Phi-lip 2:3 - Pacoh Cado

³ Inha êq táq arnáq amớh co ính nieng-tanieng, lớiq la ính ngai ayô inha. Ma cóq inha asiar cháq, alứng náp yớu ŏ hơn te inha.

Phi-lip 2:3 ပူးပေါင်းရင်းမြစ်များ

Luca 18:14

Dyơ Yê-su tông idô: “Cư tông inha arlớih lư, ticuoi ial práq thêq ndô chô nga dúng, án lư cơt tinớng ŏ chứng mát Yang Arbang-pilŏ́ng. Ma ticuoi Pha-rasi ngki lớiq bôn tinớng ŏ amớh chứng mát Yang Arbang-pilŏ́ng. Khán ticuoi mmo asớr cháq bôm ính cơt pưt, urớh ticuoi ngki cơt két. Alứng ticuoi mmo asiar cháq dyôn cơt két hoi-ndô, urớh án lư cơt pưt.”

Rô-ma 12:10

Cóq inha munáq amoih munáq arớq inha la em ai. Alứng cóq inha asớr yớu dyôn cơt pưt hơn te inha.

Rô-ma 13:13

Cứp arnáq he táq, la cóq he táq ŏ arớq ticuoi táq tớq ntúq ang. Táq iki, he lớiq adáh ticuoi cannŏ́h hôm máh arnáq he táq. Inha êq ngoiq cha bui dŏq táq lớiq ŏ. Êq ham ngoiq crơng bol. Khán tới campái cayieq êq bíq munơi. Êq táq arnáq tanghang. Êq tarluaih. Alứng êq i-ôiq camíq.

Rô-ma 2:8

Ma bôn ticuoi bôn mít cannính ính tarmien lieh, nha-án lớiq ính peh callong piaiq. Nha-án ính peh nưm callong lớiq piaiq sớng. Yang Arbang-pilŏ́ng sáng nháih lư ada nha-án, alứng án uan lư ada nha-án.

Cô-rin-tô Mui 15:9

Cư la dyưng ati Yê-su ndon két clưi nhéq te ticuoi cannŏ́h. Cư lớiq chom imo Yang Arbang-pilŏ́ng dyôn cư táq arnáq án, co cư khoiq táq dieiq arức lư ada máh top tin án.

Cô-rin-tô Mui 3:3

co inha yôl ial cannính inha bôm. Khán inha munáq yôl i-ôiq munáq, alứng munáq tarmien ada munáq, ngki inha yôl veng cannính inha bôm muchứng ticuoi cannŏ́h tưi.

Cô-rin-tô Bar 12:20

Cư adáh ndóng cư tớq nga inha, cư lớiq sáng bui alứng inha tớq cư hôm inha táq ndái te cư ính, alứng muchứng ngki tưi inha lớiq sáng bui tớq cư táq ndái te inha ính. Cư adáh inha táq arnáq saq arớq idô: Tarluaih, munáq i-ôiq camíq munáq, chái nháih, carưop, acraiq asáh, u lớiq ŏ, cuhống, alứng chuoq rúc.

Ca-lati 5:15

Ma khán inha munáq táq munáq, arớq pannán tarcáp tartuoq, iki cóq inha me a-ŏ, dáh lơ chái lư top inha cơt rúng pít nhéq.

Ca-lati 5:26

He êq pupưt, êq tarchơiq yớu, alứng munáq êq i-ôiq camíq munáq.

Ê-phê-sô 4:2

Inha êq asớr cháq. Cóq inha bôn mít cannính lambŏt ada yớu. Cóq inha chiuq tanhir co inha amoih yớu.

Ê-phê-sô 5:21

Cóq inha munáq ial cannính munáq, co inha dyám náp Crit.

Phi-lip 2:14

Cứp arnáq inha táq, cóq inha êq nhannha-nhannhóm alứng êq tarmien.

Cô-lusê 3:12

Co Yang Arbang-pilŏ́ng amoih inha, iki án rêh inha. Án dŏq inha mmar te ticuoi cannŏ́h dyôn inha táq arnáq án sớng. Iki cóq inha ial mít cannính idô: Sruiq táq, tarchoi, lớiq pupưt, lambŏt, alứng chiuq tanhir.

Cô-lusê 3:8

Ma hoi-ndô cóq inha táh viang máh nốh idô: A-ính ngai, nháih ada ngai, ính táq ngai, acraiq ngai, alứng táq-ntêr mmuaq.

Ti-muthê Mui 6:4

Máh ticuoi ngki ính lư asớr cháq bôm, ma nha-án lớiq chom amớh tháng. Nha-án ính lư tarluaih alứng tarmien; te arnáq ngki táq dyôn munáq i-ôiq munáq, munáq tar-uan munáq, munáq acraiq munáq, munáq parngíh lớiq ŏ ada munáq,

Phi-er Mui 3:8

Ndô la parnai talloiq tháng te nhéq parnai nsuoi. Seq inha bôn mui mít cannính, munáq choi munáq, alứng munáq amoih munáq arớq em ai. Cóq inha munáq sruiq táq munáq, alứng lớiq pupưt.

Phi-er Mui 5:5

Muchớng ngki tưi, inha ndon ticuoi bánh, cóq inha ial cannính ticuoi sasai. Alứng nhéq máh inha cóq munáq êq pupưt ada munáq. Co tớq tám uráq Yang Arbang-pilŏ́ng te inớh khoiq tông idô: “Yang Arbang-pilŏ́ng catáng ticuoi pupưt, ma án choi mat ticuoi ndon asiar cháq.”