Luca 10:27 - Pacoh Cado

²⁷ Ticuoi ngki ôi idô: “Parnai Yang Arbang-pilŏ́ng tông idô: ‘Cóq inha amoih Yang Arbang-pilŏ́ng Ưlla inha, nhéq te mít cannính, nhéq te rêng, alứng nhéq te parngíh inha.’ Alứng án tông loi idô: ‘Cóq inha amoih yớu muchứng inha amoih cháq inha bôm.’”

Luca 10:27 ပူးပေါင်းရင်းမြစ်များ

Mathie 19:19

cóq dyám náp a-i a-ám; alứng cóq amoih yớu muchứng mái amoih cháq mái bôm.”

Luca 10:26

Yê-su ôi idô: “Amớh ngai khoiq taran tớq phep rit Yang Arbang-pilŏ́ng? Tớq inha dŏc, amớh inha sáng te parnai ngki?”

Rô-ma 13:9

Yang Arbang-pilŏ́ng khoiq patáp idô: “Êq láh parlưi. Êq cachet ticuoi. Êq titôiq. Êq ham crơng.” Máh callong patáp ndô, alứng máh callong cannŏ́h hơ ndon Yang Arbang-pilŏ́ng khoiq patáp, lư cơt mui callong sớng. Khán he peh callong patáp ndô, he lư peh cứp callong patáp cannŏ́h hơ. Callong patáp pưt clưi nhéq te cannŏ́h la idô: Cóq inha amoih yớu arớq inha amoih cháq inha bôm.

Ca-lati 5:13

Em ai ơi! Inha la ticuoi ndon Yang Arbang-pilŏ́ng khoiq taláh dyơ. Ma inha êq parngíh co inha khoiq cláh, dyơ têq inha ial cannính inha bôm dŏq táq veng sac sáiq inha ính. Piaiq lư la inha munáq amoih munáq, munáq choi munáq.

Hê-brơ 8:10

Tatun ndô cư ính carhŏt ada ticuoi Isa-ra-el idô: Cư ính dŏq máh phep rit cư tớq cannính nha-án, alứng cư ính taran máh phep rit cư tớq mít nha-án. Cư cơt Yang Arbang-pilŏ́ng nha-án, alứng nha-án cơt ticuoi prái cư.

Yacơ 2:8

Tớq tám uráq Yang Arbang-pilŏ́ng bôn callong patáp pưt lư, la idô: “Cóq inha amoih yớu muchứng inha amoih cháq inha bôm.” Khán inha peh callong patáp ndô, inha lư táq piaiq.

Yon Mui 3:18

Acái amon ơi, khán he amoih yớu, cóq he êq amoih nưm tớq ngcang sớng. Ma cóq he amoih yớu nhéq te mít cannính, alứng cóq he táq dyôn ticuoi cannŏ́h chom he lư amoih.