Lucas 2:34 - Deus Athi Kapapirani Hida

^34-35 Oniaroa, Simeãoa bini'a'aha ada Deus: —Deus, va'ora kajoamora bana hadani Maria. Jesus kaamia maina-ra vara ni'aha ada Simeão: —Deus vania binagathogatho'ara hada hihada isai. Israel kaija'ari vaipohikia vavajahariki bana hada kadaisai. Deus va'ora nihimaki bana adani kadaisai-ra vanofiriki. Iva'ini mokara niki bana i. Hado sajoki iva'ini-ra nahadoki fori hiki bana ida iva'ini mokara nini karahoni. Israel kaija'ari vahoariha vani adani kadaisai-ra vanofira bana. Deus va'ora akava'ijoaki bana adani. Deua binanokiaki bana ida ija'ari va'ini bodini vara nini, kadaisai-ra vanofivini vanofiravini — niha ada Simeão.

Lucas 2:34 ပူးပေါင်းရင်းမြစ်များ

Mateus 11:19

Okha'ihi avakadiania, kodihojai fori hirihi ida kidihojai. Hovani ohaki ida 'bai, o'aviki jaboni ida vinho. Hora avanokihi, ni-hora avanofiki. Nimania ida hora avakanavaranihavini: “Vada vani'a o hi'o ko'bai nofiki o, hi'o vinho-ra nofiki o jaboni. Kidiva'ahi vihiki adani imposto gathaniva abono, Jahari kabadani-ra bada vani'aki-ra nofiki o jaboni.” Nimania ida hora avakanavaranihavini. Hari. Ija'aria bikajari'darihi ida Deus ka'ogahai jahani; sohika'oani biogahi — va'ora ni'aha ada Jesus.

Mateus 12:46

Oniaroa, Jesus ija'ari-ra va'ora ka'ojomo'ivini kaba'i, vikha'aha adani Jesus kaamia, kidikajo'o vihiki. Gora banininia vigaaboaha'aha vani'aha: —Anofiki ida Jesu-ra vara ani'avini — vakhaniha.

Mateus 21:44

Jesus abono-ra kavarajomivini ja'di karahoa. Va'ora ni'aha: —Ija'ari hana hini voronirarihi ja'di karaho namania; 'boro'borohi ida ija'ari. Ija'ari hoariha namania voronirarihi ida ja'di karaho, akhomahi ida ija'ari — va'ora ni'aha ada Jesus.

Mateus 27:63

—Pilatos, akava'ihokiki ida Jesus kohana abinirina oadani haria ni'avini hi'iki athi: “Radaha'ihi ida mahi ahoarabakosiki oahokiki bana ho.” Nimania ida korijanahi abono athi.

João 3:20

Ija'aria bivajahaki ida Jahari kahojaia kahojaini, oniani ida vagaki fori hiki-ra karamonavini hija, oniani ida Cristo-ra aakara'ovini hija. Vagaki kania maakarija vaha; nokiahi vaha ida kidihojai jaharini. Binofirihi ida kidihojai asohiriki-ra kava'ipahinivini, oniani ida bianahojavini hija, vahoariha avigaria kaimoni ida kidihojai jahariki.

João 5:18

Jesus kavarani va'ora naihamahi'ianaha adani judeus kaija'ari vanava'isohiva abono. Va'ora naihamahibiininiki ida vakadi'akoiri kamahini Jesua bivakaajiravini. Va'ora naihamahi'ianaki ida Deua kaabi'ina-ra kahivini. Deus hina-ra kahivini va'ora naihamahi'ahapiki'aha, oniani ida Jesu-ra vanaabinivini-ra vanofivini hija.

Atos 13:45

Judeus kaija'ari va'ora vanoki'aha adani ija'ari vâipohiki vajoroni'iki Paulo kavarani-ra vakamithamahaki. Avakabaivini hiki ada Paulo, ovani ija'aria bivajoronivini. Paulo-ra avakabai'aha, oniani ida Paulo-ra vakanavaranihavini hija. Paulo korijanahi ka'oa kavaranina-ra vakahi'aha.

Atos 17:6

Ni-Paulo-ra va'ora vakaraga'iki. Oniaroa, Jasão vani ada vagathi'aha. Cristo kaija'ari vahoariha-ra va'ora vagathi'aha jaboni, va'ora avarahoka'aha sidaji kaija'arini vaka'da'diva vaviaha. Vabodi'baraha'aha: —Akadisidaji maina vakaikahi'aha adani makhira. Vakadihojai hiki ija'ari-ra vanaihamahikarahovini ibavi hahavia.

Atos 24:5

Hi'o makhira, Paulo oniki, ija'ari vaipohiki-ra va'ora anaihamahioniki o. Ni-jahapa'itxiki. Arabo ipohikia adaha'imajanina va'ora anaihamahionibakhia'iki adani judeus kaija'ari kidi'ojomo'ihi kavaranihia. Va'ora vaka'da'diki adani Jesus vaipohihava abono. Nazaré sidajia avijavaki ada Jesus.

Atos 28:22

Anofiki bana ida kadavarani-ra akamithavini Jesus monina-ra vara ivani'avini kavaranihi. Aogaki ida vaibavi hahavi kaija'arini va'ora vakanavaranihavini adani Jesus Cristo kaija'ari.

Atos 4:26

Vajoroniki adani arabo hahavi vavaka'da'diva, ija'ari vanava'isohiva abono vihiki khama. Vaabono vakaaminakhama'aha. Vanofirihi ida Deus va'ora vaka'da'divini. Vanofiriha ada Cristo Deus binagathogatho'iki. Nimania ida vaathi vaabono vakanava'isohikhamavini Davi kohana vara bivani'ajora'iki.”

Atos 6:7

Okha'okhaoni'ihi ida Deus athi, oniani ida Jesus vaipohihava abono-ra va'ora anaipohibakhiaja Jerusaléa. Sasidotxi vaipohiki jaboni Jesus kania vaabono gahinai vanihavini, athi vanaaba'aha.

Romanos 9:32

Avanana'dohiki vahabini ida: Nahina mani ida vakaragaravini hi'ia? Deus va'ora akava'ijoavini-ra vavakaijokaravini mani ida va'isohihi-ra varagarivini hi'ia. Vakaijo'a'iki ida vaabono avakava'ijoavini va'isohihi-ra vanaabavinia. Ni-nikia Deua bikapoariki ida ija'ari. Va'ora ka'damanokho'iki fori vihiki adani judeus kaija'ari. Va'ora naadari'iki fori vihi'iki adani judeus kaija'ari ja'di fori hiki namania.

1 Coríntios 1:23

Harivani, akadivarani hiki ida Cristo abini'ina ava akasanakhamakia ija'ari-ra akava'ijoara kaimoni. Judeus kaija'ari-ra va'ora ka'damanokhoki fori hiki hida Cristo monina vakaimajaharavini. Judeus kaija'ari vihirikia vani'avini: —Varani 'badara hini ida Cristo monina avakadivarani hiki.

Hebreus 7:1

Hari. Oniaroa. Abraão hokina kari Mikisidi vania bivaka'da'dija ida Salém sidaji. Sasidotxi hina vani Mikisidia bada bini'aja ida badani Deus danoki nama hojakia bihonariavini hiki. Hari. 'Bo'dakari Abraão kohana kidija'ari khama va'ora vidafia'aha adani 4 arabo hiki kaka'da'dini, vakadija'ari vihiki. Va'ora vidavini naothinia vajoi'aha adani Abraão. Mikisidi va'ora karagarari'aha adani Abraão vajoi'ina. Bikaragarari'aha, Deu-ra kanikharia'aha Abraão-ra kajoamorara kaimoni.

Hebreus 7:7

Mikisidi Abraão-ra kajoamoravini mani ida Abraão-ra aradavini-ra aogavini hija. Aogaki ida ija'ari hoariha-ra kajoamoraki kidikajoamorahi kajoamorana hiki-ra aradavini.

1 Pedro 4:14

Ija'ari varani jaharikia a'onira vakanavaranihavini hiki Cristo kaija'ari avihini, Deus a'onira kajoamoraki bana a'oni. Nini vani namithaja ida avakadiania, avarigaki ada Deus Ma'onahana Jahaka'oaki vagana, danona avakadiania ibavina.