۱-کُرِنتھِیوں 1:10 - پنجابی نواں عہد نامہ نظرثانی شدہ چھپائی

¹⁰ ہُن بھراؤ! مَیں یِسُوع مسِیح دا جیہڑا ساڈا خُداوند اے ناں یاد دوا کے تُہاڈے اگّے مِنّت کرنا آں۔ پئی اِکّو جِہی گلّ آکھو تے تُہاڈے وِچ دُوجا پن نا ہوئے۔ سگوں آپو وِچ اِک دِل تے اِک صلاح ہو کے کامِل بنے رہو۔

۱-کُرِنتھِیوں 1:10 ပူးပေါင်းရင်းမြစ်များ

متّی 9:16

کورے کپڑے دی ٹاکی پرانے کپڑے نُوں کوئی نئیں لاندا۔ کیوں جو اوہ ٹاکی کپڑے نُوں کھِچّ لَیندی ایہہ تے لنگار ہور وی وَدّھ جاندا اے۔

مرقس 2:21

پرانے کپڑے نُوں کورے کپڑے دی ٹاکی کوئی نئیں لاندا۔ جے لاوے وی تے اوہ لائی ہوئی ٹاکی اوس توں کُجھ کھِچّ لَیندی اے یعنی نَوِیں پرانے توں تے لنگار وَدّھ جاندا اے۔

مرقس 3:24

تے جیکر کِسے راج وِچ پُھٹ پَے جاوے۔ تے اوہ راج قیم نئیں رہ سکدا۔

یُوحنّا 10:19

ایہناں گلّاں دے سببّوں یہُودِیاں دے وِچ فیر پُھٹ پئی۔

یُوحنّا 17:23

مَیں اوہناں وِچ تے تُوں میرے وِچ تاں جو کامِل ہو کے اِک ہو جان۔ تے دُنیا جانے پئی تُوں مَینُوں گھلّیا۔ تے جِس طرح تُوں مَینُوں پیار کِیتا اوسے طرح تُوں اوہناں نُوں وی پیار کِیتا۔

یُوحنّا 7:43

سو لوکاں وِچ اوہدی بابت پُھٹ پَے گئی۔

یُوحنّا 9:16

تَد فرِیسیاں وِچوں کئیاں آکھیا پئی ایہہ بندہ ربّ ولّوں نئیں اے کیوں جو اوہ سبت نُوں نئیں مَندا۔ پر ہورناں آکھیا گُناہگار بندہ کِیویں ایہو جِہیاں کراماتاں وکھا سکدا اے؟ تے اوہناں وِچ پُھٹ پئی۔

اعمال 4:32

تے اِیمانداراں دی جماعت اِک دِل تے اِک جان سی۔ تے کوئی اپنے مال وِچوں کِسے شے نُوں اپنا نئیں سی آکھدا پر اوہ سبھ کُجھ سانجھا رکھدے سن۔

رُومِیوں 1:13

بھراؤ مَیں نئیں چاہندا۔ پئی تُسی ایس گلّوں بے خبر رہو۔ پئی مَیں کئی وار تُہاڈے کول آؤن دا اِرادہ کِیتا۔ پئی جیویں مَینُوں ہورناں غیر قوماں وِچ پَھل مِلیا اے۔ اوسے طرح تُہاڈے وِچ وی مِلے۔ پر اَج تِیکر رُکیا رہیا۔

رُومِیوں 12:1

سو بھراؤ۔ مَیں خُدا دِیاں مہربانِیاں دے سببّوں تُہاڈی مِنّت کرنا آں۔ پئی تُسی اپنے بدناں نُوں جیوندی پاک قُربانی چڑھاؤ۔ جیہڑی خُدا نُوں چنگی لگّے۔ پئی ایہو تُہاڈی رُوحانی بندگی اے۔

رُومِیوں 12:16

آپو وِچ اِکّو جِہیا خیال رکھو۔ اُچّے اُچّے خیال نا بنھنو۔ سگوں نِیویاں ولّ دھیان کرو۔ اپنے ولّوں سِیانے نا بن بَیٹھو۔

رُومِیوں 15:30

بھراؤ مَیں یِسُوع مسِیح دا جیہڑا ساڈا خُداوند اے۔ واسطہ دے کے تے رُوح دی مُحبّت نُوں یاد دوا کے تُہاڈی مِنّت کرنا آں۔ پئی میرے لئی خُدا کولوں دُعا منگن وِچ میرے نال کوشش کرو۔

رُومِیوں 16:17

پر بھراؤ! مَیں تُہاڈی مِنّت کرنا آں۔ تُسی اوہناں لوکاں توں جیہڑے اوس تعلِیم دے اُلٹ جیہڑی تُہانوں مِلی پُھٹ پان والے تے ٹھوکر دین والے نیں خبردار رہو تے اوہناں توں لانبھے رہو۔

۱-کُرِنتھِیوں 1:11

کیوں جو بھراؤ! تُہاڈی بابت مَینُوں خلوئے دے کئیاں توں پتا لگّا۔ پئی تُہاڈے وِچ جھگڑے ہوندے نیں۔

۱-کُرِنتھِیوں 11:18

کیوں جو پہلاں تے مَیں ایہہ سُننا آں پئی جِس ویلے تُہاڈی کلِیسیا اکٹّھی ہوندی اے تے تُہاڈے وِچ ونڈاں ہوندیاں نیں۔ تے مَیں ایہنوں کُجھ کُجھ مَن وی لینا آں۔

۱-کُرِنتھِیوں 12:25

تاں جو جِسم وِچ ونڈ نا پَے جاوے۔ سگوں سارے انگ اِک دُوجے دا اِکّو جیہا فِکر کرن۔

۱-کُرِنتھِیوں 3:3

کیوں جو اجے تِیکر جِسمانی ہو۔ ایس لئی پئی جد تُہاڈے وِچ ساڑا تے جھگڑا اے۔ تے تُسی جِسمانی نا ہوئے؟ تے بندیاں دِیاں طریقیاں اُتّے ٹُرن والے نا ہوئے؟

۱-کُرِنتھِیوں 4:16

سو مَیں تُہاڈی مِنّت کرنا آں پئی میرے وانگر بنو۔

۲-کُرِنتھِیوں 10:1

مَیں پَولُس جیہڑا تُہاڈے سامھنے عاجز تے پِٹھ پِچّھے تُہاڈے اُتّے دلیر آں۔ مسِیح دی حلِیمی تے نرمی یاد دوا کے آپ تُہاڈے اگّے عرض کرنا آں۔

۲-کُرِنتھِیوں 13:11

سو بھراؤ! خُوش رہو۔ کامِل بنو۔ خاطرجمع رکھو۔ اِک دِل رہو۔ میل ملاپ رکھو۔ تے خُدا مُحبّت تے تسلّی دا سرچشمہ تُہاڈے نال ہوئے گا۔

۲-کُرِنتھِیوں 13:9

جدوں اسی کمزور آں تے تُسی زوراور تَد اسی خُوش آں تے ایہہ دُعا وی منگنے آں۔ پئی تُسی کامِل بنو۔

۲-کُرِنتھِیوں 5:20

سو اسی مسِیح دے ایلچی آں۔ جیویں خُدا ساڈی راہِیں مِنّت کر دا اے اسی مسِیح ولّوں مِنّت کرنے آں پئی خُدا نال میل کرو۔

۲-کُرِنتھِیوں 6:1

تے اسی جیہڑے اوہدے نال کمّ وِچ سِیری آں ایہہ عرض وی کرنے آں۔ پئی خُدا دا فضل جیہڑا تُہاڈے اُتّے ہویا بے فائدہ نا رہن دیو۔

گلتِیوں 4:12

بھراؤ! مَیں تُہاڈی مِنّت کرنا آں۔ پئی میرے وانگر ہو جاؤ۔ کیوں جو مَیں وی تُہاڈے وانگر آں۔ تُساں میرا کُجھ وگاڑیا نئیں۔

فِلِپّیوں 1:27

نِرا ایہہ کرو پئی تُہاڈا چال چَلّن مسِیح دی خُوشخبری دے لائق ہوئے۔ تاں جو بھانویں مَیں آواں تے تُہانوں ویکھاں تے بھانویں نا آواں تُہاڈا ایہہ حال سُناں۔ پئی تُسی اِکّو رُوح وِچ پکّے اوہ۔ تے اِنجِیل دے اِیمان دے لئی تُسی رَل کے اِک جان ہو کے دِلوں محنت کر دے ہو۔

فِلِپّیوں 3:16

تَد وی جِتّھوں تِیکر اسی پُجے آں اوسے ای سیدھ اُتّے ٹُریئے۔

۱-تھِسّلُنِیکوں 5:13

تے اوہناں دے کمّ دے سبّب مُحبّت نال اوہناں دی بُہتی عِزّت کرو۔ تے آپو وِچ میل ملاپ رکھو۔

۲-تھِسّلُنِیکوں 2:1

بھراؤ! اسی اپنے خُداوند یِسُوع مسِیح دے آؤن تے اوہدے کول اپنے اکٹّھے ہون دی بابت تُہاڈی مِنّت کرنے آں۔

۱-تِیمُتِھیُس 5:21

خُدا تے خُداوند یِسُوع مسِیح تے چُنیاں ہویاں فرِشتیاں دے سامھنے مَیں تینُوں آکھ دینا آں پئی ایہناں گلّاں اُتّے انصاف نال عمل کریں تے کوئی کمّ رَئی نال نا کریں۔

۲-تِیمُتِھیُس 4:1

خُدا تے مسِیح یِسُوع نُوں جیہڑا جِیوندیاں تے مویاں ہویاں دی عدالت کرے گا۔ گواہ کر کے تے اوہدے ظاہر ہون توں بادشاہی نُوں یاد دوا کے مَیں تینُوں آکھنا آں۔

۱-پطرس 2:11

پیاریو مَیں تُہاڈی مِنّت کرنا آں۔ پئی تُسی اپنے آپ نُوں پردیسی تے مُسافر جان کے اوہناں جِسم دِیاں خواہشاں توں بچے رہو جیہڑیاں رُوح نال لڑائی رکھدیاں نیں۔

۱-پطرس 5:10

ہُن تُہاڈے تھوڑے چِر تِیکر تکلیف سہن دے پِچّھوں جیہڑا سارے فضل دا خُدا اے جِس تُہانوں مسِیح وِچ اپنے سدا دے جلال واسطے سدّیا اے۔ آپ ای تُہانوں کامِل تے قیم تے مضبُوط کرے گا۔