۱-کُرِنتھِیوں 1:2 - پنجابی نواں عہد نامہ نظرثانی شدہ چھپائی

² خُدا دی اوس کلِیسیا نُوں جیہڑی کُرِنتِھس وِچ اے۔ یعنی اوہناں نُوں جیہڑے مسِیح یِسُوع دی راہِیں پاک کِیتے گئے تے پاک لوک ہون دے لئی سَدّے گئے نیں تے اوہناں ساریاں نُوں وی جیہڑے سبھنیں تھائِیں ساڈے تے اپنے خُداوند یِسُوع مسِیح دا ناں لَیندے نیں۔

۱-کُرِنتھِیوں 1:2 ပူးပေါင်းရင်းမြစ်များ

اعمال 10:36

اوہ کلام جیہڑا اوس یِسُوع مسِیح دی راہِیں (جیہڑا سبھناں دا خُداوند اے۔) بنی اِسرائیل دے کول صُلح دی خُوشخبری سُنا کے گھلّیا۔

اعمال 15:9

تے اوہناں دے دِل اِیمان نال پاک صاف کر کے ساڈے تے اوہناں دے وِچ کُجھ فرق نا رکھیا۔

اعمال 18:1

ایدوں پِچّھوں پَولُس اتھینے توں ٹُر کے کُرِنتِھس وِچ آیا۔

اعمال 22:16

تے ہُن تُوں کیوں چِر لانا ایں؟ اُٹھ کھلو تے بپتِسمہ لے۔ تے اوہدا ناں لے کے اپنے گُناہاں نُوں دھو دے۔

اعمال 26:18

پئی تُوں اوہناں دِیاں اَکھّیاں کھولیں۔ تاں جو اوہ ہنیریوں چانن ولّ۔ تے شیطان دے وَس توں خُدا ولّ مُڑن پئی گُناہاں دی مُعافی لین۔ تے اوہناں لوکاں وِچ جیہڑے میرے اُتّے اِیمان رکھن نال پاک ہوئے نیں وِرثہ لین۔

اعمال 9:13

حننیاہ جواب دِتّا پئی اے خُداوند مَیں بتھیریاں لوکاں کولوں ایس بندے دے بارے سُنیا اے پئی اوس یرُوشلِیم وِچ تیرے پاک لوکاں نال کِنیاں خرابیاں کِیتیاں۔

اعمال 9:14

تے ایتھے وی سردار کاہِناں ولّوں اوہنوں اختیار مِلیا اے۔ پئی تیرا ناں لین والیاں سبھناں نُوں بَنّھ لَوے۔

اعمال 9:21

تے سبھ سُنن والے حَیران ہو کے آکھن لگّے۔ ایہہ اوہ نئیں جیہڑا یرُوشلِیم وِچ ایس ناں دے لین والیاں نُوں برباد کر دا سی؟ تے ایتھے وی ایسے مطلب لئی آیا سی پئی اوہناں نُوں بَنّھ کے سردار کاہِناں دے کول اپڑا وے۔

رُومِیوں 1:7

اوہناں ساریاں دے ناں جیہڑے رُومہ وِچ خُدا دے پیارے پاک ہون لئی سَدّے گئے نیں۔ ساڈے باپ خُدا تے خُداوند یِسُوع مسِیح ولّوں تُہانوں فضل تے سلامتی مِلدی رئے۔

رُومِیوں 10:12

کیوں جو یہُودی تے یُونانی وِچ کُجھ فرق نئیں اے۔ ایس لئی پئی سبھناں دا اوہی خُدا اے۔ جیہڑا اپنے سوالِیاں دے لئی دَھنّی اے

رُومِیوں 3:22

یعنی خُدا دی اوہ راستبازی جیہڑی یِسُوع مسِیح اُتّے اِیمان لیاؤن نال ساریاں اِیمانداراں نُوں مِلدی اے کیوں جو کُجھ فرق نئیں۔

رُومِیوں 8:28

تے اسی جاننے آں پئی سارِیاں شیواں اوہناں لئی جیہڑے خُدا نال مُحبّت رکھدے نیں رَل کے فائدہ پَیدا کر دیاں نیں ایہہ اوہ نیں جیہڑے خُدا دے اِرادے دے سببّوں سَدّے گئے نیں۔

۱-کُرِنتھِیوں 1:30

پر تُسی اوہدے ولّوں یِسُوع مسِیح وِچ ہو جیہڑا ساڈے لئی خُدا ولّوں حِکمت ہویا یعنی راستبازی تے پاکیزگی تے مُکتی۔

۱-کُرِنتھِیوں 10:32

تُسی نا یہُودِیاں دی ٹھوکر دا سبّب بنو۔ نا یُونانِیاں تے نا خُدا دی کلِیسیا دے۔

۱-کُرِنتھِیوں 12:27

ایویں تُسی مِل کے مسِیح دا بدن ہو تے وکھرے وکھرے انگ ہو۔

۱-کُرِنتھِیوں 8:6

پر ساڈے بھانیں تے اِکّوئی خُدا اے۔ یعنی ربّ جِہدے ولّوں سارِیاں شیواں نیں۔ تے اسی اوہدے لئی آں۔ تے اِکّوئی خُداوند اے۔ یعنی یِسُوع مسِیح جِہدی راہِیں سارِیاں شیواں بنیاں نیں۔ تے اسی وی اوسے دی راہِیں آں۔

۲-کُرِنتھِیوں 1:1

پَولُس ولّوں جیہڑا خُدا دی مرضی نال مسِیح یِسُوع دا رسُول اے۔ تے بھرا تِیمُتِھیُس ولّوں خُدا دی اوس کلِیسیا دے ناں جیہڑی کُرِنتِھس وِچ اے۔ تے کُل اَخیہ دے ساریاں پاک لوکاں دے ناں۔

۲-کُرِنتھِیوں 4:5

کیوں جو اسی اپنی نئیں سگوں مسِیح یِسُوع دی منادی کرنے آں۔ پئی اوہ خُداوند اے۔ تے اپنی بابت ایہہ آکھنے آں۔ پئی یِسُوع دی خاطر تُہاڈے نوکر آں۔

گلتِیوں 1:2

تے ساریاں بھراواں ولّوں جیہڑے میرے نال ہَین گلِتیہ دِیاں کلِیسیاواں دے ناں۔

اِفسِیوں 5:26

تاں جو اوہنوں کلام دی راہِیں پانی نال نوھا کے تے صاف کر کے پاک بنائے۔

۱-تھِسّلُنِیکوں 1:1

پَولُس تے سِلوانُس تے تِیمُتِھیُس ولّوں تھِسّلُنِیکیاں دی کلِیسیا دے ناں جیہڑی خُدا باپ تے خُداوند یِسُوع مسِیح وِچ اے فضل تے تسلّی تُہانوں مِلدی رہے۔

۱-تھِسّلُنِیکوں 4:7

ایس لئی پئی خُدا سانُوں پلِیتی دے واسطے نئیں پر پاکیزگی دے واسطے سدّیا اے۔

۲-تھِسّلُنِیکوں 1:1

پَولُس تے سِلوانُس نے تِیمُتِھیُس ولّوں تھِسّلُنِیکیاں دی کلِیسیا دے ناں جیہڑی ساڈے باپ خُدا تے خُداوند یِسُوع مسِیح وِچ اے۔

۱-تِیمُتِھیُس 2:8

ایس لئی مَیں چاہناں آں پئی مرد سبھنیں تھائِیں غُصیّوں تے جھگڑے بِناں پاک ہتّھ چُک کے دُعا منگیا کرن۔

۱-تِیمُتِھیُس 3:15

تے جے مَینُوں چِر لگّے تے تُوں جان لے پئی خُدا دے گھر یعنی جِیوندے خُدا دی کلِیسیا وِچ جیہڑی سچیائی دا تھم تے نِیہہ اے۔ کِیویں وَرتنا چاہیدا اے۔

۲-تِیمُتِھیُس 1:9

جِس سانُوں نجات دِتّی تے پاک بُلاوے نال بُلایا۔ ساڈے کمّاں دے سببّوں نئیں۔ سگوں اپنے خاص اِرادے تے اوس فضل دے سببّوں جیہڑا مسِیح یِسُوع وِچ ساڈے اُتّے مُڈھوں ای ہویا۔

۲-تِیمُتِھیُس 2:19

تَد وی خُدا دی پَکّی نِینّھ قیم رہندی اے۔ تے اوہدے اُتّے ایہہ مُہر اے پئی خُداوند اپنیاں نُوں پچھاندا اے۔ تاں جو کوئی خُداوند دا ناں لَیندا اے۔ ناراستی توں مُڑ جائے۔

۲-تِیمُتِھیُس 2:22

جوانی دِیاں خواہشاں توں بچ۔ جیہڑے صاف دِلی نال خُداوند توں دُعا منگدے نیں۔ اوہناں دے نال راستبازی تے اِیمان تے پیار تے صُلح دا لَبّھن والا ہو۔

عِبرانیوں 10:10

اوسے مرضی دے سبّب اسی مسِیح یِسُوع دے بدن دے اِکّو واری قُربان ہون دی راہِیں پاک کِیتے گئے آں۔

عِبرانیوں 13:12

ایس لئی یِسُوع وی لوکاں نُوں آپ اپنے لہو نال پاک کرن لئی دروازے دے باہر دُکھ سہیا۔

عِبرانیوں 2:11

کیوں جو پاک کرن والے تے پاک ہون والے سارے اِک ای اصل توں نیں۔ ایس لئی اوہ اوہناں نُوں بھرا آکھن توں نئیں شرماؤندا۔

یہُوداہ 1:1

یہُوداہ ولّوں جیہڑا یِسُوع مسِیح دا غلام تے یعقُوب دا بھرا اے۔ اوہناں سَدّے ہویاں دے ناں جیہڑے خُدا باپ وِچ پیارے تے یِسُوع مسِیح لئی رکھّے ہوئے نیں۔

مُکاشفہ 19:16

تے اوہدیاں کپڑیاں تے پٹّ اُتّے ایہہ ناں لِکھیا ہویا اے۔ بادشاہاں دا بادشاہ تے خُداونداں دا خُداوند۔