Lucas 11:26 - Deus Athi Kapapirani Hida

²⁶ Oniaroa, ajihi'ianahi ida bajadi, va'ora anikha'aha adani ipohini 7 vihiki vaipohina vajaharina arafiaki, ija'ari kania vahojara kaimoni. Bajadi hoarani hojani kari, jaharihi ida ija'ari kamahi. Bajadi vaipohiki vahoja'aha ija'ari kania, jaharini arafia'ihi ida ija'ari kamahi — niha ada Jesus.

Lucas 11:26 ပူးပေါင်းရင်းမြစ်များ

Mateus 12:45

Oniaroa, ajihi'ianahi ida bajadi va'ora anikha'aha adani ipohini 7 vihiki vaipohina vajaharina arafiaki, ija'ari kania vahojara kaimoni. Bajadi hoarani hojani kari, jaharini ida ija'ari kamahi. Bajadi vaipohiki vahoja'aha ija'ari kania, jaharini arafia'ihi ida ija'ari kamahi. Vakhanimanira bana adani ija'ari hidakaba'i hora vakajoniki — va'ora ni'aha ada Jesus.

Mateus 23:15

—Judeus kaija'ari vaka'ojomo'iva abono, mitha vani'a hida a'onira vara oni'avini. Farisio, mitha vani'a jaboni hida a'onira vara oni'avini. Deus athi-ra avanofivini-ra avakahi'badaraki a'oni. Jahariki bana ida avakadimoni. Avanofiki ida ija'ari Deu-ra khai ni'a'badaravini, Deu-ra khai avani'a'badaravini vani fori hiki, oniani ida arabo hahavia a'onira anaadahaonija, avanako'dihahi ida ija'ari Deu-ra ogariki, Deu-ra kanamasivivini-ra nofiki kaimoni. Avakaragahi, avaka'ojomo'iki avakadihojai 'badara. Avaka'ojomo'ivini naothinia arafiaki ida kidihojai 'badara. Deus ija'ari-ra nasohivini kamahini, Deus a'onira ni'aki bana ada: “Onaabosiki bana ida avakadihojai 'badara nahina jaharikia Ibavi Jaharika'oakia. Arafiaki ida avakadija'ari-ra va'ora avaka'ojomo'ivini vakadihojai jaharini. Ibavi Jaharika'oakia nahina jahariki-ra vagathanivini oana'ba'diki bana.” Niki bana ida Deus a'onira vara ni'avini hiki bana.

Lucas 11:25

Oniaroa, joi'ihi, bikaraga'ihi ida gora bodini jaha'ini dairiki.

Lucas 11:27

Anokhomi'ihi ida Jesus kavarani, athini 'barakia Jesu-ra ni'ahi ida gamo ija'ari vaipohiki vahararana hojaki: —Deua bikajoamoraki ida kadamia ira namonaha'iki jahani bodinia, ira kanajohohaki jaboni ida.

João 5:14

Oniaroa, Deu-ra khai vani'avini kagorani kavasiribanini bodinia okhajakosi'aha ada Jesus, biakaragajakosi'aha ada makhira bianaihota'iki, bini'aha: —Iabono akava'igairi bana. Ia'aihota'iki i. Hari'a hojai asohirikia kahojaijana. Hojai nikia ikahojai'ianahi; ipohimajani arafiaki bana i — Jesus bini'a'aha.

1 João 5:16

Hari. Avanokihi bana ida arigamina hojai asohirikia kabadanini, Deu-ra vakanikharia bana bikajoamoraja kaimoni. Hojaki ida hojai asohiriki, ija'aria bada bini'avini kaba'i, asia binofiki ida Jesus ipohina hini, Deus kania okhani. Deu-ra vakanikharia bana, arigamina bikava'ipahinija kaimoni ida kidihojai asohiriki. Deua bikamithaki bana ida avakadikanikhari, bina'biraki bana ida hojai asohiriki, binajaha'ianahi ida arigamina kamahi. Hari. Hojaki ida hojai asohiriki hoariha ija'ari-ra najoiribaniriki, okhajanaria kaimoni Deus kania. Aba'oki fori hiki ida ija'ari. Ni-binofiki ida okhani, bikajoniki ida Deus kakajoamorahi. Ni-a'onira ohonariavini hiki ida Deu-ra avakanikhariavini ija'ari nikia kahojaiki kidihojai asohiriki aniani.