۱-کُرِنتھِیوں 1:12 - پنجابی نواں عہد نامہ نظرثانی شدہ چھپائی

¹² میرا مطلب ایہہ اے پئی تُہاڈے وِچوں کوئی تے اپنے آپ نُوں پَولُس دا آکھدا اے۔ کوئی اُپلّوس دا کوئی کیفا دا۔ کوئی مسِیح دا۔

۱-کُرِنتھِیوں 1:12 ပူးပေါင်းရင်းမြစ်များ

متّی 23:8

پر تُسی ربّی نا اکھواؤ۔ کیوں جو اِک ای تُہاڈا اُستاد اے تے تُسی سارے بھرا اوہ۔

یُوحنّا 1:42

تے اوہ اوہنوں یِسُوع کول لِیائیا۔ یِسُوع اوہدے ولّ ویکھ کے آکھیا تُوں یُوحنّا دا پُتر شمعُون ایں۔ تُوں کیفا یعنی پطرس اے اکھوائیں گا۔

اعمال 18:24

تے اِک یہُودی اُپلّوس کر کے جِہدا جنم اِسکندریہ دا سی۔ اِک عالِم بندہ اِفِسُس وِچ آیا۔ تے اوہ پاک کتاب وِچ بڑا سُگھڑ سی۔

اعمال 19:1

تے اینج ہویا جدوں اُپلّوس کُرِنتِھس وِچ سی۔ تَد پَولُس اُپرلے علاقیاں وِچوں دی ہو کے اِفِسُس نُوں آیا۔ تے اوتھے کئی شاگِرد مِلے۔

۱-کُرِنتھِیوں 1:11

کیوں جو بھراؤ! تُہاڈی بابت مَینُوں خلوئے دے کئیاں توں پتا لگّا۔ پئی تُہاڈے وِچ جھگڑے ہوندے نیں۔

۱-کُرِنتھِیوں 15:5

تے کیفا نُوں تے اوہدے مگروں اوہناں باراں نُوں وکھالی دِتّا۔

۱-کُرِنتھِیوں 15:50

بھراؤ! مَیں ایہہ آکھنا آں۔ پئی ماس تے لہو خُدا دی بادشاہی دے وارث نئیں ہوسکدے نا ناس ہون والا بقا دا وارث ہوسکدا اے۔

۱-کُرِنتھِیوں 16:12

تے بھرا اُپلّوس دے مَیں بڑے تَرلے کِیتے۔ پئی بھراواں نال تُہاڈے کول جائے پر اجے تے اوہ جان نُوں بالکل راضی نئیں ہویا۔ پر جد اوہنوں موقع مِلے گا۔ تے جائے گا۔

۱-کُرِنتھِیوں 4:6

تے بھراؤ! مَیں ایہناں گلّاں وِچ تُہاڈی خاطر اپنا تے اُپلّوس دا ذِکر مِثال دے طَور کِیتا اے۔ تاں جو تُسی ساڈی راہِیں ایہہ سِکھّو پئی لِکھے ہوئے توں اگانہہ نا لنگھ جاؤ۔ پئی کوئی اِک دے نال ہو کے دُوجے دے برخلاف شیخی نا مارے۔

۱-کُرِنتھِیوں 7:29

پر بھراؤ! مَیں ایہہ آکھنا آں۔ پئی ویلا تنگ اے۔ سو اگّے نُوں چاہیدا اے۔ پئی وَوہٹِیاں والے اجیہے ہون۔ پئی اوہناں دِیاں وَوہٹِیاں نئیں۔

۱-کُرِنتھِیوں 9:5

سانُوں ایہہ اختیار نئیں پئی کِسے مسِیحی بھین نُوں ویاہ کے لئی پِھریئے جیویں ہور رسُول تے خُداوند دے بھرا تے کیفا کر دے نیں۔

۲-کُرِنتھِیوں 10:7

تُسی تے اوہناں شیواں نُوں ویکھدے ہو۔ جیہڑیاں اَکھّیاں اگّے نیں۔ جے کِسے نُوں اپنے اُتّے بھروسا ہوئے۔ پئی اوہ مسِیح دا اے۔ تے اپنے دِل وِچ ایہہ وی سوچ لَوے۔ پئی جیویں اوہ مسِیح دا اے۔ اوسے طرح اسی وی آں۔

۲-کُرِنتھِیوں 9:6

پر گلّ ایہہ اے پئی جیہڑا تھوڑا بِیجدا اے۔ اوہ تھوڑا وَڈّھے گا تے جیہڑا بُہتا بِیجدا اے اوہ بُہتا وَڈّھے گا۔

گلتِیوں 2:9

تے یعقُوب تے کیفا تے یُوحنّا نے جیہڑے کلِیسیا دے سرپَینچ سمجھے جاندے سن۔ جدوں اوس فضل نُوں جیہڑا مَینُوں مِلیا سی معلُوم کِیتا تے سانجھداری دا سَجّا ہتّھ دے کے مَینُوں تے برنباس نُوں جوڑی دار بنا لیا۔ پئی اسی غیر قوماں ولّ جائیے۔ تے اوہ سُنتِیاں ولّ۔

گلتِیوں 3:17

میرا ایہہ مطلب اے۔ پئی جیہڑا عہد خُدا پہلاں توں کِیتا سی۔ اوہنوں شریعت چار سَو ترِیہاں ورھیاں پِچھّوں آ کے جُھوٹھا نئیں کر سکدی۔ پئی اوہ وعدہ ایویں جائے۔