Phi-er Mui 4:3 - Pacoh Cado

³ Piaiq dyơ inha táq arớq ticuoi lớiq tin Yang Arbang-pilŏ́ng. Hoi nsuoi inha báq táq arnáq tanghang alứng ính lư táq arnáq lớiq ŏ. Inha ngoiq cha cuta culiaq, ham ngoiq crơng bol alứng tarpúh; alứng inha táq arnáq mmuaq co sang rup yang saq.

Phi-er Mui 4:3 ပူးပေါင်းရင်းမြစ်များ

Mac Taran Parnai Ŏ Te Yê-su Crit 7:22

láh parlưi, ham crơng, táq pla-mpla, lứp, táq tanghang, i-ôiq camíq, acraiq asáh, ính ngai ayô, alứng táq yúh yúh.

Arnáq Táq 17:30

Ma te nsuoi, Yang Arbang-pilŏ́ng me sớng nga máh ticuoi táq arnáq iki, co nha-án iyốh chom. Ma hoi-ngki, Yang Arbang-pilŏ́ng tông dyôn nhéq tưh ticuoi chom, nha-án cóq pien cơt mít tamme loi.

Rô-ma 13:13

Cứp arnáq he táq, la cóq he táq ŏ arớq ticuoi táq tớq ntúq ang. Táq iki, he lớiq adáh ticuoi cannŏ́h hôm máh arnáq he táq. Inha êq ngoiq cha bui dŏq táq lớiq ŏ. Êq ham ngoiq crơng bol. Khán tới campái cayieq êq bíq munơi. Êq táq arnáq tanghang. Êq tarluaih. Alứng êq i-ôiq camíq.

Cô-rin-tô Mui 12:2

Ndóng inha iyốh tin Yê-su, ngki ngai tardông inha sang máh rup yang saq; ma máh rup ngki lớiq bôn tumống.

Cô-rin-tô Mui 6:11

Bôn ticuoi tớq top inha táq arnáq ngki te nsuoi. Ma hoi-ndô, co nhơ Yê-su Crit Ưlla he, alứng co nhơ Arvai Yang Arbang-pilŏ́ng, iki Yang Arbang-pilŏ́ng khoiq arau mít cannính inha; án táq dyôn inha cơt mmar na án, alứng dyôn inha chom át tinớng ŏ chứng mát án.

Cô-rin-tô Bar 12:21

Cư adáh ndóng cư tớq nga inha, Yang Arbang-pilŏ́ng táq dyôn cư sáng achiet te inha, dyơ cư nhiem co bôn a-ưi náq te inha khoiq táq arnáq luaih, ma iyốh ngin luaih. Arnáq luaih ngki la idô: Táq arnáq saq, tới campái cayieq ma bíq munơi, alứng táq arnáq tanghang.

Ca-lati 5:19

Ma khán inha veng máh ngê sac sáiq, ngki inha táq idô: Tới campái cayieq ma bíq munơi. Inha ham táq-ntêr mmuaq. Inha bôn mít cannính lới lư.

Ca-lati 5:21

Inha i-ôiq camíq, ham ngoiq crơng bol, ngoiq cha bui dŏq táq lớiq ŏ, alứng táq arnáq saq cannŏ́h hơ veng cannính inha bôm. Co iki cư ính catớih dyôn inha chom arlớih lư loi idô: Ticuoi táq arnáq saq arớq iki lớiq têq bôn tumống tớq ntúq Yang Arbang-pilŏ́ng sút.

Ê-phê-sô 5:18

Inha êq bol sieu, táq rúng cháq inha bôm. Ma cóq inha dyôn Arvai Yang Arbang-pilŏ́ng cơt sút tớq mít cannính inha.

Tê-salô-naca Mui 4:5

Inha êq arváiq arcoiq ính bôn ngai arớq ticuoi iyốh tin báq táq, co nha-án iyốh chom te ngê Yang Arbang-pilŏ́ng.

Titô 3:3

Te nsuoi he la ticuoi achơ tưi. He lớiq peh, ma he cammáng níc parnai ngai tarthu. Iki he cơt arớq ticuoi sol dyôn arnáq saq, alứng sáng bui lư táq pôq tớq arnáq lớiq ŏ. He tar-uan, he i-ôiq camíq. Khán ngai a-ính he, he a-ính lieh ngai.

Phi-er Mui 1:14

Cóq inha peh A-ám inha tớq pilŏ́ng. Êq veng tapun nnáng arnáq lớiq ŏ inha báq lư táq ndóng inha iyốh chom Yang Arbang-pilŏ́ng.

Yude 1:4

Co bôn ticuoi cato inha callong lớiq piaiq. Nha-án mot clôp át carchúc alứng inha, co ính talóh callong piaiq ndon he tin. Ma nha-án lớiq cammáng Yang Arbang-pilŏ́ng. Yang Arbang-pilŏ́ng khoiq choi mat he ndóng án táh luaih dyôn he. Ma nha-án cato lớiq crái te parnai ŏ ngki alứng nha-án táq arnáq tanghang, co nha-án parngíh Yang Arbang-pilŏ́ng lớiq náp nnáng luaih nha-án. Alứng nha-án lớiq ráp Yê-su Crit Ưlla he, án ndon sút nhéq tưh ticuoi. Yang Arbang-pilŏ́ng khoiq dyôn ticuoi taran acớiq te nha-án te inớh, la Yang Arbang-pilŏ́ng khoiq pupap nha-án.