Yon Taran Parnai Ŏ Te Yê-su Crit 15:7 - Pacoh Cado

⁷ Khán inha át níc mui mít alứng cư, alứng parnai cư át níc tớq mít inha, callong amớh inha seq, lư inha bôn callong ngki.

Yon Taran Parnai Ŏ Te Yê-su Crit 15:7 ပူးပေါင်းရင်းမြစ်များ

Mathie 7:7

“Khán inha seq, ngki inha bôn. Khán inha suo, ngki inha tumúh. Khán inha acóh callống, ngki ngai pốh dyôn.

Yon Taran Parnai Ŏ Te Yê-su Crit 14:13

Callong amớh inha seq nhơ nốh cư, cư lư dyôn inha bôn callong ngki. Cư táq iki ính ngai ayô chức ang-ưr A-ám tớq pilŏ́ng nhơ te Acái án.

Yon Taran Parnai Ŏ Te Yê-su Crit 15:16

Inha lớiq bôn rêh cư, ma cư rêh inha, alứng cư chóh inha dyôn cơt culái, culái ngki plŏt ŏ níc. Iki callong amớh inha seq te A-ám nhơ nốh cư, A-ám cư lư dyôn inha bôn callong ngki.

Yon Taran Parnai Ŏ Te Yê-su Crit 16:23

Tớq ingái ngki, inha lớiq plốh mui callong amớh nnáng te cư. Cư tông inha arlớih lư, A-ám cư dyôn inha bôn callong amớh inha seq nhơ nốh cư.

Yon Taran Parnai Ŏ Te Yê-su Crit 8:31

Yê-su cato ticuoi Isa-ra-el ndon khoiq tin án idô: “Khán inha cammáng parnai cư pasoi, inha lư cơt ticuoi veng tapun cư.

Yon Taran Parnai Ŏ Te Yê-su Crit 8:37

Cư chom inha te tŏ́ng toiq A-praham. Ma inha nnáng ính cachet cư, co inha lớiq ính cammáng parnai cư.

Ca-lati 4:2

Ma bôn ticuoi parléh níc án, alứng kiaq me máh mun án tingôi ingái a-ám án khoiq anát dyôn án têq cơt ưlla máh mun ngki.

Ca-lati 5:16

Iki cư yua inha idô: Cóq inha veng nưm ngê Arvai Yang Arbang-pilŏ́ng sớng. Táq iki, inha lớiq veng nnáng sac sáiq inha ính.

Cô-lusê 3:16

Cóq inha dyôn parnai Crit cơt khớm lư tớq mít cannính inha, dŏq inha cơt tubáiq, dyơ têq munáq catớih munáq, munáq dyŏq munáq. Cóq inha cứh máh alhoiq ayô Yang Arbang-pilŏ́ng lớiq la cato te ngê án. Alứng tớq inha cứh, cóq inha bôn mít cannính si-ơn án.

Yon Mui 2:14

Cư taran parnai ndô dyôn inha ndon yôl ngai-acái, co inha khoiq chom dyơ A-ám tớq pilŏ́ng. Cư taran parnai ndô dyôn máh ticuoi a-ám, co inha khoiq chom Yê-su án ndon át alứng Yang Arbang-pilŏ́ng te Yang Arbang-pilŏ́ng iyốh teng pilŏ́ng cuteq. Cư taran parnai ndô dyôn inha ndon yôl bánh, co inha la ticuoi bánh rêng, alứng parnai Yang Arbang-pilŏ́ng át níc tớq mít cannính inha; inha khoiq chíl rap dyơ yang Satán.

Yon Mui 2:27

Ma Yang Arbang-pilŏ́ng khoiq dyôn inha bôn Arvai án át tớq mít cannính inha. Co inha bôn Arvai án, iki inha lớiq túh ngai tông inha ngê mmo piaiq alứng ngê mmo lớiq piaiq. Lư simớt Arvai án táp tông inha te nhéq máh nốh ngki. Alứng máh parnai án tông dyôn inha chom la piaiq nhéq; án lớiq bôn tông inha mui callong tarphíq. Cóq inha peh nhéq máh parnai Arvai án tông inha; iki inha cơt mui mít alứng Yê-su Crit.

Yon Mui 3:22

Nốh amớh he seq te Yang Arbang-pilŏ́ng, án lư dyôn he bôn nốh ngki, co he peh máh parnai án patáp, alứng he táq máh arnáq án ính he táq.

Yon Mui 5:14

Khán bôn nốh amớh he ính seq te Yang Arbang-pilŏ́ng, he lớiq sáng adáh ndóng he seq te án, co he chom khán he seq nốh amớh veng cannính án, lư án cammáng he.