Lucas 6:25 - Deus Athi Kapapirani Hida

²⁵ A'onivani hidakaba'i ni-nahina-ra avakainamorihi. Jahariki bana ida avakadimoni. Avakanahinajanarini kamahini, vai'ami abani avihiki bana a'oni. A'onivani haha avakhaniki a'oni hidakaba'i. Jahariki ida avakadimoni bana. Mahi jahariki khani kamahini ni-khai avakhanijanarihi, avaasara'oamanija bana.

Lucas 6:25 ပူးပေါင်းရင်းမြစ်များ

Lucas 12:20

Oniaroa, Deua bini'aha: “Iva'ini bajadidi'oamanija! Ikava'ibodivaranika'oaki ida kadanahina ahapini. Hihida joma iabiniki bana i. Ni-ivahojajanaki bana ida kadanahina inaibavijahajahaki'iki. Hoariha gahinani hiki bana ida kadanahina.”

Lucas 13:28

—Va'ora avaranokijakosiki bana adani Abraão, Isaque, Jacó, Deus athi namoniva abono hahavi vihiki Deus kania. A'onivani baniniaja avahojaki bana a'oni. Avari'oini-ra avakaabokaravini mani ida a'onira naasara'ahapikija bana, avakanadani-ra avakanakiroromisiki bana a'oni!

Lucas 6:24

Hari. Vara ni'ianaha ada Jesus: — Va'ora okaabaniki adani vahoariha vakanahina'ahapikiki avahararania vahojaki. A'onivani hidakaba'i avakadinahina ipohiki-ra avavahojaki a'oni. Jahariki bana ida avakadimoni. Avakanahinajanarini kamahini ni-khai avakhanijanaki.

Lucas 6:26

A'onivani avakadihojai jaharini kaba'i vahoariha avakadihojai jahani-ra vakahibakhiaki. Jahariki bana ida avakadimoni hini. 'Bo'dakari vahojaki adani Deus athi namoniva abono vihina-ra vakahi'badaraki. Va'oaniaro jaboni vakadihojai jaharini kaba'i vahoariha vakadihojai jahani vakahibakhiaki adani — va'ora ni'aha ada Jesus.

Lucas 8:53

Jesus athi-ra vakajari'daki, oniani ida Jesu-ra vakanahahanihavini hija. Abinika'oani avigaki ida isai.

Eféios 5:4

Hari'a varani ihivadi hojaka'oari jahariki-ra vara vavani'a. Hari'a jaboni varani karamonavahakia vakavarani, ija'ari-ra anava'i'aipahihiki. Varani kaimajahavahariki ida varani niki. Ni-nikia avakavaranini asohiki. Hari. Varani jahaki ka'oa vania avakavaranini jahaja. Jahaki ida Deus a'onira kajoamoravini kavaranihi ka'oa avakavaranini, Deu-ra khai avani'avini.

1 Tessalonicenses 5:3

Ija'ari vaabono vakani'akhamaki bana: —Ni-makhaniki hida akadimahi. Ni-nahina haria napohimajaki. Vara vakhanina kaba'i, jorakia vapohimajaki bana adani. Hari. Gamo kajahavidokia ni-bikaabokaki ida abononi akava'ijoavini, bikamitharia kaimoni ida imani 'banani. Onivani fori hija bana ida namithaki Jesu-ra avigariki vakadiania. Ni-vakaabokaki bana ida vaabono avakava'ijoavini, vakamitharia kaimoni ida vaimana 'banani.

Tiago 4:9

Avakadihojai asohiriki avaabononi avaka'da'digariavini vani avava'ini-ra namokarava bana! Vaasara bana! Hari'a vahahani, vaasara bana! Hari'a khai vakhani! Avava'ini mokara niva bana mahija avakadihojai asohiriki-ra avakava'ipahinika'oavinia Deu-ra avananokiahivini.

Apocalipse 3:17

Avava'ini bodinia avakhani'badaraki a'oni: “Karaho ida akadinahina Deus viaha. Jahaka'oaki ida akadihojai. Ni-nahina-ra akainamoki.” Avakhaniki a'oni. Ni-avarigaki ida varani avihini asohiriki. Hovani a'onira oni'aki ho: Ija'ari khaii niriki avihi'oamanija! Avakanahinariki a'oni. Avakamaodorohaki fori avihiki a'oni. Avarajorajoki fori avihiki a'oni jaboni.