Lucas 19:20 - Deus Athi Kapapirani Hida

²⁰ Oniaroa, kaikahi'aha ada honai abono hoariha, bini'aha ada kidika'da'di: “Hida vani kadajiniro 'ba'dani. Okarafoa'iki ida kadajiniro makaria, oanahoja'ihi.

Lucas 19:20 ပူးပေါင်းရင်းမြစ်များ

Mateus 25:24

Hari. Ovari maina o'oi'aha ada honai abono 1 mil jiniro 'ba'dani-ra gathani'iki, bini'aha ada kidika'da'di: “Ira oogaki ho. Ka'da'di ihini mani ida ija'ari iathini-ra naabaravini-ra iva'aharavini hija. Va'ora ihonariaki adani kadahonai abono varakhajahana kadaimoni, a'ba'dija kaimoni ida kadanahina. Va'ora ihonariaki adani jaboni rakhajahi bononi-ra vanajoroniki, vanaji'binija kaimoni ida kadatrigo kagorani. Kadaimoni ida vakadibadani, ni-a'ba'dipa'itxiki ida kadahonai abono vakadinahina.

Lucas 19:13

Hari. Ajihina viahania ada ka'da'di, va'ora baranaha'aha adani kidihonai abono 10 vihiki vaipohina kidiania vikhana. Va'ora no'avini hiki afohanana jiniro 'ba'dani hoarahanana. Ouro ida jiniro 'ba'dani, kaidivaki ida. Va'ora ni'a'aha: “Ojoirina oadani bada vakhani'a mahija kodijiniro 'ba'dani-ra avarana'ba'divini.”

Lucas 19:19

Ka'da'dia bini'aha: “Ira ohonariavini 5 sidaji hiki ipohini kaija'arini maina-ra ivaka'da'divini.”

Lucas 19:21

Ira oogaki ho. Ka'da'di ihini mani ida ija'ari iathini-ra naabaravini-ra iva'aharavini hija. Ka'da'di ihini mani ida hoariha kania kidinahina isaarivini hija, kidirakhajahi jaboni ianivini hija.”

Lucas 3:9

Ihi'ai avani fori avihiki a'oni. Hojai asohikia avakahojairihi; ihi'ai avani bonobakhiariki fori avihihi. Makhira kajoriki fori hiki ada Deus. Khaki bana ada makhira binobaja kaimoni ida ihi'ai avani bonobakhiariki 'damania. Binahokahiki ida ihi'ai avani obaki siho kabodinia. Nini vani jaboni Deus va'ora arakhaki bana adani athi naabani vihiriki nahina jaharikia — va'ora ni'aha ada João Batista.

Lucas 6:46

Asia vara niha ada Jesus: —Oathi-ra avanaabaravini oadani, hari'a ka'da'dia hora vanaonibakhia.

João 11:44

Khaonanimani'aha ada Lázaro. Asia karafoaki ida abono hahavi, 'dama, avana, sa'a, vadi hiki makari oadakia. Vakadihojai hiki ida aba'oi-ra vakarafoavini makari oadakia. Lázaro nokho ka'oahaki jaboni makaria. Oniaroa Jesus va'ora honariaha: —Vaani oni makari karafoana hiki mahija adahavini.

João 20:7

Binokiki jaboni ida ka'da'di kakarafoani hiki makari napaja pa'itxia hojaki ida ka'da'di vakanaroaroavini hiki.

Tiago 4:17

Hari. Oniaroa, ija'aria biogahi ida nahina asohiki jahaki bada bini'aki kaimoni. Bada bini'arihi, ni-asohiki ida kidihojai.