Yon Taran Parnai Ŏ Te Yê-su Crit 15:9 - Pacoh Cado

⁹ “Cư amoih inha muchứng A-ám cư amoih cư. Cóq inha cadyiq níc callong amoih te cư.

Yon Taran Parnai Ŏ Te Yê-su Crit 15:9 ပူးပေါင်းရင်းမြစ်များ

Yon Taran Parnai Ŏ Te Yê-su Crit 15:11

“Cư khoiq cato inha dyơ te máh nốh ndô, dyơ cư têq dyôn callong bui át tớq mít inha, alứng dyôn inha bôn máng callong bui sớng.

Yon Taran Parnai Ŏ Te Yê-su Crit 15:13

Callong amoih pưt clưi nhéq te cannŏ́h, la bôn munáq mŏp tarngứh án dŏq choi yớu án.

Yon Taran Parnai Ŏ Te Yê-su Crit 17:26

Cư khoiq cato nha-án dyôn chom mái tưi. Alứng te ndô tớq chô-mát, cư ính cato loi callong ndô dyôn mái têq amoih nha-án muchứng mái amoih cư, alứng dyôn cư têq át mui mít níc alứng nha-án.”

Yon Taran Parnai Ŏ Te Yê-su Crit 3:35

A-ám amoih Acái, alứng án mŏp túc nốh dyôn Acái án cơt sút.

Ê-phê-sô 3:18

Crit amoih lư he, lớiq bôn amớh rap tali nnáng. Ma cư ính inha alứng nhéq tưh ticuoi ndon tin Yê-su chom arlớih máh-mmo pơh, máh-mmo toiq, máh-mmo ayống, alứng máh-mmo sru callong amoih te Crit. Cư ính inha bôn pớnh clưi cliai te nốh ngki, dŏq inha veng nưm ngê Yang Arbang-pilŏ́ng nhéq te tarngứh tarhơ.

Yon Mui 2:28

Dyơ hoi-ndô, acái amon cư ơi, cóq inha át níc mui mít alứng Yê-su, dŏq he dáh tayứng clŏ́q lư alứng lớiq sáng achiet amớh tớq ingái Yê-su siar lieh nga cúc cuteq ndô.

Yude 1:20

Yớu ơi! Inha êq táq arớq ticuoi ngki. Máh callong inha khoiq tin la lư ŏ, co callong ngki tớq te Yang Arbang-pilŏ́ng. Ma cóq inha suo níc carna dyôn mít cannính inha tin khám lư loi. Ndóng inha cớu, cóq inha cớu seq dyôn Arvai Yang Arbang-pilŏ́ng choi inha chom cớu.

Apáh Baih 1:5

Alứng Yê-su Crit la án ndon cato piaiq lư; án bôn tumống lieh te cuchet nsuoi nhéq tưh ticuoi; alứng án cơt sút nhéq tưh puo tớq cúc cuteq ndô. Án amoih lư he, alứng nhơ te aham án ngốh án taláh he te cơt sol ngê saq.