Lucas 16:8 - Deus Athi Kapapirani Hida

⁸ Hari. Oniaroa, ka'da'dia bikamitha'ihi ida kidihonai abono varani hina. Bini'aha: “Jaharini kaba'i ida kodijiniro-ra iakadava'ajahakiravini, jahaki ida ikava'ibodivaranijora'avini kadamahi. Honai abono ogahaki i.” Oniaroa, Jesus va'ora nava'isohivini ida rajomi kavaranihi nahina hini. Va'ora ni'aha: —Deu-ra vanofirikia avigaki ida vakadinahina-ra vakava'ibodivaranijoravini a'ba'dija kaimoni. Deu-ra vanofikia ni-avigajahakiki, ni-vakava'ibodivaranijoraki.

Lucas 16:8 ပူးပေါင်းရင်းမြစ်များ

Mateus 12:32

Hovani ija'ari hahavi vakadi'aajo ho. Varani jaharikia ija'ari hora kanavaranihahi; Deua bikaabokaki ida varani jahariki-ra na'biravini. Varani jaharikia ija'ari Ma'onahai Jahaki-ra kanavaranihahi; ni-Deua bina'biraki. Hokini oadani ida ija'ari, ni-Deua biakariakaki. Abinini naothinia asia hojaki ida kidivarani jahariki, ni-Deua bina'birapa'itxiki — va'ora ni'aha ada Jesus.

Mateus 17:26

—Arabo kaija'arini vihiriki vania vanaabosiki ida — niha ada Pedro. —Hai oamani, asohiki ida ini'aki. Kadavarani hiki ida arabo vaka'da'diva ni-va'ora honariaki adani kidiarabo kaija'arini vanaabosivini.

Lucas 16:10

Oniani ida a'onira onava'isohivini hija. Ija'aria biogajahakihi ida hoariha kanahina pa'itxi-ra akadava'avini; biogahi jaboni ida nahina karaho-ra akadava'avini. Ija'aria biogarihi ida hoariha kanahina pa'itxi-ra akadava'ajahakivini; ni-biogaki ida jaboni hoariha kanahina karaho-ra akadava'avini.

Lucas 16:4

Hai! Ooga'oamanija bana ida bada oni'aki kaimoni. Inisika kajinironi abosiriki kapapirani-ra onamonahahi, inisika abosiriki kajinironi onapa'itxihi. Hora vavajahaki bana adani vahoariha. Kodika'da'di kainisika-ra oakadava'ajanarihi, vagorana hora vagathanijahakiki bana adani.”

Lucas 16:7

Makhira binajirivini naothinia, ka'da'di kahonai abonoa binana'dohi'aha ada hoariha: “Ivani, nihafori himanija ida inisika kajinironi inaabosiriki?” Makhira bigathani'ihi ida kidina'dohi: “Okapavakari'iki ida karagoahi kaso'oroni 1 mil hiki ipohini. Ni-abosi'iaki ida karagoahi okapavakari'iki.” Ni'aha. Oniaroa, ka'da'di kahonai abonoa bihonaria'aha: “Inapa'itxi bana ida karagoahi kaidivani kajinironi. Inajiri bana 800.” Niha ada ka'da'di kahonai abono.

Lucas 18:6

Hari hihi ida rajomi kavaranihi, Jesus va'ora nava'isohi'aha: —Vakava'ibodivaranijahaki ida ija'ari nasohiva abono athi. Kidihojai asohirini kaba'i, bikajoamora'iki ida gamo, athinia va'i bikai'dokarara kaimoni.

Lucas 20:34

Hari. Jesus va'ora ni'aha: —Avakaraki adani makhira, kidigamo khama hidiaja, vahokina oadani.

Lucas 20:35

Vaabinina naothinia, Deus va'ora anahokiki bana adani ija'ari hidiaja athi naabani vihi'iki. Deus ibavi kania ija'ari vakaikahiha, ni-avakarajanaki.

João 12:36

Mahi vagani fori hiki hida oathi. Ohojana oadani avakadiania, oathi-ra avakajari'darihi; oathi avakadiva'ibodivarani-ra navagaki fori hihi, oniani ida mahi vagania avaadahaki fori a'onira nihaja bana. Hari. Vara nina naothinia, ajihi'aha ada Jesus. Ahojaia okha'aha, ibavi ija'aria avigarikia hoja'aha.

1 Coríntios 3:18

Hari'a ija'ari abononi korijanahava. Hari'a ija'ari abononi kava'ibodivaraniva: —Arafiaki ida ogahai araboa kama'daki-ra ovahojavini — ni-nikia kava'ibodivaranini jahaki ida ija'ari. Jakaho ija'ari Deu-ra avigariki ira vani'ava ija'ari ogahariki ihinia. Jahaki ida ogahai araboja kama'daki-ra ikava'ipahinivini, ivahojaja kaimoni ida oogahai ka'oa Deua bikavagahinaiki.

Eféios 5:8

Deu-ra avarigaravini kari a'onivani jaboni nikia avakahojai'iki a'oni. Avakava'ibodivarani'iki ida Jahari kava'ibodivarani, oniani ida joma bakibakinia avaadahaki fori a'onira niha'ia. Hari maha. Deus kaija'ari avihi'ini mani ida mahi vagania avaadaha'iki fori a'onira niha'ia. Mahi vagani kania vahojahaha'oadaha bana.

Filipenses 3:19

Vakadideus fori hiki ida vakadi'bai, vakadinahina hiki-ra vakava'inofinofivini khai vani'avini, oniani ida Ibavi Jaharika'oaki kania va'ora arakhaja bana. Vaabono vavaboraborahavini hiki ida badani kaipahivahakia vakabadanibakhiana. Vakava'ibodivaraniha'oadahaki ida nahina araboja hojaki vanofiki vakadimoni hini vaabinirina oadani. Ni-vakava'ibodivaraniki ida vakadimahi niha ninini vaabinina naothinia.

1 Tessalonicenses 5:5

A'onivani mahi vagania avahojaki fori avihi'iki a'oni. Ni-joma bakibakini fori hikia avahojajanaki.

1 Pedro 2:9

Arigamina, ni-va'oaniaro fori avihirihi. Deus a'onira nagathogatho'iki a'oni, kidija'ari avihija kaimoni. Deus akadika'da'di ka'oa kasasidotxi avihiki a'oni. Kidibadania avaabononi avavani'ahi'iki a'oni, Deus kani a'oni. Bakibakini fori hiki kania avahojani kari Deus a'onira baranaha'iki a'oni, avarikhaonani'ihi, avahojaja kaimoni Deus vagana jahaki kania, avanamonija kaimoni ida kidibadani danoki ija'ari-ra nava'ibodivaraniki.

1 João 3:10

Nimania ida ija'ari kamahi Deus kaisai hini aogaki, Jahari kaisai hini aogaki jaboni. Jahari kaisai oamani ida ija'ari Jahari kahojaia kahojaiki. Deus kaisai hirihi ida ija'ari hojai sohikia kahojairiki. Deus kaisai hirihi jaboni ida ija'ari igamini-ra nakaidivariki.