Phi-lip 1:9 - Pacoh Cado

⁹ Cư cớu máh callong ndô dyôn inha: Seq Yang Arbang-pilŏ́ng dyôn inha munáq amoih munáq cứp ingái a-ưi hơn loi. Alứng mui parrứh ngki, cư seq án dyôn inha bôn mít tubáiq alứng têq chom ngê mmo la ŏ, alứng ngê mmo lớiq ŏ,

Phi-lip 1:9 ပူးပေါင်းရင်းမြစ်များ

Cô-rin-tô Mui 14:20

Em ai ơi! Te parnai inha táq-ntêr tớq cang laq, inha êq soi ticuoi ndon parngíh arớq ngai-acái, ma cóq inha soi arớq parngíh ticuoi sasai. Ma te arnáq lớiq ŏ, ngki ŏ dyôn inha parngíh arớq ngai-acái.

Cô-rin-tô Bar 8:7

Inha chom a-ưi dyơ te máh arnáq idô: Inha tin khớm lư, inha tubáiq te arnáq cato, inha chom a-ưi te ngê Yang Arbang-pilŏ́ng, inha táq catóng níc arnáq Yang Arbang-pilŏ́ng, alứng inha amoih he. Hoi-ndô he ính inha táq pilư loi te arnáq tarchoi yớu.

Ê-phê-sô 5:17

Inha êq achơ, ma cóq inha tituaiq dyôn chom arlớih arnáq amớh Yang Arbang-pilŏ́ng ính inha táq.

Cô-lusê 1:9

Iki, te ingái he sáng parnai ngki, he cớu níc dyôn inha. He seq Yang Arbang-pilŏ́ng dyôn inha chom a-ưi hơn lư loi te máh nốh ndon Yang Arbang-pilŏ́ng sáng ính, alứng he seq dyôn inha cơt tubáiq alứng chom arlớih lư loi nhơ te Arvai Yang Arbang-pilŏ́ng choi inha.

Cô-lusê 3:10

Alứng inha khoiq ial dyơ ngê tamme. Ngê tamme ndô la Yang Arbang-pilŏ́ng pien he dyôn cơt arớq án, dŏq he têq bôn chom a-ưi lư loi te ngê án ndon khoiq teng he.

Tê-salô-naca Mui 3:12

Cư seq Ưlla he choi inha munáq amoih munáq a-ưi lư loi, alứng dyôn inha amoih nhéq máh ticuoi cannŏ́h hơ, muchứng cư amoih nhéq máh inha tưi.

Tê-salô-naca Mui 4:1

Em ai ơi! Co he át mui mít alứng Yê-su Ưlla he, ngki cư ính seq inha mui nốh loi. Cư seq inha táq pôq arớq inha khoiq rian te he dyơ, dyôn Yang Arbang-pilŏ́ng sáng bui alứng inha. Lư inha khoiq táq iki dyơ, ma cư seq inha veng ngê ngki simớt lư loi.

Tê-salô-naca Bar 1:3

Em ai ơi! Lư piaiq he si-ơn níc Yang Arbang-pilŏ́ng co nhơ inha. He ính si-ơn án co inha tin án cứp ingái rêng asớr, alứng inha munáq amoih munáq a-ưi asớr tưi.

Phi-lamôn 1:6

He bôn mui mít la co he tin Yê-su. Iki cư cớu seq Yang Arbang-pilŏ́ng dyôn mái chom arlớih te callong ŏ án ính dyôn he, co he át mui mít níc alứng Crit.

Hê-brơ 5:14

Ma ticuoi khoiq cha dôi callám, án la arớq ticuoi sasai. Án chom rêh callong ŏ alứng callong saq.

Phi-er Mui 1:22

Hoi-ndô mít cannính inha práh ŏ la co nhơ inha peh parnai piaiq, iki inha chom amoih lư nhéq top tin. Dyơ cóq inha munáq amoih munáq nhéq te mít cannính.

Phi-er Bar 3:18

Ma seq inha cơt pưt asớr tớq máh callong Yê-su Crit choi mat inha, alứng máh callong inha khoiq chom te ngê Yê-su Crit Ưlla he. Seq chức ang-ưr át níc alứng án te hoi-ndô tingôi ingái talloiq. Amen.