Lucas 6:45 - Deus Athi Kapapirani Hida

⁴⁵ Ija'ari va'ini bodinia hojaki ida va'i bodini vara nini jahaki. Jahahi hida kidiva'ibodivarani, oniani ida varani jahaki-ra vara vani'avini hija. Ija'ari hojai jaharikia kahojaiki va'ini bodinia hojaki ida va'i bodini vara nini jahariki. Jaharihi ida kidiva'ibodivarani, oniani ida varani jahariki-ra vara vani'avini hija. Ija'aria vara bivani'aki ida bikava'ibodivaraniki — niha ada Jesus.

Lucas 6:45 ပူးပေါင်းရင်းမြစ်များ

João 7:38

Deus athi kapapirania hojaki hida varani ohina: “Hora vakaijokajahakikia va'ini bodinia sororonaniki fori hiki ida paha ija'ari-ra nahokiki. Vaini kapahani sororonaniki fori hiki ida.” Niha ada Jesus.

Atos 5:3

Pedroa bini'aha: —Ananias, iva'ahaki ada Jahari iva'ini-ra nahonariahihivini, oniani ida Ma'onahai Jahaki-ra ikorijanahavini hi'ia. Korijanahia ianahojaki ida jiniro pitani, vahoariha hihaviki vavanihaki hida jiniro. Iabono iakahojahivini hiki ida jiniro pitani.

Eféios 3:8

Cristo-ra oogaravini kari kidija'ari va'ora onajaharihari'iki ho, oniani ida nahina ohirina-ra okahivini hija. Deus kaija'ari vahoariha fori ohirihi. Kaba'i, jahaki ada Deus kodimoni hina. Hora no'a'iki hada hihida badania, judeus kaija'ari vihiriki-ra va'ora oakanamonionivini Cristo varani hina, avigaja kaimoni ida Cristo jahana arafiaki.

Eféios 4:29

Hari'a athii ija'ari-ra najaharikia vaathijanava. Vara vavani'a ida athii jahaki, vahoariha-ra va'ora avakakodiaja kaimoni, athii vava'i najahajahani hiki, avijavaja kaimoni ida Deu-ra vavakaijokavini. Va'ora vakajoamora adani vahoariha avakadivarania.

Eféios 5:19

Avakadiania vara vavani'a bana ada Deus. Vara vavani'a bana ida Deus athi papira moroa kahojaki, moro kahoariha Jesu-ra khai avani'avini kamoroni. Ma'onahai Jahaki avava'ini-ra nahonariahihivini vani vaahia bana mahija Deu-ra khai avani'avini avakadimoro kaathia. Vakanamonaha bana ada moro. Avakadimoro kaathi hiva ida Deus a'onira kajoamorabakhia'avini.

Colossenses 3:16

Vava'aha bana ida Cristo monina jahaki hahavi avava'ini bodinia ibavini mahija Cristo kahojai jahakia avakahojaivini. Avarigahahi avaabononi vaaka'ojomo'ikhama bana, avaabononi vakaabanikhama bana jaboni. Vaahia bana Deus athi kapapirania moro kahojakia. Vaahia jaboni bana moro Jesu-ra khai avani'avini. Khai vani'a bana ada Deus. Khai vani'a bana ida Deus a'onira kajoamorabakhiavini, kidinahina jahakia a'onira no'abakhiavini jaboni.

Colossenses 4:6

Athii forakia vara va'ora vani'a bana. Vara vavani'a ida varani jahaki mahija mitha vakhanina-ra vanofivini. Onofiki ida varani asohiki-ra avarigavini vakadina'dohi avagathanihananavini.

Hebreus 8:10

Oniaroa. A'onira onava'isohijoravini hiki hida kodiva'iponahi ja'dini a'bo'daki va'ora onava'isohiki bana adani Israel kaija'ari.” Niha ada Deus. “Onaibaviki bana hida kodiva'isohihi vava'i bodinia. Onajiriki fori hiki ida va'isohihi vava'i nakaabanahahani hiki kaimoni. Hovani vakadiDeus ka'oa bana ho. Va'oaniaro kodija'ari vihiki bana adani.

Judas 1:15

Ija'ari Deu-ra vakajoniki hahavi-ra naabosiki bana ada. Deus va'ora nava'isohivini hiki bana ida vakadihojai asohiriki afohahavi. Jahariki ida Deu-ra vakajari'davini, vavakaijokaravini. Deu-ra vakanavaranihavini varani jaharikia jaboni. Hari. Jaharikia va'ora arakhaki bana adani, vakadihojai asohiriki afohahavi abosinia.” Nihaki ada Enoque kohana afojora.