Phi-er Mui 2:17 - Pacoh Cado

¹⁷ Cóq inha dyám náp nhéq tưh ticuoi, alứng amoih máh ticuoi tin. Cóq inha cucúh sang Yang Arbang-pilŏ́ng alứng dyám náp puo.

Phi-er Mui 2:17 ပူးပေါင်းရင်းမြစ်များ

Mathie 22:21

Nha-án ôi idô: “Puo Rô-ma.” Dyơ Yê-su tông nha-án idô: “Crơng puo Rô-ma, inha culieh lieh dyôn puo Rô-ma, alứng crơng Yang Arbang-pilŏ́ng cóq inha culieh lieh dyôn Yang Arbang-pilŏ́ng.”

Yon Taran Parnai Ŏ Te Yê-su Crit 13:35

Khán inha munáq amoih munáq, iki nhéq tưh ticuoi chom inha veng ngê cư khớm lư.”

Rô-ma 12:10

Cóq inha munáq amoih munáq arớq inha la em ai. Alứng cóq inha asớr yớu dyôn cơt pưt hơn te inha.

Rô-ma 13:7

Iki, inha cóq dyôn cứp náq bôn ráp máh nốh piaiq nha-án cóq ráp. Khán piaiq inha dyôn práq thêq, ngki inha dyôn. Khán piaiq inha dyôn crơng ngai chát, ngki inha dyôn crơng ngki. Khán piaiq inha dyám náp, ngki inha dyám náp. Khán piaiq inha ayô, ngki inha ayô.

Cô-rin-tô Bar 7:1

Iki yớu ndon he amoih lư ơi! Co he khoiq sáng máh parnai par-ưq, ngki he cóq táq dyôn cháq alứng mít he cơt práh ŏ nhéq, dŏq he têq dyám náp Yang Arbang-pilŏ́ng alứng têq cơt arớq án tưi.

Ê-phê-sô 5:21

Cóq inha munáq ial cannính munáq, co inha dyám náp Crit.

Phi-lip 2:3

Inha êq táq arnáq amớh co ính nieng-tanieng, lớiq la ính ngai ayô inha. Ma cóq inha asiar cháq, alứng náp yớu ŏ hơn te inha.

Ti-muthê Mui 6:1

Nhéq máh ticuoi sol, cóq nha-án dyám náp ưlla nha-án. Khán nha-án táq iki, ticuoi cannŏ́h lớiq têq acraiq nốh Yang Arbang-pilŏ́ng, alứng lớiq têq pamat ngê he cato.

Hê-brơ 13:1

Cóq inha munáq amoih munáq arớq em ai.

Phi-er Mui 1:22

Hoi-ndô mít cannính inha práh ŏ la co nhơ inha peh parnai piaiq, iki inha chom amoih lư nhéq top tin. Dyơ cóq inha munáq amoih munáq nhéq te mít cannính.

Phi-er Mui 2:13

Cóq inha cammáng nhéq máh ticuoi sút tớq pang ndô, co Yang Arbang-pilŏ́ng ính inha peh nha-án, díh puo ndon sút lư,

Phi-er Mui 5:5

Muchớng ngki tưi, inha ndon ticuoi bánh, cóq inha ial cannính ticuoi sasai. Alứng nhéq máh inha cóq munáq êq pupưt ada munáq. Co tớq tám uráq Yang Arbang-pilŏ́ng te inớh khoiq tông idô: “Yang Arbang-pilŏ́ng catáng ticuoi pupưt, ma án choi mat ticuoi ndon asiar cháq.”