Lucas 22:43 - Deus Athi Kapapirani Hida

⁴³ Oniaroa, kha'aha ada Deus ibavi kaija'arini Jesus va'i-ra vajahaki kaimoni, bikaabokaja kaimoni ida imana 'banani arafiaki.

Lucas 22:43 ပူးပေါင်းရင်းမြစ်များ

Mateus 26:53

Ikava'ibodivarani ida kodiabi'i hora akava'ijoavini-ra kaabokaravini. Deus hora akava'ijoavini-ra okanikhariaja vaha; Deus va'ora karonajorakiha vaha adani ibavi kaija'arini vaipohiki kodiania hora vaakodiara kaimoni.

Mateus 4:11

Oniaroa, ajihi'aha ada Jahari. Jesus kania vikha'aha adani Deus ibavi kaija'arini Jesu-ra vaakodiahavini. Naothinia, ajihi'aha ada Jesus amasia.

Mateus 4:6

—Deus kaisai ihihi, araofarari'a bana nabo'ajaja. Deus athi kapapirania bini'aki: “Deus va'ora honariaki bana adani ibavi kaija'arini kadania ira avagathanivini, ivigarirariria kaimoni ida ja'di, iabononi a'bororia kaimoni jaboni.”

Lucas 22:32

Simão, Deu-ra vara oni'a'iki ho ira kakodiara kaimoni hora ivakaijokaha'oadahaja kaimoni. Kodiania ijoiribanini kamahini, vara va'ora ni'a bana adani iigamini mahija khai hora vani'a'ianavini.

Atos 14:22

Vajoina vani va'ora avanava'isohioni'aha adani Jesus vaipohihava abono: —Vanofijahaki bana ada Jesus mahi hahavi. Hari'a bana vakava'ipahini'a ida Jesus athi-ra avanaabavini. Vajaharihariki bana adani ija'ari Deus va'ora vaka'da'diki. Vajahariharina-ra vakajoniha; ni-Deus va'ora kapoariki kidija'ari vihina — nimania ida Paulo va'ora vaka'ojomo'ivini hi'iki athini.

Atos 18:23

Oniaroa, hoja'aha masiko 'bamiki, naothinia ajihi'ianaha. Galácia kaaraboni, Frígia kaaraboni hikia adaha'ianaha. Va'ora akaragaoniha adani Cristo kaija'ari, va'ora anava'isohioni'aha Jesu-ra vavakaijokajahakira kaimoni.

1 Timóteo 3:16

Deua binanamithavini viahania ida ojomo'ihi athini, ni-ija'aria aviga'iaki kaho. Ahojaki vakadiania ida hojai jahaki Deua binofiki. Nimania bana hida ojomo'ihi athini ahojaki Deua vara bivani'aki: “Makhira hina khaki ada Deus. Ma'onahai Jahakia jahaka'oana bikahiki ada ovari makhira. Deus ibavi kaija'arinia vanoki'aha ada makhira Jesus oniki. Ija'aria vara vavani'avini hiki ida Jesus varani hina arabo hahavi kaija'arinia vakamithaja kaimoni. Ija'ari vaipohikia vakajari'darihi ida varani hina. Ibavi jahani arafiaki kania Deua biavikasi'aha.” Nimania ida ojomo'ihi athini.

Hebreus 1:14

Hari. Oniaroa. Nahina mani ida Deus ibavi kaija'arini vakadibadani hija? Deus kahonai abono vihiki adani. Ma'onahai nokiariki adani. Deus va'ora karonabakhiaha adani ibavi kaija'arini, va'ora vaakodiara kaimoni adani ija'ari Deus va'ora akava'ijoa'iki kaimoni.

Hebreus 1:6

Hari. Kidisai hoarana-ra karonavini viahania ija'ari vakadiania, niha ada Deus: “Va'ora ohonariaki bana adani oibavi kaija'arini hahavi vajoronina kodisai-ra vakanamasivira kaimoni. Hora vakanamasivivini vani fori vanihara bana ada kodisai.” Niha ada Deus.

Hebreus 2:17

Ija'ari ihi'iarina oadani ada Jesus, ni-bikaabokaki ida haria akava'ijoavini, oniani ida ija'ari nihana hi'ia. Igamina vakadimahi fori hija kaimoni ida kidimahi, va'oaniaro fori hiki ada. Ija'ari hi'ina vani bada bini'ajahakija ida sasidotxi vakadika'da'di kabadani Deus viaha. Sasidotxi vakadika'da'di kabadani hiki ida Deu-ra kanikhariabakhiavini, Deus va'ora kajoamorara kaimoni adani igamina. Jesua biva'adiki ida ija'ari. Deua bivakaijokavini hi'iki ada Jesus sasidotxi kabadani-ra bada ni'ajahaki'avini. Sasidotxi vakadika'da'di kabadania Jesus kabadani'ina mani ida ija'ari vakadihojai asohiriki-ra anivini hi'ia.