Mathie 13:33 - Pacoh Cado

³³ Yê-su cato nha-án mui parnai acám loi idô: “Yang Arbang-pilŏ́ng cơt sút la arớq bôt táq dyôn beng mi cơt pôih. Bôn ticuoi cán ial mubiq bôt pôih cacháq tớq bôt mi a-ưi tớq adéh púng, alứng án cacháq dơq nha crơng cannŏ́h hơ; cua ngki án cuvír. Dyơ crơng ndon khoiq carchúc ngki cơt pôih nhéq.”

Mathie 13:33 ပူးပေါင်းရင်းမြစ်များ

Mathie 13:24

Yê-su cato nha-án tớq parnai acám loi idô: “Yang Arbang-pilŏ́ng cơt sút la arớq munáq conh chớt sro chong ŏ tớq pidái.

Mac Taran Parnai Ŏ Te Yê-su Crit 13:20

Khán Yang Arbang-pilŏ́ng lớiq aroiq lieh máh ingái ngki, lư lớiq bôn ngai têq tumống nnáng. Ma co án ính choi máh ticuoi ndon án khoiq rêh, iki án aroiq lieh máh ingái ngki.

Luca 13:21

Sút ngki la arớq bôt pôih. Bôn ticuoi cán ial mubiq bôt pôih cacháq tớq bôt mi a-ưi tớq adéh púng, alứng án cacháq dơq nha crơng cannŏ́h hơ; cua ngki án cuvír. Dyơ crơng ndon khoiq carchúc ngki cơt pôih nhéq.”

Yon Taran Parnai Ŏ Te Yê-su Crit 15:2

Abeng mmo lớiq cơt culái, án cớl táh abeng ngki. Alứng abeng mmo cơt culái, án asa dyôn práh. Iki abeng ngki cơt culái a-ưi lư loi.

Ca-lati 5:9

Báq ngai tông idô: “Khán ial biq bôt pôih cacháq tớq bôt mi, dyơ bôt pôih ngki táq dyôn nhéq máh crơng ndon khoiq carchúc cơt pôih nhéq.”

Phi-lip 1:6

Iki, cư chom arlớih, Yang Arbang-pilŏ́ng ndon tabớq táq arnáq ŏ ndô tớq mít cannính inha, lư án táq níc tingôi cua arnáq ngki tớq ingái Yê-su Crit tớq lieh nga cúc cuteq ndô.

Phi-lip 1:9

Cư cớu máh callong ndô dyôn inha: Seq Yang Arbang-pilŏ́ng dyôn inha munáq amoih munáq cứp ingái a-ưi hơn loi. Alứng mui parrứh ngki, cư seq án dyôn inha bôn mít tubáiq alứng têq chom ngê mmo la ŏ, alứng ngê mmo lớiq ŏ,

Phi-er Bar 3:18

Ma seq inha cơt pưt asớr tớq máh callong Yê-su Crit choi mat inha, alứng máh callong inha khoiq chom te ngê Yê-su Crit Ưlla he. Seq chức ang-ưr át níc alứng án te hoi-ndô tingôi ingái talloiq. Amen.