Titô 3:9 - Pacoh Cado

⁹ Cư ính mái viar yông te arnáq tarmien te máh nốh achơ, te chớiq ngai taran máh nốh achúc achiac, alứng te arnáq tarluaih te phep rit Isa-ra-el. Khán tarmien co tian te callong ndô, ngki lớiq bôn tarnáp amớh.

Titô 3:9 ပူးပေါင်းရင်းမြစ်များ

Cô-rin-tô Mui 13:2

Tam cư hôi cato tang ngcang Yang Arbang-pilŏ́ng, apúh nhéq máh nốh catốq, rian a-ưi, alứng tin khớm lư tingôi têq cư yua cóh dyôn tarvih, ma khán cư ớq callong amoih, máh arnáq ngki lớiq tưr amớh.

Cô-rin-tô Mui 8:1

Hoi-ndô cư ính tông inha te crơng tanna ngai tutức sang yang cannŏ́h. Khán inha parngíh inha khoiq chom a-ưi, la inha asớr cháq. Ma callong pưt lư la cóq inha bôn callong amoih, dŏq inha têq choi yớu dyôn tin khớm lư loi.

Ti-muthê Mui 4:7

Mái êq cammáng máh parnai ngai nsuar tớq pang ndô ndon lớiq cơt tarnáp amớh. Alứng êq cammáng máh tampên tieq arớq ticuoi ayáq báq tông. Ma ŏ lư la mái rian níc te ngê Yang Arbang-pilŏ́ng, dŏq mái têq peh alứng tin Yang Arbang-pilŏ́ng dyôn khớm lư loi.

Ti-muthê Bar 2:14

Cóq mái dyŏq alứng catớih máh ticuoi tớq top tin chứng mát Yang Arbang-pilŏ́ng dyôn ayư lieh, êq tarluaih. Co arnáq tarluaih lớiq bôn tarnáp amớh, nưm táq dyôn mít ticuoi ndon sáng cơt rúng.

Ti-muthê Bar 2:16

Ma cóq mái viar te parnai ngai táq-ntêr ndon ớq tarnáp, la parnai ndái te parnai Yang Arbang-pilŏ́ng. Co parnai ngki ính tardông ticuoi dyôn át yông lư loi te Yang Arbang-pilŏ́ng.

Ti-muthê Bar 2:23

Ma cóq mái viar te nha-án ndon pasoi ngê achơ, lớiq la tarmien te callong lớiq chom, co mái chom te arnáq ngki báq táq dyôn ticuoi tarluaih.

Titô 1:14

Dyŏq nha-án êq cammáng parnai nsuar lớiq piaiq na top Isa-ra-el, lớiq la phep rit na ticuoi ndon khoiq táh parnai piaiq.

Yacơ 4:1

Co imo tớq top inha munáq tarluaih alứng munáq, munáq táq munáq? Bôn ticuoi táq iki co inha báq bôn mít cannính ham. Mít inha cơt arớq ala bar pláh.