Mathie 13:55 - Pacoh Cado

⁵⁵ Lư lớiq, án la acái ticuoi thơq táq pan? Lư lớiq, Mari la a-i án, alứng Yacơ, Yô-sê, Si-môn, nha Yudê la a-em conh án?

Mathie 13:55 ပူးပေါင်းရင်းမြစ်များ

Mathie 27:56

Tớq top cán ngki bôn Mari te vel Mac-dala, Mari a-i Yacơ nha Yô-sê, alứng a-i bar náq acái conh Sê-badê.

Mac Taran Parnai Ŏ Te Yê-su Crit 15:40

Bôn top cán át yông-yông me nga tuki. Tớq top cán ngki bôn Mari te vel Mac-dala, Salô-mê, alứng Mari a-i Yacơ Két nha Yô-sê.

Mac Taran Parnai Ŏ Te Yê-su Crit 15:47

Mari te vel Mac-dala alứng Mari a-i Yô-sê, hôm ntúq ngai dŏq cumuiq Yê-su.

Mac Taran Parnai Ŏ Te Yê-su Crit 6:3

Alứng nha-án tông loi: “Lư ma lớiq, án la thơq táq pan, acái Mari? Lư ma lớiq án la ai Yacơ, Yuda, alứng Si-môn? Lư ma lớiq, a-em cán án át alứng he?” Nha-án pamat Yê-su co nha-án sáng lớiq êm te parnai án cato iki.

Luca 1:27

Capriel dông parnai Yang Arbang-pilŏ́ng nga munáq cumor plŏt, nốh Mari. A-i a-ám án khoiq par-ưq dyôn án tar-ial alứng munáq conh, nốh Yô-sep. Yô-sep la te tŏ́ng toiq Davit, puo ticuoi Isa-ra-el te inớh.

Luca 24:10

Máh cán ndon táq-ntêr máh nốh ngki dyôn top dyưng ati Yê-su chom, la Mari te vel Mac-dala, Yô-ana, Mari a-i Yacơ, alứng máh cán cannŏ́h ndon pôq alứng nha-án.

Luca 3:23

Ndóng Yê-su tabớq táq arnáq án bôm, anhúq án sám pe chít cumo. Veng ngê ticuoi, án la acái conh Yô-sep. Yô-sep la acái conh He-li.

Luca 4:22

Dyơ máh ticuoi táq-ntêr ŏ te Yê-su, alứng nha-án sáng dut lư máh parnai án tông êm ŏ lư. Nha-án munáq plốh munáq idô: “Ticuoi ndô la acái conh Yô-sep, lớiq?”

Luca 8:20

Bôn ticuoi tớq tông Yê-su idô: “A-i alứng a-em conh thới át culái tieh ính tumúh thới.”

Yon Taran Parnai Ŏ Te Yê-su Crit 19:25

Máh cán ndon tayứng tumán along calláng Yê-su, la a-i Yê-su, i-két Yê-su, Mari campái Clô-ba, alứng Mari te vel Mac-dala.

Yon Taran Parnai Ŏ Te Yê-su Crit 6:42

Top Isa-ra-el tông idô: “Lư ma lớiq, ticuoi ndô la Yê-su, acái Yô-sep? He chom a-i a-ám án. Imo têq án tông án siar te pilŏ́ng?”

Yon Taran Parnai Ŏ Te Yê-su Crit 9:29

He chom Yang Arbang-pilŏ́ng khoiq tông na Môi-se. Ma ticuoi ngki he lớiq chom te mmo án tớq.”

Ca-lati 1:19

Ma top dyưng ati Yê-su ndon ticuoi cannŏ́h, ngki cư lớiq bôn tumúh. Ma cư tumúh nưm Yacơ, a-em Ưlla he sớng.

Yude 1:1

Cư Yude taran parnai alang ndô cơiq alang inha. Cư la ticuoi táq arnáq Yê-su Crit. Cư la a-em conh Yacơ. Cư taran parnai alang nga inha ndon Yang Arbang-pilŏ́ng khoiq rêh dyôn cơt acái acon án. Yang Arbang-pilŏ́ng A-ám he, amoih lư inha. Alứng Yê-su Crit kiaq me níc inha.