Mathie 5:44 - Pacoh Cado

⁴⁴ Ma cư tông inha idô: Cóq inha amoih máh ticuoi picon inha, alứng cóq inha cớu dyôn ticuoi ndon táq dieiq arức inha.

Mathie 5:44 ပူးပေါင်းရင်းမြစ်များ

Luca 23:34

Dyơ Yê-su tông idô: “A-ám ơi! Seq A-ám táh luaih dyôn nha-án ndon táq cư, co nha-án lớiq chom amớh nha-án chón táq.” Dyơ máh líng mpô tampớc Yê-su na séng anhúq, nnáu bôn la thôi.

Yon Taran Parnai Ŏ Te Yê-su Crit 13:34

Hoi-ndô cư ính patáp inha mui callong tamme. Callong ndô la idô: Cư khoiq amoih inha, iki inha cóq munáq amoih munáq muchứng ngki tưi.

Arnáq Táq 16:28

Ma Phau-lô tông yứng lư idô: “Mái êq dyáq! Nhéq náq he yôl át tớq coq!”

Arnáq Táq 7:60

Iki án chóh tarcol alứng tông yứng lư idô: “Ưlla ơi! Seq inha êq náp máh luaih ndon nha-án táq ada cư hoi-ndô.” Cua án tông iki, án cuchet.

Rô-ma 12:14

Cóq inha seq Yang Arbang-pilŏ́ng táq ŏ ada ticuoi picon inha. Inha êq pupap nha-án.

Tê-salô-naca Mui 5:15

Inha munáq êq carlieh dơq ada munáq. Ma cóq inha sisuo munáq táq ŏ ada munáq, alứng táq ŏ níc ada cứp náq ticuoi.

Phi-er Mui 2:23

Tớq ngai ayê tar-ac án, án lớiq ôi lieh. Tớq ngai táq án, án lớiq cannốh amớh. Ma nưm án mŏp nga Yang Arbang-pilŏ́ng ndon tarsưq crái lư dyôn nhéq tưh ticuoi.

Phi-er Mui 3:9

Khán ngai táq, lớiq la tông lớiq ŏ ada inha, inha êq carlieh dơq; ma cóq inha tông callong bún dyôn ticuoi ngki, co Yang Arbang-pilŏ́ng khoiq arô inha, alứng sŏ́ng tốq callong bún dyôn inha.