Lucas 2:26 - Deus Athi Kapapirani Hida

²⁶ Ma'onahai Jahakia bini'a'bo'da'iki: —Simeão. Iabinini viahania, inokiki bana ada aihotahi abono Cristoa oniki Deua bikaronaki — Simeão-ra ni'a'iki ada Ma'onahai Jahaki.

Lucas 2:26 ပူးပေါင်းရင်းမြစ်များ

Mateus 2:12

Joma vania Deus va'ora kaabani'aha adani makhira vadamia: —Hari'a bana avajoi Iroji kania! Oniaroa, hagihi hoariha vania vajoi'aha, vakadiarabo-ra avanajoiha'avini.

Lucas 2:29

— Deus Kodika'da'di. Hidakaba'i hora inanokiahivini hi'iki ada aihotahi abono, oniani ida ova'i-ra najaha'ia. Aihotahi abono-ra onokiravini oadani, ni-onofiki kaho ida oabinina. Onoki'iki ada aihotahi abono, ni-makhanijanaki ida oabinina.

Lucas 9:27

Vakava'ibodivarani bana hida kodivarani. Khaki bana ida mahi Deus ija'ari-ra nanokiahivini ka'da'di hina. Vaabinirina oadani bana adani ija'ari ahararana vahojaki, vanokiki bana ida va'ora oni'avini hiki.

João 1:41

Hari. Andréa binako'diha'imidiaha ada kidi'aajo. Simão Pedro oniki ada. Bini'a'aha: —Aajo, ada akaraga'aha Deua bikaronaki, Messias oniki — niha ada André. (Messias onina athii hoariha Cristo. Aihotahi abono ada.)

João 20:31

Kidibadani danoki kavaranihi onajirivini hiki Jesu-ra avakajari'daravini. Onofiki ida avakajari'daravini Cristo Deua bikarona'avini. Deus kaisai ada Jesus. Jesu-ra avavakaijokahi; mahi ja'dini anokhomiriki-ra avavahojahi Deus kania hidiaja, namajaja jaboni.

João 4:29

— Vanavanavanaha'a bana ada makhira kodibadani hahavia okabadanina hora nanamitha'iki. Cristo mani koda ada okaraga'ara nami khorahakia kania? — va'ora ni'ahi ida gamo.

João 8:51

Ka'oa hiki hida kodivarani. Ni-abiniki bana ida ija'ari oathi-ra naabaki.

Atos 10:38

Nazaré sidaji kaija'arini ada Jesus. Deus vania bikarona'ara ada Ma'onahai Jahaki Jesu-ra avi'onanira kaimoni, bivahojaja kaimoni jaboni ida Deus danona. Jesus aadahaoni'iki ibavi hahavia ija'ari-ra kajoamoravini. Jaharia binajaharihi ida ija'ari, Jesus vania bianaihota'ihi. Deua biakodiavini mani ida ija'ari-ra va'ora anaihotavini hija.

Atos 17:3

Paulo va'ora nava'isohijahakivini hiki ida Deus athi. Va'ora ni'aha: —Deus athi kapapirani haria nava'isohijoravini hiki ida Cristo imana 'banani karaho, abini'ina ahoki'ina kavaranihi. Nimania ida Deua binofiki namithani kidiania. A'onira okanamonivini hi'iki ida Jesus Cristo varani hina. Cristo mani o Jesus Deua bikarona'iki — va'ora ni'aha ada Paulo.

Atos 2:36

Pedro asia vara va'ora ni'aha adani Israel kaija'ari: —Kodija'ari, mitha vani'a hida Jesus varani hina. Hi'ada Jesus avanaabini'iki ava akasanakhamakia, ada Deua bihonariaha ija'ari hahavi vakadika'da'di kaimoni hi'ina, athi vanaabara kaimoni. Deus Cristo hina bikahiki ada Jesus. Deua binagathogatho'iki ada ovari — va'ora nava'isohiha adani Israel kaija'ari, hiva'oani arabo hahavi kaija'arini.

Atos 9:20

Judeus kaija'ari Deu-ra vara vani'avini kagorania okha'aha va'ora nanamithavini hi'iki ida Jesus varani hina. Va'ora ni'aha: —Deus kaisai ada Jesus.

Hebreus 11:5

Hari. Enoque jaboni Deu-ra vakaijokaki, oniani ida Deus biavikhavini hi'ia kidiania. Abinirina vani Deua biavikha'ara ada. Ija'aria vanako'diha, ni-vakaraga'iki. Avisonina viahania Deus athi kapapirania bivava'isohihiki ada Enoque. Vakaijokana hina mani ida Deua khai bini'avini hija.