Cô-lusê 4:6 - Pacoh Cado

⁶ Cóq inha táq-ntêr êm parnai, arớq arváih khoiq ngai cacháq boi, dŏq têq inha chom callong mmo ŏ dyôn inha ôi máh ticuoi cannŏ́h.

Cô-lusê 4:6 ပူးပေါင်းရင်းမြစ်များ

Mathie 5:13

“Inha la arớq boi dyôn máh ticuoi tớq cúc cuteq ndô. Ma khán boi cơt atieh, táq imo dyôn boi ngki têq cơt báq lieh? Lư lớiq têq táq amớh nnáng. Ngai adúh boi ngki tớq cuteq dyôn ticuoi dếq.

Mac Taran Parnai Ŏ Te Yê-su Crit 9:50

Boi la crơng ŏ, ma khán boi cơt atieh, iki imo têq táq dyôn boi ngki cơt báq lieh? Cóq inha táq arnáq ŏ arớq boi; cóq munáq át ŏ ada munáq.”

Luca 4:22

Dyơ máh ticuoi táq-ntêr ŏ te Yê-su, alứng nha-án sáng dut lư máh parnai án tông êm ŏ lư. Nha-án munáq plốh munáq idô: “Ticuoi ndô la acái conh Yô-sep, lớiq?”

Ê-phê-sô 4:29

Êq dyôn parnai saq ngốh te ngcang inha. Ma cóq inha táq-ntêr nưm parnai ŏ dŏq choi yớu, alứng parnai cơt tarnáp dyôn ticuoi ndon cammáng.

Cô-lusê 3:16

Cóq inha dyôn parnai Crit cơt khớm lư tớq mít cannính inha, dŏq inha cơt tubáiq, dyơ têq munáq catớih munáq, munáq dyŏq munáq. Cóq inha cứh máh alhoiq ayô Yang Arbang-pilŏ́ng lớiq la cato te ngê án. Alứng tớq inha cứh, cóq inha bôn mít cannính si-ơn án.

Phi-er Mui 3:15

Ma cóq inha dyám náp Yê-su Crit tớq mít cannính inha, alứng dyôn án cơt Ưlla inha. Cóq inha parngíh nsuoi te parnai amớh inha ính ôi, khán ngai plốh te nốh inha át ngcong te Yang Arbang-pilŏ́ng.