Luca 12:31 - Pacoh Cado

³¹ Ma cóq inha suo dyôn Yang Arbang-pilŏ́ng cơt sút tớq mít cannính inha. Khán iki, án lư dyôn inha bôn máh nốh ngki hơ.

Luca 12:31 ပူးပေါင်းရင်းမြစ်များ

Mathie 6:33

Nsuoi lư, cóq inha suo dyôn Yang Arbang-pilŏ́ng cơt sút tớq mít cannính inha, alứng suo ngê tinớng ŏ te án. Dyơ án lư dyôn inha bôn máh nốh ngki.

Luca 10:42

Ma bôn mui nốh sớng cóq mái rêh. Mari khoiq rêh dyơ nốh ngki, alứng nốh ngki lớiq bôn ngai têq ial te án.”

Luca 12:30

Máh nốh ndô ticuoi ndon lớiq chom Yang Arbang-pilŏ́ng báq rớu-ri. Ma A-ám inha tớq pilŏ́ng chom dyơ, inha cóq bôn máh nốh ngki.

Yon Taran Parnai Ŏ Te Yê-su Crit 6:27

Inha êq táq arnáq dŏq sisuo crơng tanna tớq pang ndô sớng. Co tanna ndô cơt nsốq. Ma cóq inha sisuo tanna dyôn inha têq bôn tumống níc-níc. Tanna ndô, Acái Yang Cơt Ticuoi táp têq dyôn inha bôn, co Yang Arbang-pilŏ́ng, A-ám án, khoiq dyôn án bôn chức táq arnáq iki.”

Rô-ma 8:31

Imo he ính tông te arnáq ndô? Khán Yang Arbang-pilŏ́ng khoiq choi he iki, lư lớiq bôn ngai têq táq amớh ada he.

Ti-muthê Mui 4:8

Khán he patot cháq he rian dyôn cơt bánh rêng, arnáq ndô bôn tarnáp biq. Ma khán he patot cháq he bôm rian te ngê Yang Arbang-pilŏ́ng dyôn têq tin khớm lư loi, arnáq ndô la bôn tarnáp lư dyôn pang tumống hoi-ndô alứng pang tatun hơ.

Hê-brơ 13:5

Tớq pang tumống inha, inha êq ham tien práq. Ma cóq inha sáng bui cannính te máh crơng inha bôn, co Yang Arbang-pilŏ́ng khoiq tông idô: “Cư lớiq bôn táh inha lớiq la át yông te inha.”