Mathie 15:17 - Pacoh Cado

¹⁷ Inha nnáng iyốh hôm sa lớiq? Crơng tanna mot tớq ngcang, lôn nga pallúng, dyơ ngốh na parlôiq.

Mathie 15:17 ပူးပေါင်းရင်းမြစ်များ

Mathie 15:16

Yê-su plốh nha-án idô: “Imo inha nnáng iyốh apúh sa?

Mathie 15:18

Ma parnai saq ndon ngốh te ngcang, parnai ngki tớq te mít cannính alứng táq dyôn ticuoi cơt lớiq práh veng rit.

Mac Taran Parnai Ŏ Te Yê-su Crit 7:19

Co crơng ngki lớiq bôn mot tớq mít, ma mot tớq pallúng sớng, dyơ ngốh na pannôq.” Yê-su tông iki dŏq dyôn ticuoi chom cứp nốh tanna la práh veng rit.

Luca 6:45

Ticuoi partát ŏ bôn ngê ŏ tớq mít cannính án. Iki arnáq ŏ ngốh te mít án. Ma ticuoi lới, bôn ngê saq tớq mít cannính án. Iki arnáq saq ngốh te mít cannính án. Ngê amớh bôn tớq mít cannính ticuoi, ngcang ticuoi lư táq-ntêr ngê ngki.”

Cô-rin-tô Mui 6:13

Yang Arbang-pilŏ́ng khoiq teng pallúng ien dŏq crơng tanna. Alứng án teng crơng tanna ien dŏq tớq pallúng. Ma urớh, án ính pupít bar nốh ngki. Muchứng ngki tưi, án teng cháq ticuoi, án lớiq dyôn ticuoi tới campái cayieq ma bíq munơi. Ma án teng cháq ticuoi dŏq dyôn án, alứng án táp teng crơng ŏ dyôn cháq ticuoi.

Yacơ 3:6

Ntaq ticuoi la muchứng uih chéh tưi. Ntaq he táq arnáq saq hơn te nhéq nốh cannŏ́h tớq cháq he. Khán ntaq he lái callong saq, nhéq cháq he cơt saq tưi. Callong ngki la arớq uih chéh ngốh te ntúq uih chéh níc-níc.