Yon Mui 3:14 - Pacoh Cado

¹⁴ Khán he amoih máh em ai he tớq top tin, ndô la arớq he khoiq cuchet ma bôn tumống lieh. Ma khán ticuoi mmo lớiq amoih yớu, la arớq án yôl cuchet.

Yon Mui 3:14 ပူးပေါင်းရင်းမြစ်များ

Mathie 25:40

Puo ngki ôi lieh nha-án idô: ‘Cư tông inha arlớih lư, ndóng inha táq máh arnáq ngki ada munáq em ai cư ndon lớiq bôn tarnáp amớh, la arớq inha táq dyôn cư tưi!’

Luca 15:24

co acái cư ndô arớq án khoiq cuchet, ma hoi-ndô arớq án bôn tumống lieh. Te nsuoi án khoiq pít, ma hoi-ndô cư tumúh lieh!’ Iki nha-án cha bui ơn lư.

Luca 15:32

Ma he cóq táq bui ŏ, co a-em mái arớq án khoiq cuchet, ma hoi-ndô arớq án tumống lieh. Arớq án khoiq pít, ma hoi-ndô he bôn tumúh lieh.’”

Luca 7:5

Án amoih lư ticuoi Isa-ra-el, alứng án táq dúng rum dyôn he hơ.”

Yon Taran Parnai Ŏ Te Yê-su Crit 13:35

Khán inha munáq amoih munáq, iki nhéq tưh ticuoi chom inha veng ngê cư khớm lư.”

Yon Taran Parnai Ŏ Te Yê-su Crit 15:12

“Parnai cư patáp la idô: Cóq inha munáq amoih munáq, muchứng cư khoiq amoih inha.

Yon Taran Parnai Ŏ Te Yê-su Crit 15:17

Máh parnai cư patáp inha la idô: Inha cóq munáq amoih munáq.”

Yon Taran Parnai Ŏ Te Yê-su Crit 5:24

“Cư tông inha arlớih lư, ticuoi mmo cammáng parnai cư, alứng tin án ndon yua cư tớq, ticuoi ngki bôn tumống níc-níc, alứng lớiq bôn ngai sưq nnáng án. Án vít te callong cuchet; ma án bôn nưm callong tumống sớng.

Cô-rin-tô Bar 5:1

Cháq he la arớq dúng prới ndon he át dơ tớq pang ndô. He chom dúng ndô têq anhoh alứng rúng, ma he ngcong bôn dúng tamme tớq pilŏ́ng. Dúng ngki lớiq nai rúng pít, co Yang Arbang-pilŏ́ng táp táq, tới ati ticuoi táq.

Ca-lati 5:22

Ma culái te inha veng Arvai Yang Arbang-pilŏ́ng la ngê idô: Bôn mít amoih, sáng bui hơr níc, bôn ien ŏ níc, bôn mít chiuq tanhir, bôn mít sáng sruiq, táq arnáq ŏ, bôn mít tinớng tupứng,

Ê-phê-sô 1:15

Co iki, tư cư sáng hanh inha tin lư Yê-su Ưlla he, alứng inha amoih máh ticuoi ndon tin án,

Ê-phê-sô 2:1

Te nsuoi, inha arớq cuchet, co inha lớiq bôn peh parnai Yang Arbang-pilŏ́ng alứng inha táq luaih níc.

Cô-lusê 1:4

co he khoiq sáng dyơ inha lư tin Yê-su Crit, alứng inha bôn mít cannính amoih nhéq máh ticuoi ndon tin Yê-su.

Tê-salô-naca Mui 4:9

Ma te arnáq inha munáq amoih munáq, cư lớiq túh taran dyôn inha, co inha khoiq rian te Yang Arbang-pilŏ́ng dyơ dŏq munáq amoih munáq.

Hê-brơ 13:1

Cóq inha munáq amoih munáq arớq em ai.

Phi-er Mui 1:22

Hoi-ndô mít cannính inha práh ŏ la co nhơ inha peh parnai piaiq, iki inha chom amoih lư nhéq top tin. Dyơ cóq inha munáq amoih munáq nhéq te mít cannính.

Phi-er Mui 3:8

Ndô la parnai talloiq tháng te nhéq parnai nsuoi. Seq inha bôn mui mít cannính, munáq choi munáq, alứng munáq amoih munáq arớq em ai. Cóq inha munáq sruiq táq munáq, alứng lớiq pupưt.

Phi-er Bar 1:7

Tớq inha chom táq arnáq dyôn Yang Arbang-pilŏ́ng sáng bui cannính, cóq inha tưm loi dŏq át artoi alứng em ai. Tớq inha át artoi alứng em ai, cóq inha tưm loi dyôn bôn mít cannính amoih yớu.

Yon Mui 2:3

Khán he peh máh callong Yang Arbang-pilŏ́ng patáp, ngki têq he ngin he chom án.

Yon Mui 3:23

Ndô la parnai Yang Arbang-pilŏ́ng patáp he: Cóq he tin Acái án Yê-su Crit, alứng cóq he munáq amoih munáq, arớq Yê-su khoiq patáp he.

Yon Mui 4:12

Lớiq nai bôn ticuoi mmo hôm Yang Arbang-pilŏ́ng. Ma khán he munáq amoih munáq, ngki he chom Yang Arbang-pilŏ́ng át alứng he, alứng callong amoih te án cơt sút tớq mít cannính he.

Yon Mui 5:13

Cư khoiq taran máh parnai ndô dyôn inha ndon khoiq tin Acái Yang Arbang-pilŏ́ng, dŏq inha chom, inha bôn tumống níc-níc.

Yon Mui 5:2

Ndô la tíc dyôn he têq chom he amoih máh acái acon Yang Arbang-pilŏ́ng: Khán he amoih Yang Arbang-pilŏ́ng alứng peh máh parnai án patáp, iki he chom he amoih máh acái acon án hơ.