Apáh Baih 1:3 - Pacoh Cado

³ Bún lư ticuoi mmo dŏc, cammáng, alứng peh ial máh parnai Yang Arbang-pilŏ́ng khoiq tông acớiq, arớq cư khoiq taran tớq pứng uráq ndô. Lư simớt, máh arnáq ndô tumán ính tớq dyơ.

Apáh Baih 1:3 ပူးပေါင်းရင်းမြစ်များ

Mathie 24:15

“Urớh inha hôm máh nốh ndon Daniel la ticuoi tang ngcang Yang Arbang-pilŏ́ng khoiq tông te inớh. Daniel tông acớiq, la bôn ticuoi dông dŏq crơng prớq nga Dúng Sang Pưt ndon Yang Arbang-pilŏ́ng lớiq ính me. (Ticuoi mmo dŏc parnai ndô, cóq parngíh dyôn simớt.)

Luca 11:28

Ma Yê-su ôi án idô: “Callong ngki la piaiq tưi, ma bún hơn te ngki loi la ticuoi ndon cammáng alứng peh parnai Yang Arbang-pilŏ́ng!”

Rô-ma 13:11

Cóq he catóng táq arnáq ngki, co he chom tumán ính tớq ingái Yê-su dyôn he ngốh te cuteq ndô. Co ingái ngki tumán hơn te ingái he tamme tin. Iki, cóq he át téng-béng níc ngcong ingái ngki.

Rô-ma 13:12

Êq táq nnáng arnáq tớq pang ndô. Arnáq ngki la arớq ngai táq tớq idáu. Ma hoi-ndô tumán ính tớq ingái Yê-su tớq lieh nga cúc cuteq ndô. Ndô la arớq tumán ang iláih. Iki, cóq he táh nhéq máh arnáq ngai báq táq tớq ntúq ngiau. He táq máh arnáq Yang Arbang-pilŏ́ng dyôn he táq sớng. Arnáq ngki la arớq he ial tớc crơng pla ndon ngai báq tớc tớq ntúq ang.

Phi-er Mui 4:7

Tumán ính tớq dyơ ingái talloiq. Iki cóq inha bán ŏ mít cannính inha. Alứng cóq inha tituaiq níc máh nốh ndon tớq nga inha, dyôn têq inha cớu seq te Yang Arbang-pilŏ́ng.

Phi-er Bar 3:8

Ma em ai ơi, inha êq clớiq mui nốh ndô: Yang Arbang-pilŏ́ng náp mui ingái la muchứng mui ngin cumo, alứng mui ngin cumo la muchứng mui ingái.

Apáh Baih 22:10

Dyơ tarneng ngki tông cư idô: “Mái êq catốq máh parnai ndon tông acớiq tớq chớiq panial ndô, co tumán ính tớq máh nốh ngki.

Apáh Baih 22:12

Alứng Yê-su tông loi idô: “Cammáng! Lớiq dưnh nnáng cư tớq! Ndóng cư tớq, cư dông cống dyôn cứp náq ticuoi veng lieh máh arnáq nha-án khoiq táq.

Apáh Baih 22:20

Yê-su án ndon tông dyôn cư chom te máh nốh ndô, án tông idô: “Lư simớt! Lớiq dưnh nnáng cư tớq!” Amen! Seq inha tớq chái Ưlla Yê-su ơi!

Apáh Baih 3:11

Lớiq dưnh nnáng, cư lư tớq. Cóq inha capol dyôn khớm máh nốh inha khoiq bôn, dŏq lớiq bôn nnáu têq tardông inha táh nốh ngki. Khán inha táh nốh ngki, urớh inha ớq bôn ráp cống.