Yon Bar 1:6 - Pacoh Cado

⁶ Callong amoih la idô: Cứp arnáq he táq, he cóq táq veng máh parnai Yang Arbang-pilŏ́ng khoiq patáp. Parnai patáp ndô inha khoiq sáng te ingái inha mbơiq mot tin, la cóq inha bôn mít cannính amoih níc.

Yon Bar 1:6 ပူးပေါင်းရင်းမြစ်များ

Yon Taran Parnai Ŏ Te Yê-su Crit 14:15

“Khán inha amoih cư, cóq inha peh máh parnai cư patáp.

Yon Taran Parnai Ŏ Te Yê-su Crit 14:21

“Ticuoi mmo ráp ial máh parnai cư patáp alứng peh, ticuoi ngki lư amoih cư. A-ám cư amoih án ndon amoih cư. Cư amoih án tưi, alứng cư apáh ngê cư dyôn án chom.”

Yon Taran Parnai Ŏ Te Yê-su Crit 14:23

Yê-su ôi án idô: “Ticuoi mmo amoih cư, ticuoi ngki peh máh parnai cư. A-ám cư amoih án. Cư alứng A-ám cư tớq nga án, alứng át níc alứng án.

Yon Taran Parnai Ŏ Te Yê-su Crit 15:10

Khán inha peh parnai cư patáp, iki inha cadyiq níc callong amoih te cư, muchứng cư peh máh parnai A-ám cư patáp, alứng cư cadyiq níc callong amoih te án.

Yon Taran Parnai Ŏ Te Yê-su Crit 15:14

Khán inha la yớu cư, cóq inha peh parnai cư patáp.

Yon Mui 2:24

Iki cóq inha cadyom dŏq tớq mít cannính inha máh parnai inha khoiq sáng dyơ te ingái inha mbơiq tin Yê-su. Khán inha cadyom dŏq máh parnai ngki tớq mít cannính inha, ngki inha át artoi níc alứng Acái Yang Arbang-pilŏ́ng nha A-ám án hơ.

Yon Mui 2:5

Ma ticuoi mmo peh parnai Yang Arbang-pilŏ́ng la án amoih Yang Arbang-pilŏ́ng nhéq tarngứh tarhơ. Co he táq iki, he chom arlớih lư he át mui mít alứng Yang Arbang-pilŏ́ng.

Yon Mui 2:7

Em ai cư ơi! Parnai cư taran patáp inha hoi-ndô la tới parnai patáp tamme. Ma parnai ndô la parnai tieq; inha bôn parnai ndô te ingái inha mbơiq mot tin Yê-su Crit. Parnai patáp ndô ngai khoiq tông inha te nsuoi dyơ.

Yon Mui 5:15

Alứng khán he chom Yang Arbang-pilŏ́ng cammáng he seq te án, ngki he chom arlớih án lư dyôn nốh he khoiq seq.

Yon Mui 5:3

He chom he amoih Yang Arbang-pilŏ́ng, khán he peh máh parnai án patáp. Alứng máh parnai án patáp lớiq ntáng amớh dyôn he.

Yon Bar 1:5

Mun ơi! Hoi-ndô cư seq tông inha idô: He cóq munáq amoih munáq. Parnai ndô cư patáp inha la tới parnai tamme. Ma he khoiq bôn parnai patáp ndô te ingái he mbơiq tin Yê-su Crit.