Yon Mui 4:21 - Pacoh Cado

²¹ Yê-su Crit khoiq patáp he idô: Ticuoi mmo amoih Yang Arbang-pilŏ́ng, cóq án amoih em ai án hơ.

Yon Mui 4:21 ပူးပေါင်းရင်းမြစ်များ

Mathie 5:43

“Inha khoiq sáng dyơ ngai tông idô: ‘Cóq inha amoih yớu inha, alứng a-ính ticuoi picon inha.’

Luca 10:37

Án ndon sái rit Isa-ra-el ôi lieh Yê-su idô: “Ticuoi ndon choi án la yớu án.” Iki Yê-su tông lieh án idô: “Cóq mái pôq táq muchứng ticuoi ngki tưi.”

Yon Taran Parnai Ŏ Te Yê-su Crit 15:12

“Parnai cư patáp la idô: Cóq inha munáq amoih munáq, muchứng cư khoiq amoih inha.

Ca-lati 5:14

Nhéq máh phep rit Yang Arbang-pilŏ́ng la pachúng cơt mui callong patáp idô: Cóq inha amoih yớu muchứng inha amoih cháq inha bôm.

Ca-lati 5:6

Tư Yê-su Crit choi tamống he, lớiq bôn amớh he táq rit kít, lớiq la lớiq táq. Ma callong pưt clưi nhéq te cannŏ́h la he tin. Co he tin, iki he bôn mít cannính amoih.

Tê-salô-naca Mui 4:9

Ma te arnáq inha munáq amoih munáq, cư lớiq túh taran dyôn inha, co inha khoiq rian te Yang Arbang-pilŏ́ng dyơ dŏq munáq amoih munáq.

Phi-er Mui 3:8

Ndô la parnai talloiq tháng te nhéq parnai nsuoi. Seq inha bôn mui mít cannính, munáq choi munáq, alứng munáq amoih munáq arớq em ai. Cóq inha munáq sruiq táq munáq, alứng lớiq pupưt.

Phi-er Mui 4:8

Callong pưt clưi nhéq te nốh cannŏ́h la cóq inha amoih yớu nhéq te mít cannính inha. Khán inha amoih arớq ngki, iki inha têq munáq táh luaih munáq.

Yon Mui 2:7

Em ai cư ơi! Parnai cư taran patáp inha hoi-ndô la tới parnai patáp tamme. Ma parnai ndô la parnai tieq; inha bôn parnai ndô te ingái inha mbơiq mot tin Yê-su Crit. Parnai patáp ndô ngai khoiq tông inha te nsuoi dyơ.

Yon Mui 3:11

Te ingái inha mbơiq tin Yê-su Crit, inha khoiq sáng dyơ callong patáp ndô: He cóq munáq amoih munáq.

Yon Mui 3:14

Khán he amoih máh em ai he tớq top tin, ndô la arớq he khoiq cuchet ma bôn tumống lieh. Ma khán ticuoi mmo lớiq amoih yớu, la arớq án yôl cuchet.

Yon Mui 3:18

Acái amon ơi, khán he amoih yớu, cóq he êq amoih nưm tớq ngcang sớng. Ma cóq he amoih yớu nhéq te mít cannính, alứng cóq he táq dyôn ticuoi cannŏ́h chom he lư amoih.

Yon Mui 3:23

Ndô la parnai Yang Arbang-pilŏ́ng patáp he: Cóq he tin Acái án Yê-su Crit, alứng cóq he munáq amoih munáq, arớq Yê-su khoiq patáp he.

Yon Mui 4:11

Em ai ơi! Co Yang Arbang-pilŏ́ng amoih he arớq ngki, iki cóq he munáq amoih munáq tưi.