Luca 18:20 - Pacoh Cado

²⁰ Mái chom dyơ máh callong Yang Arbang-pilŏ́ng patáp idô: Êq láh parlưi; êq cachet ticuoi; êq titôiq; êq táq-ntêr a-uai; alứng cóq dyám náp a-i a-ám.”

Luca 18:20 ပူးပေါင်းရင်းမြစ်များ

Luca 18:19

Yê-su plốh lieh án: “Imo mái dŏq cư ŏ? Nưm Yang Arbang-pilŏ́ng táp ŏ.

Luca 18:21

Ticuoi ngki tông idô: “Cứp callong patáp ngki cư khoiq peh te ndóng cư yôl cháh-cucháh.”

Rô-ma 13:9

Yang Arbang-pilŏ́ng khoiq patáp idô: “Êq láh parlưi. Êq cachet ticuoi. Êq titôiq. Êq ham crơng.” Máh callong patáp ndô, alứng máh callong cannŏ́h hơ ndon Yang Arbang-pilŏ́ng khoiq patáp, lư cơt mui callong sớng. Khán he peh callong patáp ndô, he lư peh cứp callong patáp cannŏ́h hơ. Callong patáp pưt clưi nhéq te cannŏ́h la idô: Cóq inha amoih yớu arớq inha amoih cháq inha bôm.

Rô-ma 3:20

Iki, lớiq bôn ngai têq tông án cơt tinớng ŏ chứng mát Yang Arbang-pilŏ́ng co nhơ án peh phep rit Môi-se. Lư Yang Arbang-pilŏ́ng dyôn phep rit ngki nga nhéq tưh ticuoi, dyôn nha-án chom nha-án bôn luaih.

Ê-phê-sô 6:2

Yang Arbang-pilŏ́ng patáp te inớh idô: “Cóq inha dyám náp a-i a-ám inha.” Callong patáp ndô la tôm lư ndon Yang Arbang-pilŏ́ng sŏ́ng dyôn callong bún. Án tông idô:

Cô-lusê 3:20

Máh inha ndon acái acon, cóq inha peh láih parnai a-i a-ám inha, co arnáq ndô táq dyôn bui cannính Yang Arbang-pilŏ́ng.