Phi-er Mui 4:15 - Pacoh Cado

¹⁵ Khán inha chiuq dieiq arức co tian inha khoiq cachet ticuoi, lớiq la titôiq, lớiq la táq arnáq saq, lớiq la chớu níc ticuoi cannŏ́h, ngki inha êq parngíh inha bôn tarnáp te arnáq dieiq arức ngki.

Phi-er Mui 4:15 ပူးပေါင်းရင်းမြစ်များ

Mathie 5:11

“Bún lư inha, tớq ticuoi cannŏ́h pandyớp inha, táq inha, alứng ton inha táq máh callong saq, co tian inha veng ngê cư.

Tê-salô-naca Mui 4:11

Cóq inha catóng át ien ŏ alứng yớu nhéq pang tumống inha. Inha êq partê te arnáq ticuoi cannŏ́h. Alứng cóq ati inha mmín táq dyôn bôn crơng tanna cha. Máh callong ndô he khoiq patáp inha te nsuoi dyơ.

Tê-salô-naca Bar 3:11

He tông iki, co he khoiq sáng dyơ ngai tông bôn ticuoi te top inha aláh táq arnáq. Nha-án pôq tudô pôq tuki ính sái ticuoi cannŏ́h sớng.

Ti-muthê Mui 5:13

Ma hơn te ngki loi la nha-án cơt ticuoi aláh, nưm ính mot dúng ndô dúng ngki alứng táq-ntêr a-ưi parnai ớq tarnáp. Alứng nha-án u yớu nha táq-ntêr a-ưi callong lớiq ŏ hơ.

Ti-muthê Bar 2:9

Co tian cư cato parnai ŏ ndô, iki cư tumúh a-ưi dieiq arức, alứng ngai chóq cư arớq ngai chóq ticuoi táq arnáq saq. Ma ngai lớiq têq chóq parnai ŏ te Yang Arbang-pilŏ́ng.

Phi-er Mui 3:14

Ma khán piaiq inha tumúh dieiq arức co tian inha táq arnáq tinớng ŏ, Yang Arbang-pilŏ́ng lư dyôn inha bôn callong bún. Inha êq adáh ticuoi alứng êq rớu-ri.

Phi-er Mui 3:17

Khán Yang Arbang-pilŏ́ng ính inha tumúh dieiq arức, ngki ŏ hơn inha chiuq dieiq arức ngki co inha táq arnáq ŏ, aláng inha chiuq dieiq arức co tian inha táq arnáq luaih.