Yacơ 4:1 - Pacoh Cado

¹ Co imo tớq top inha munáq tarluaih alứng munáq, munáq táq munáq? Bôn ticuoi táq iki co inha báq bôn mít cannính ham. Mít inha cơt arớq ala bar pláh.

Yacơ 4:1 ပူးပေါင်းရင်းမြစ်များ

Mathie 15:19

Máh callong saq ndon chóng ngốh te mít ticuoi la idô: Parngíh arnáq saq, cachet ticuoi, láh parlưi, tới campái cayieq ma bíq munơi, titôiq, pathu, alứng u saq.

Yon Taran Parnai Ŏ Te Yê-su Crit 8:44

Inha la acái conh yang Satán. Án la a-ám inha. Alứng inha ính lư veng ngê a-ám inha. Te tôm lư, yang Satán ính lư cachet ticuoi. Án lớiq cadyiq callong piaiq, co án lớiq bôn mui callong piaiq amớh át tớq mít án. Án tông níc parnai a-uai, án táq veng ngê án bôm, co án ính lư callong a-uai, alứng án la a-ám callong a-uai.

Rô-ma 7:23

Ma arớq bar ngê ngki tarchíl tớq mít cannính cư. Tarnứm cư ính ngê ŏ, ma cháq cư cơt arớq sol dyôn ngê luaih.

Rô-ma 7:5

Ndóng he iyốh tin, he veng cannính he bôm. Iki phep rit Môi-se táq dyôn mít he parngíh ính táq arnáq luaih a-ưi lư. Tư he táq arnáq ngki, he bôn cống la he cuchet.

Rô-ma 8:7

Khán he veng cannính he bôm la arớq he cơt picon ada Yang Arbang-pilŏ́ng, co he lớiq ính veng phep rit án. Tam he ính, la he lớiq rap veng phep rit án.

Ca-lati 5:17

Co sac sáiq inha ính la ndái te Arvai Yang Arbang-pilŏ́ng ính. Alứng ngê Arvai Yang Arbang-pilŏ́ng ính la ndái te ngê sac sáiq inha ính. Bar ngê ndô lớiq cơt tarcluoq. Co iki arnáq amớh inha parngíh ính táq, inha lớiq rap táq.

Cô-lusê 3:5

Co iki, cóq inha táh nhéq máh ngê tớq pang ndô. Ngê ngki la idô: Tới campái cayieq ma bíq munơi, táq arnáq tanghang, arváiq arcoiq ính bôn ngai, ính táq arnáq saq, alứng ham crơng ntưn tớq pang ndô. Ticuoi mmo ham crơng ntưn tớq pang ndô, la arớq án sang yang cannŏ́h.

Ti-muthê Bar 2:23

Ma cóq mái viar te nha-án ndon pasoi ngê achơ, lớiq la tarmien te callong lớiq chom, co mái chom te arnáq ngki báq táq dyôn ticuoi tarluaih.

Titô 3:3

Te nsuoi he la ticuoi achơ tưi. He lớiq peh, ma he cammáng níc parnai ngai tarthu. Iki he cơt arớq ticuoi sol dyôn arnáq saq, alứng sáng bui lư táq pôq tớq arnáq lớiq ŏ. He tar-uan, he i-ôiq camíq. Khán ngai a-ính he, he a-ính lieh ngai.

Titô 3:9

Cư ính mái viar yông te arnáq tarmien te máh nốh achơ, te chớiq ngai taran máh nốh achúc achiac, alứng te arnáq tarluaih te phep rit Isa-ra-el. Khán tarmien co tian te callong ndô, ngki lớiq bôn tarnáp amớh.

Yacơ 1:14

Ma ngê tớq mít cannính ticuoi bôm báq ham táq arnáq saq. Iki, ngê ngki tardông ticuoi táq arnáq luaih.

Yacơ 4:3

Alứng khán inha seq te Yang Arbang-pilŏ́ng ma seq lớiq piaiq, ngki inha lớiq bôn tưi, co inha seq veng callong ham tớq mít inha.

Phi-er Mui 1:14

Cóq inha peh A-ám inha tớq pilŏ́ng. Êq veng tapun nnáng arnáq lớiq ŏ inha báq lư táq ndóng inha iyốh chom Yang Arbang-pilŏ́ng.

Phi-er Mui 2:11

Em ai ơi! Inha la arớq ticuoi tumoi alứng arớq ticuoi át dơ tớq cúc cuteq ndô. Co iki, êq dyôn máh nốh sac sáiq báq ính, pul mít cannính inha.

Phi-er Bar 2:18

Nha-án cato ính ngai parngíh nha-án tubáiq, ma parnai nha-án tông la lư achơ. Nha-án tông lớiq amớh conh ính táq lớiq ŏ ada cán. Iki nha-án tardông máh ticuoi ndon mbơiq ngốh te ticuoi veng ngê saq, dyôn píh táq lieh arnáq saq.

Phi-er Bar 3:3

Nsuoi lư la cóq inha chom idô: Ndóng tumán ính tớq ingái talloiq, lư bôn ticuoi ính veng mít cannính saq nha-án bôm. Nha-án ayê tar-ac inha.