

ایس لئی پئی خُدا دی راستبازی اِیمان توں تے اِیمان لئی اوہدے وِچ ظاہر ہوندی اے۔ جیویں لِکھیا ہویا اے۔ پئی راستباز اِیمان توں جیوے گا۔

رُومِیوں 11:36

کیوں جو اوسے توں تے اوسے دی راہِیں تے اوسے لئی سارِیاں شیواں ہویاں نیں۔ اوہدی وڈیائی سدا تِیکر ہوئے۔ آمِین۔

رُومِیوں 12:5

اوسے طرح اسی جیہڑے بتھیرے آں پر مسِیح وِچ اِک بدن آں۔ تے اِک اِک کر کے اِک دُوجے دے انگ آں۔

رُومِیوں 16:11

ہیرودیاں نُوں جیہڑا میرا ساک اے سلام آکھو نَرکِسُّس دے ٹبّر دے جِنّے خُداوند وِچ نیں۔ اوہناں نُوں سلام آکھو۔

رُومِیوں 16:7

میرے ساکاں اندرُنِیکُس تے یُونِیاس نُوں سلام آکھو۔ اوہ تے قید وِچ میرے ساتھی سن تے رسُولاں وِچ مشہُور نیں۔ تے مَیتھوں اگیترے مسِیح وِچ سن۔

رُومِیوں 4:25

جیہڑا ساڈیاں قصوراں دے لئی حوالے کِیتا گیا۔ تے سانُوں راستباز ٹھہران لئی جوایا گیا۔

رُومِیوں 4:6

جیویں داؤد دی اوس بندے دے مُبارک حال دا ذِکر کر دا اے۔ جِہدے لئی خُدا بِناں کمّاں دے راستبازی گِن لَیندا اے۔

رُومِیوں 5:19

کیوں جو جیویں اِک بندے دے حُکم موڑن نال بتھیرے گُناہیں ٹھہرائے گئے۔ ایسے طرح اِک بندے دے حُکم مَنّن نال بتھیرے راستباز ٹھہرائے جان گے۔

رُومِیوں 5:21

تاں جو جیویں گُناہ مَوت وِچ بادشاہی کِیتی۔ ایسے طرح فضل دی زِندگی توڑی راستبازی دی راہِیں یِسُوع مسِیح ساڈے خُداوند دی راہِیں بادشاہی کرے۔

رُومِیوں 8:1

سو ہُن اوہناں اُتّے کُجھ وی سزا دا حُکم نئیں۔ جیہڑے مسِیح یِسُوع وِچ نیں۔

رُومِیوں 8:23

تے نِری اوہو نئیں پر اسی وی جِنہاں نُوں رُوح دے پہلے پَھل مِلے۔ آپ ای اپنے وِچ تڑپھنے آں۔ تے پُتریلے ہون دے یعنی اپنے بدن دے چُھٹکارے دی اُڈِیک وِچ آں۔

رُومِیوں 8:9

پر تُسی جِسمانی نئیں سگوں رُوحانی ہو۔ جے خُدا دا رُوح تُہاڈے وِچ وَسدا ہوئے۔ پر جِہدے وِچ مسِیح دا رُوح نئیں اوہ اوہدا نئیں اے۔

۱-کُرِنتھِیوں 1:2

خُدا دی اوس کلِیسیا نُوں جیہڑی کُرِنتِھس وِچ اے۔ یعنی اوہناں نُوں جیہڑے مسِیح یِسُوع دی راہِیں پاک کِیتے گئے تے پاک لوک ہون دے لئی سَدّے گئے نیں تے اوہناں ساریاں نُوں وی جیہڑے سبھنیں تھائِیں ساڈے تے اپنے خُداوند یِسُوع مسِیح دا ناں لَیندے نیں۔

۱-کُرِنتھِیوں 1:24

پر جیہڑے سَدّے ہوئے نیں یہُودی ہون بھانویں یُونانی۔ اوہناں بھانے مسِیح خُدا دی قُدرت تے خُدا دی حِکمت اے۔

۱-کُرِنتھِیوں 12:18

پر اصل وِچ خُدا ہر اِک انگ نُوں جِسم وِچ اپنی مرضی دے سببّوں رکھیا اے۔

۱-کُرِنتھِیوں 12:27

ایویں تُسی مِل کے مسِیح دا بدن ہو تے وکھرے وکھرے انگ ہو۔

۱-کُرِنتھِیوں 12:8

کیوں جو اِک نُوں رُوح دی راہِیں حِکمت دا کلام مِلدا اے تے دُوجے نُوں اوسے رُوح دی مرضی نال عِلم دا کلام۔

۱-کُرِنتھِیوں 4:15

کیوں جو جے مسِیح وِچ تُہاڈے اُستاد دَس ہزار وی ہون۔ تَد وی تُہاڈے رُوحانی پئیو بتھیرے نئیں۔ ایس لئی پئی مَیں ای اِنجِیل دی راہِیں مسِیح یِسُوع وِچ تُہاڈا پئیو بنیا۔

۱-کُرِنتھِیوں 6:11

تے کئی تُہاڈے وِچ اجیہے اے سن وی۔ پر تُسی خُداوند یِسُوع مسِیح دے ناں اُتّے تے ساڈے خُدا دے رُوح نال دھوئے گئے تے پاک ہوئے تے راستباز ٹھہرے۔

۲-کُرِنتھِیوں 12:2

مَیں مسِیح وِچ اِک بندے نُوں جاننا آں چَوداں ورھے ہوئے پئی اوہ اِک دم ترِیجے اسمان تِیکر اُٹھا لیا گیا۔ مَینُوں پتا نئیں پئی بدن سَنے یا بدن بِناں۔ ایہہ خُدا نُوں پتا اے۔

۲-کُرِنتھِیوں 4:6

ایس لئی پئی خُدا ای اے جِس آکھیا پئی ہنیرے وِچوں نُور چمکے تے اوہو ای ساڈیاں دِلاں وِچ چمکیا۔ تاں جو خُدا دے جلال دی پچھان دا نُور یِسُوع مسِیح دے چِہرے توں چمکارا مارے۔

گلتِیوں 1:4

جِس ساڈیاں گُناہاں دے بدلے اپنے آپ نُوں قُربان کر دِتّا۔ ایس کر کے پئی ساڈے خُدا تے باپ دی مرضی دے سببّوں سانُوں ہُن وی بَھیڑی دُنیا توں چھڈائے۔

گلتِیوں 3:13

مسِیح ساڈے لئی لعنتی بن کے تے سانُوں مُل لے کے شریعت دی لعنت توں چھڈایا۔ کیوں جو لِکھیا ہویا اے پئی جیہڑا کاٹھ اُتّے ٹنگیا گیا اوہ لعنتی اے۔

اِفسِیوں 1:10

تاں جو زمانیاں دے پُورا ہون دا اِنج بندوبست ہوئے۔ پئی مسِیح وِچ سارِیاں شیواں اکٹّھیاں ہو جان۔ بھانویں اسمان دِیاں ہون بھانویں زمین دِیاں۔

اِفسِیوں 1:14

اوہ ای خُدا دی ملکیّت دی رہائی واسطے ساڈے وِرثے دی سائی اے۔ تاں جو اوہدے جلال دی وڈیائی ہوئے۔

اِفسِیوں 1:7

اسی اوہدے وِچ اوہدے خُون دی راہِیں رہائی یعنی قصوراں دی مُعافی پانے آں۔ اوہدے اوس فضل دی دَولت دے سببّوں۔

اِفسِیوں 2:10

کیوں جو اسی اوسے دی کاریگری آں تے مسِیح یِسُوع وِچ اوہناں نیک کمّاں دے واسطے پَیدا کِیتے گئے ساں جیہڑے خُدا مُڈھوں ای ساڈے کرن لئی تیار کِیتے سن۔

اِفسِیوں 4:30

تے خُدا دے پاک رُوح نُوں نا کلپاؤ جِہدی ساڈے اُتّے چُھٹکارے دے دِن لئی مُہر لگّی ہوئی اے۔

اِفسِیوں 5:26

تاں جو اوہنوں کلام دی راہِیں پانی نال نوھا کے تے صاف کر کے پاک بنائے۔

فِلِپّیوں 3:9

تے مَیں اوہدے وِچ لَبّھاں تے میرے کول اپنی اوہ راست بازی نا ہوئے جیہڑی شریعت ولّوں اے۔ پر اوہ جیہڑی مسِیح اُتّے اِیمان رکھن دے سببّوں اے پئی اوہ راستبازی جیہڑی خُدا ولّوں اِیمان دی راہِیں مِلدی اے۔

کُلُسِّیوں 1:14

جِہدے توں سانُوں رہائی یعنی گُناہ دی مُعافی مِلی۔

کُلُسِّیوں 3:16

مسِیح دے کلام نُوں پُوری دانائی نال اپنے دِل وِچ چنگی طرح وَسّن دیو۔ تے تُسی زبُوراں تے گِیتاں تے رُوحانی غزلاں نال آپو وِچ سکھاؤ تے نصِیحت کرو تے اپنے دِلاں وِچ فضل نال خُدا لئی گاؤ۔

۱-تھِسّلُنِیکوں 5:23

خُدا جیہڑا تسلّی دا چشمہ اے آپ تُہانوں بالکل پاک کرے تے تُہاڈی رُوح تے جان تے بدن ساڈے خُداوند یِسُوع مسِیح دے آؤن تِیکر ثابت ثبُوت تے بے عیب بچے رہن۔

طِطُس 2:14

جِس اپنے آپ نُوں ساڈے لئی دے دِتّا۔ پئی سانُوں ساری بیدینی توں ڈنڈ بھرکے چھڈائے تے پاک کر کے اپنے خاص وِرثہ لئی اِک اُمّت بنائے۔ جیہڑی نیک کمّاں وِچ سرگرم ہوئے۔

عِبرانیوں 9:12

تے بکرِیاں تے وَچّھیاں دا لہو نئیں سگوں اپنا ای لہو لے کے آیا تے پاک مکان وِچ اِکّووار وڑ گیا تے سدا دی وی خلاصی کرائی۔

یعقُوب 1:5

پر جے تُہاڈے وِچ کِسے نُوں دانائی دا گھاٹا ہوئے تے اوہ خُدا کولوں منگے جیہڑا ساریاں نُوں بِناں جِھڑکیاں کُھلے دِل نال دیندا اے تے اوہنوں مِل جائے گی۔

۱-پطرس 1:2

خُدا باپ دے اگیترے عِلم دے سببّوں رُوح دے پاک کرن نال تابعدار ہون تے یِسُوع مسِیح دا لہو چِھڑکے جان واسطے چُنے ہوئے نیں۔ فضل تے تسلّی تُہانوں مِلدی رہے۔

۲-پطرس 1:1

شمعُون پطرس ولّوں جیہڑا یِسُوع مسِیح دا غلام تے رسُول اے۔ اوہناں لوکاں دے ناں جِنہاں ساڈے خُدا تے نجات دین والے یِسُوع مسِیح دی راستبازی دی راہِیں ساڈے وانگر قِیمتی اِیمان پایا اے۔

۱-یُوحنّا 5:6

ایہہ اوہ اے جیہڑا پانی تے لہو دوہاں دی راہِیں آیا سی یعنی یِسُوع مسِیح نِرا پانی دے راہِیں نئیں۔ سگوں پانی تے لہو دو آں دی راہِیں۔

مُکاشفہ 14:4

ایہہ اوہ نیں جیہڑے زنانِیاں نال پلید نئیں ہوئے تے سگوں کوارے نیں ایہہ اوہ نیں جیہڑے لیلے دے پِچّھے پِچّھے جِتّھے اوہ جاندا اے ٹُردے نیں۔ ایہہ خُدا تے لیلے دے لئی پہلے پَھل ہون لئی بندیاں وِچوں مُل لَئے گئے نیں۔

مُکاشفہ 5:9

تے اوہ نواں گِیت گاؤن لگّے پئی تُوں ای اوس کتاب دے لین تے اوہدیاں مُہراں توڑن دے لائق ایں۔ کیوں جو تُوں ہلال ہو کے اپنے خُون توں ساریاں گھرانیاں تے زبان والیاں تے اُمّتاں تے قوماں وِچوں خُدا دے لئی لوکاں نُوں مُل لیا۔