Mateus 18:3 - Deus Athi Kapapirani Hida

³ —Vakava'ibodivarani bana hida kodivarani. Vakava'ipahini'a bana ida avaabononi avavaboraborahavini. Isai pa'itxi kidiabi'i-ra vakaijokavini vani fori vihi'a. Isai pa'itxi fori avihirihi; ni-avari'oiki bana Deus ija'ari-ra va'ora vaka'da'divini ibavinia.

Mateus 18:3 ပူးပေါင်းရင်းမြစ်များ

1 Pedro 2:2

Hari. Oniaroa, isai tanaki kidiamia kajoho kaa'bani-ra kanofibakhiaki fori vihi'a bana. Deus athi-ra vanofibakhia'a bana! Avakadi'bai ka'oa ida. Avakadimahi ja'dini-ra navijavaki ida, binadanoki jaboni ida, oniani ida Deus a'onira akava'ijoavini hija bana.

Mateus 19:14

Hari. Jesus va'ora ni'aha: —Jakaho vikhava va'oani isai kodiania. Hari'a va'ora vakaabani kodiania vikhana. Hi'adani isai fori vihiki vani hadani Deu-ra vanofijahakira. Isai vania vanofira ada Deus va'ora vaka'da'dira kaimoni.

1 Coríntios 14:20

Oigamina, hari'a isai pa'itxi kava'ibodivarani fori hiva bana ida avakadiva'ibodivarani. Isai tanani ni-hojai jaharikia kahojaiki. Va'oaniaroa fori vihi'a bana. Hari. Hari'a isai kava'ibodivarani avijava'iariki fori vihi bana. Ija'ari karaho kava'ibodivarani vani fori vihi bana.

João 3:5

Jesua bini'a'aha: —Ka'oa hi'oamanija hida varani. Namitha'iarini oadani ida ija'ari, ni-bikaabokaki ida Deu-ra ogavini kidika'da'di hina. 'Bana'ianahi ida ija'ari, paha kana'ihi, o'oi'aha ada Ma'onahai Jahaki kidiania, oniani ida Deua bivaka'da'divini hi'ia.

João 3:3

Jesua bigathanihi ida Nicodemos athi: —Deus va'ora nofiki adani ija'ari hahavi Deu-ra avigavini vakadika'da'di hina. Ka'oa hi'oamanija hida varani ira onava'isohivini hiki. Namitha'ianarini oadani ida ija'ari, ni-bikaabokaki ida Deu-ra ogavini kidika'da'di hina.

Lucas 13:24

Jesua bigathani'ihi ida kidina'dohi: —Hari'a vava'aha ida nahina a'onira nadabavini bakatha karabodirikia avari'oini. Ka'oa hiki hida a'onira vara oni'avini hiki. Ija'ari vaipohikia vanofiki ida avi'oina, ni-vakaabokaki bana.

Atos 3:19

Hari. Deus a'onira honariavini hiki avaabononi avaka'da'digariavini. Vakava'ipahinika'oa bana ida hojai asohirikia avakahojaibakhiani. Avaabononi gahinai vaniha'a Deus kania mahija avakadihojai asohiriki-ra na'biravini.

Atos 28:27

Avigaravini vanofiravini mani ida vamorobo-ra vaka'oahavini hija, vanokho-ra modo vani'avini hija jaboni. Avigavini vanofija vaha; mara vani'amanihi vaha ida vanokho, vamoroboa vakamithamanihi vaha jaboni. Avigavini vanofija vaha; mitha vani'amanihi vaha. Vava'i bodinia oathi-ra avigara vaha; hora vanofimaniha vaha, va'ora okajoamoramaniha vaha jaboni.” — Nimania ida Isaías kohana bidionivini Ma'onahai Jahaki athi.

João 1:51

Jesus va'ora ni'aha: —Ka'oa hiki hida kodivarani vara a'onira oni'avini hiki bana: Avanokiki bana ida nama arabikhajahani, Jacó kohana binokiki fori hiki. Va'ora avanokiki jaboni adani Deus ibavi kaija'arini avikasina, vigarina kodiania. Ija'ari Deus kania okasini kakara'inani ka'oa ho. Ija'ari hahavi vakadi'aajo ho — va'ora ni'a'aha ada Jesus. Oniaroa, ai vihi'aha adani Jesus kidipohi khama.

Mateus 5:20

A'onira onava'isohivini judeus kaija'ari vaka'ojomo'iva abono, farisio khama jaboni vaabono vara vavani'a'badaraki: “Jahaki ida akadihojai. Anaabajahakiki ida Deus kava'isohihi jiriki.” Vakhani'badarana. Ni-vanaabajahakiki ida Deus va'ora honariavini hiki. Va'oaniaro fori avihihi; ni-Deua khai bini'aki bana ida ka'da'di avihini kidiania.

Lucas 22:32

Simão, Deu-ra vara oni'a'iki ho ira kakodiara kaimoni hora ivakaijokaha'oadahaja kaimoni. Kodiania ijoiribanini kamahini, vara va'ora ni'a bana adani iigamini mahija khai hora vani'a'ianavini.

Marcos 4:12

Oathi-ra mitha vani'avini kaba'i, ni-nahina hini avigaki. Avigaja vaha ida Deus athi nahina hini; Deus kania vaabono gahinai vanihamaniha vaha; vakadihojai asohiriki-ra vakava'ipahinika'oamaniha vaha, Deus bina'biramaniha vaha ida vakadihojai asohiriki.

2 Pedro 1:11

Avakhanini vani akadika'da'di Jesus Cristoa khai bini'aja bana ida Ibavi Jahaka'oakia avari'oini kidiania. Anokhomirihi ida akadi'aihotahi abono haria vaka'da'divini.

Atos 14:22

Vajoina vani va'ora avanava'isohioni'aha adani Jesus vaipohihava abono: —Vanofijahaki bana ada Jesus mahi hahavi. Hari'a bana vakava'ipahini'a ida Jesus athi-ra avanaabavini. Vajaharihariki bana adani ija'ari Deus va'ora vaka'da'diki. Vajahariharina-ra vakajoniha; ni-Deus va'ora kapoariki kidija'ari vihina — nimania ida Paulo va'ora vaka'ojomo'ivini hi'iki athini.

Mateus 19:23

Hari. Jesus va'ora ni'aha adani kidipohi: —Ka'oa hiki hida kodivarani. Vakanahina'ahapikiki, vakadinahina ipohiki-ra vanofivini mani ida Deu-ra vagathaniravini hija vakadika'da'di kaimoni hina — va'ora ni'avini.

Mateus 13:15

Avigavini vanofiravini mani ida vakadiva'ibodivarani ka'oahaki fori va'ora nihaja. Kamokhihaki fori kihiki ida vamorobo. Modo vani'aki fori hiki ida vanokho. Vava'i bodinia avigavini vanofija vaha; vakamithavini vakaabokamanihi vaha; vakaabokaki ida nahina-ra avigavini jaboni. Avigaja vaha hida Deus athi; kodiania vajoiribanimaniha vaha; va'ora anaihotamaniha vaha.” Nimania ida Deus athi Isaías vara bivani'ajora'iki.

Mateus 6:16

Asia vara niha ada Jesus: —Avi'bairini avahojani kamahini Deu-ra vara avani'aka'oaja kaimoni, hari'a avanokhoni-ra vanahamara mahija vahoariha avi'bairini avahojani-ra avigaravini. Ija'ari abononi vaboraborahakia vanofiki ida vahoariha avigavini. Vakava'ibodivarani bana hida kodivarani. Vi'bairina vahojana vahoariha va'ora khai vani'ara kaimoni, ni-Deua binaabosirihi bana ida vi'bairina vahojana.

Mateus 6:5

Asia vara niha ada Jesus: —Deu-ra vara avani'avini, hari'a ija'ari abononi vaboraborahaki fori vihi. Va'oaniaro vavajahaki ida judeus kaija'ari Deu-ra vara vani'avini kagorania vigaana, vahoariha vanokija kaimoni ida Deu-ra vara vani'avini. Vavajahaki ida ija'ari vaipohikia vavaradahaki kania Deu-ra vara vani'avini, vahoariha va'ora vanokira kaimoni. Vakava'ibodivarani bana hida kodivarani. Ija'ari abononi vaboraborahahi; ni-Deua binaabosiki ida ija'ari. Deu-ra vara ni'avini abosinia gahina'iki hida ija'ari vahoariha kidihojai jahakia vakavaranina.

Mateus 6:2

Kanahinariki-ra ino'avini hiki ida kadanahina, hari'a ija'ari hoariha-ra nanamitha bana ino'avini hikia. Ija'ari abononi vaboraborahakia bivajahaki ida vahoariha avigavini, oniani ida kagahinaibakhiani-ra kahibakhiavini hija. Judeus kaija'ari Deu-ra vara vani'avini kagorania abononi vaboraborahaki ida, hagihia adahaki abononi vaboraborahaki jaboni, ija'ari vahoariha-ra va'ora ananamithaonivini hiki ida kanahinariki-ra kajoamora'avini. Binofiki ida kidihojai jahaki-ra vara vani'avini khai vani'avini. Vakava'ibodivarani'a bana hida kodivarani. Ija'ari abononi vaboraborahahi; ni-Deua binaabosiki ida kanahinariki-ra kajoamoravini kidinahina jahakia. Kanahinariki-ra kajoamoravini abosinia gahina'iki hida ija'ari vahoariha kidihojai jahaki-ra vara vavani'avini.

Mateus 5:18

Vakava'ihoki bana hida kodivarani. Nama, arabo hiki hojani oadani, ni-ihimirihi ida Deus kava'isohihi, ni-athi pitani pa'itxi hoarani Deua bini'aki avisonirihi, namithahahaviki bana ida varani Deua bini'aki. Namithahahaviki bana ida varani Deua bivava'isohihijora'iki, nama, arabo hiki ihimini viahania.

Mateus 18:2

Jesua bikaboa'i'aha ada isai pa'itxi, vaviaha binahojaha, va'ora ni'a'aha:

Mateus 18:4

Avanofihi ida avari'oini Deus ija'ari-ra va'ora vaka'da'divini ibavinia, isai fori vihi'a bana, hora avavakaijokajahakivini. Nimania ida ija'ari kahojai hora kakodiavini ija'ari hahavi-ra va'ora ovaka'da'divinia.