Luca 12:4 - Pacoh Cado

⁴ “Inha la yớu cư. Cư tông inha arlớih lư idô: Êq adáh ticuoi ndon têq cachet cháq inha, ma vít nha-án cachet inha, nha-án lớiq têq táq amớh ada arvai inha.

Luca 12:4 ပူးပေါင်းရင်းမြစ်များ

Mathie 10:28

Inha êq adáh ticuoi ndon têq cachet nưm cháq inha, ma arvai inha, nha-án lớiq têq cachet. Ma cóq inha adáh nưm Yang Arbang-pilŏ́ng sớng, co Yang Arbang-pilŏ́ng têq cachet cháq inha, alứng arvai inha, díh têq án apŏ́ng tớq ntúq uih chéh níc-níc.

Yon Taran Parnai Ŏ Te Yê-su Crit 15:13

Callong amoih pưt clưi nhéq te cannŏ́h, la bôn munáq mŏp tarngứh án dŏq choi yớu án.

Arnáq Táq 20:24

Ma máh arnáq ngki cư lớiq sáng adáh amớh. Tam tarngứh cư pít la dyơ. Ma cư ính táq dyôn cua nhéq máh arnáq Yê-su Ưlla he yua cư táq. Arnáq ndô la cato parnai ŏ te Yang Arbang-pilŏ́ng choi mat.

Arnáq Táq 4:13

Máh ticuoi sút ngki sáng dut lư te parnai Phi-er alứng Yon cato clŏ́q lư, co nha-án chom bar náq ndô la ticuoi prái mat sớng, alứng lớiq bôn rian a-ưi. Ma bar náq ndô cơi át alứng Yê-su.

Phi-lip 1:28

Inha êq adáh máh ticuoi ính táq inha. Khán inha lớiq adáh ticuoi ính táq inha, ndô la tíc dyôn nha-án chom urớh Yang Arbang-pilŏ́ng lư pupít nha-án, alứng án dyôn inha tumống níc-níc.

Yacơ 2:23

Iki cơt tarvớiq tớq tám uráq Yang Arbang-pilŏ́ng khoiq tông te A-praham te inớh idô: “A-praham tin Yang Arbang-pilŏ́ng, iki Yang Arbang-pilŏ́ng náp A-praham la ticuoi tinớng ŏ chứng mát án.” Alứng ngai dŏq A-praham la yớu Yang Arbang-pilŏ́ng.

Phi-er Mui 3:14

Ma khán piaiq inha tumúh dieiq arức co tian inha táq arnáq tinớng ŏ, Yang Arbang-pilŏ́ng lư dyôn inha bôn callong bún. Inha êq adáh ticuoi alứng êq rớu-ri.

Apáh Baih 2:10

Inha êq adáh te máh nốh dieiq arức ndon ính tớq nga inha chô-mát. Urớh yang Satán yua ngai crál inha tớq coq tôt dŏq chim inha. Ma inha chiuq dieiq arức ngki nưm mui chít ingái. Cóq inha tin dyôn khớm, dyơ cư lư dyôn inha bôn cống têq tumống níc-níc.