Luca 8:2 - Pacoh Cado

² Alứng bôn máh cán hơ pôq alứng Yê-su. Te máh cán ngki bôn cán ndon yang saq piyúh, ma Yê-su khoiq chuih angốh, alứng bôn cán ndon Yê-su táq bánh te a-ưi nốh a-ái. Nốh máh cán ngki la idô: Mui la Mari te vel Mac-dala, án ndon bôn tupul lám yang saq khoiq ngốh te cháq án.

Luca 8:2 ပူးပေါင်းရင်းမြစ်များ

Mathie 4:24

Máh arnáq Yê-su táq cơt parhanh cứp ntúq tớq cruong Si-ri. Alứng ngai dông nga án nhéq máh ticuoi ndon bôn a-ưi nốh a-ái, idô: A-ái ntróq, yang saq piyúh, a-ái yúh kisong, alứng a-ái cớng cháq. Yê-su táq bánh nhéq máh ticuoi a-ái ngki.

Mac Taran Parnai Ŏ Te Yê-su Crit 16:1

Vít ingái angô, Mari te vel Mac-dala, Mari a-i Yacơ alứng Salô-mê, dông crơng thum ính cacháq tớq cumuiq Yê-su.

Mac Taran Parnai Ŏ Te Yê-su Crit 16:9

Ingái mui tớq tún ngki, Yê-su yôr tumống lieh te cuchet. Iláih ngki yôl cláih lư, án pôq apáh cháq án dyôn Mari te vel Mac-dala hôm. Mari la ticuoi ndon án khoiq chuih angốh tupul náq yang saq te nsuoi.

Luca 23:27

Bôn clứng lư ticuoi veng Yê-su, bôn díh cán hơ, alứng nha-án nhiem atíh.

Luca 23:49

Máh ticuoi arcớl Yê-su, alứng máh cán ndon veng án te vúng Ca-lilê, nha-án át yông-yông me clang máh arnáq ngai táq ada án.

Luca 23:55

Máh cán ndon veng Yê-su te vúng Ca-lilê pôq tapun Yô-sep, alứng me ping Yê-su. Nha-án hôm ngai dŏq cumuiq Yê-su tớq ping.

Luca 8:30

Yê-su plốh ticuoi ngki idô: “Amớh nốh mái?” Án ôi: “Nốh he la Pớl.” Án tông iki, co bôn a-ưi lư yang saq át tớq cháq án.

Yon Taran Parnai Ŏ Te Yê-su Crit 19:25

Máh cán ndon tayứng tumán along calláng Yê-su, la a-i Yê-su, i-két Yê-su, Mari campái Clô-ba, alứng Mari te vel Mac-dala.

Arnáq Táq 1:14

Nhéq náq nha-án báq rum alứng sŏ́ng cớu mui mít mui cannính tớq ntúq ngki. Bôn máh ticuoi cán, díh Mari a-i Yê-su, alứng máh a-em conh Yê-su hơ át rum ngki.