Lucas 20:17 - Deus Athi Kapapirani Hida

¹⁷ Jesus vada va'ora ni'avini, va'ora ni'aha: —Deus athi kapapirania bivava'isohihijora'iki hida athii: “Hojaki ida ja'di jahaki gora avani dadani kaimoni. Gora vanamonahava abonoa ni-vanofiki hida ja'di. Jahani kaba'i, ni-vanofiki. Vanofiravini kaba'i, Deua binagathogatho'iki ida ja'di karaho.

Lucas 20:17 ပူးပေါင်းရင်းမြစ်များ

Mateus 21:42

Hari. Jesus va'ora ni'a'aha: —Avanoki'iki ida Deus athi kapapirani pitani athini: “Hojaki ida ja'di jahaki, ja'di kagorahi dadani kaimoni. Gora namonahava abonoa ni-vanofiki ida ja'di karaho. Jahani kaba'i ni-vanofiki ida ja'di. Vanofiravini kaba'i, Deua binagathogatho'iki ida ja'di karaho. Akava'ibodivarani'iki ida ja'di Deua binagathogatho'iki. Jahani arafiaki ida ja'di karaho.”

Marcos 10:23

Hari. Jesua binokiribani'aha, ipohina-ra va'ora ni'a'aha: —Vakanahina'ahapikiki vakadinahina ipohiki-ra vanofivini mani ida Deu-ra vagathaniravini hija vakadika'da'di kaimoni hina.

Marcos 12:10

Hari. Jesus va'ora ni'aha: —Avanoki'iki ida Deus athi kapapirani athini: “Hojaki ida ja'di jahaki, ja'di kagorahi dadani kaimoni. Gora namonahava abonoa ni-vanofiki ida ja'di karaho. Jahani kaba'i, ni-vanofiki ida ja'di.

Marcos 3:5

Oniaroa, va'ora vada ni'aribani'aha ada Jesus, ihamahi'ina. Ija'ari-ra vava'adiravini mani ida Jesus va'i-ra mokara ni'a'ia. Makhira-ra ni'aha: —Isa'ani-ra akanavira'a. Sa'a-ra akanavira'aha, akaihota'ihi ida sa'a.

Lucas 19:41

Hari. Jerusalém sidajia amaakari'aha ada Jesus, binoki'ihi, asara'aha. Jerusalém sidaji kaija'arini vapohimajana mani bana ida Jesu-ra naasaraja.

Lucas 22:37

Hari. Deus athi kapapirania hojaki ida varani ohina: “Ija'aria vanajaharihariki ada Jahari kabadania kabadaniki. Onivani fori hira ada ovari jahariharina.” Namithaki bana kodiania hida Deus athia bini'aki. Deus athi kapapirani hora vara vani'ajoravini mani ida Deua binanamithavini hija bana.

Lucas 22:61

Hari. Gora bodinia roiribani'aha ada Jesus, vada bini'aonani'aha ada Pedro. Oniaroa, Pedroa bianokijakosi'aha ada Jesus, bikava'ihoki'ihi ida Jesus athi: —Hihida joma arakava ahiana viahania, ivani inihaki i: “Oogariha o Jesus.” Ahoarabakosikia ini'iki i.

Lucas 24:44

Bihavini naothinia va'ora ni'aha: —Oabinina viahania avakadiania ohojana oadani, vara a'onira oni'abakhia'iki ho afojora athi kapapirania Deus vara hora vani'ajoravini hi'iki. Deus kava'isohihi jirikia hojaki ida varani ohina. Deus athi namoniva abonoa vanajiri'bo'da'iki jaboni ida varani ohina. Moro kakapapirana hojaki jaboni ida varani ohina. Deua bivava'isohihijoraki ida athi kapapirania namithaki kaimoni kodiania.

João 15:25

Deua bivava'isohihijora'iki ida vakadihojai. Vakadiva'isohihi jiriki kapapirania hojaki hida athii: “Niha va'ora oni'a'aravini kaba'i, ni-hora vakaimajahapa'itxiki.” Hari. Hora vakaimajaharavini vani namitha'ia ida Deua bivava'isohihijora'iki vakadiania.

Atos 4:11

Deus athi kapapirania hojaki ida Jesus varani hina: “Hojahi ida ja'di jahaki gora avani dadani kaimoni. Gora namonahava abonoa ni-vanofiki ida ja'di. Jahani kaba'i ni-vanofiki.” Nimania ida Deus athi.

Eféios 2:20

Ja'di kagorahi fori avihiki a'oni. Nami khorahaki bodinia gora nabo'ania hojaki ida ja'di na'bahaki gora dadani kaimoni. Jesus Cristo varani hina-ra avavaadahaoniki, Deus athi namoniva abono khama ja'di na'bahaki fori vihiki adani. A'onivani ja'di pitahani fori avihiki a'oni. Vanamana avahojaki a'oni. Jesus Cristo ja'di karaho naibavivahani sohiki fori hiki ada.

1 Pedro 2:6

Hari. Deus athi kapapirani haria nava'isohivini hiki ada Jesus Cristo ja'di fori hina. Niha ada Deus: “Onaibavi'iki ida ja'di karaho arabo namahiki Sião onikia. Onagathogatho'iki ida ja'di kaidivaki ogorana dadani kaimoni, kaaraja kaimoni ida ogorana. Ni-onava'iponi'imariniki ida ija'ari ja'di fori hiki-ra vakaijokaki.” Niki ida Deus athi.