Apocalipse 22:3 - Deus Athi Kapapirani Hida

³ Sidaji bodinia ni-hojaki ida nahina hoarani Deua bivajahariki. Sidajia hojaki bana ida Deus kavithi ibavini. Deu-ra khai vani'ahaha'oadahaki adani kidihonai abono.

Apocalipse 22:3 ပူးပေါင်းရင်းမြစ်များ

Mateus 25:21

Oniaroa, kidika'da'dia bini'aha: “Ivani honai abono jahaki i. Iakadava'ajahakiki hida ira ono'avini hi'iki. Jiniro pa'itxi-ra iakadava'ajahakivini mani ida kodinahina karaho-ra iakadava'avini maina-ra ovahonariahivini hija bana. Khai ini'a kodiania! Kodibadania ikabadanijahakini mani ida kodinahina-ra akavapitavini hija.”

Mateus 25:41

Hari. Oniaroa, va'ora oni'aki bana adani opitana jasoja vahojaki: “Avakara'o'a kodiania! Hojai jaharikia avakahojaiki a'oni. Deus a'onira vajahariki a'oni. Avikha'a Ibavi Jaharika'oaki kania, siho kaihimiriki kania. Hojaki ida Ibavi Jaharika'oaki, Jahari, kidija'ari khama vaibavi ida.

João 12:26

Ohonariaki ida ija'ari kidika'da'di ohina-ra nofiki; kodihonari-ra naabavini. Kodiania okhaki bana ida ija'ari oathi-ra naabaki oavikhaki kania. Ija'ari vaipohiki vaviaha kodiabi'ia bigathanijahakiki bana ida oathi-ra naabaki — va'ora ni'aha ada Jesus.

João 13:32

Deus jahana, danona hiki-ra onanokiaki bana ho, oniani ida Deus ojahana, odanona hiki-ra nanokiavini hija bana. Deus vania binanokiajorakija ida.

João 14:3

Avaibavinia a'onira okaibavijahahivini naothinia, ojoiki bana ho a'onira onikhavini bana, ovahojaki kania avahojaja kaimoni.

João 17:24

Kodiabi'i, hora ino'avini vihi'iki adani oipohina. Onofiki ida kadania ohojana, oipohina vahojana jaboni bana kodiania, vanokija kaimoni ida ovagana, ojahana, odanona hiki. Hahavi amonahani viahania hora inakaidivaki i, oniani ida ovagana, ojahana, odanona hikia hora ino'avini hi'ia.

Apocalipse 7:10

Athii 'barakia vani'aha: “Kidivithi ibavinia vithiki ada Deus ka'da'di vakadika'da'di hina. Akadi'aihotahi abono ada. Haria akava'ijoa'iki ada, aokharia kaimoni Ibavi Jaharika'oakia. Ovilia Dorona oniki jaboni haria akava'ijoa'iki, akadi'aihotahi abono ada” Vakhaniha adani ija'ari vâipohiki.

Apocalipse 7:9

Hari. Oniaroa, Deus ibavi kania namajaja vada oni'ianahi, va'ora onokiki adani ija'ari vaipohiki, vâipohina vâipohi'oamanira adani. Ni-nahina bikaabokaki ida vaipohina nihafori vihina rajomani. Arabo hahavi kaija'arini adani, nação hahavi adani jaboni, tribo hahavi adani, vaathi kahoarihakhamaki adani. Vigaakosoaki adani ka'da'di vakadika'da'di kavithi ibavini viahania, Ovilia Dorona oniki viaha jaboni. Vakaimahaki ida makari vaforiki, vagathihananaki ida avaafani kahami afa fori hiki vakadikhaiini-ra vavajahavini kaimoni.