Yʉ̂d 1:3 - Kálara Zyɛ̌m Edwán é mpʉ̌n

³ Obɨɔ o kpɛl bam aa! Me a taare bee ó, sa ndɨ ekʉ jala ɛ, yé a be ó, me tila bɨn é lɔb tiʼ molu mo mpoʼ mɨmɛh, e mpʉ bɨna bé a bi ga tiʼ yaa mbi ngwar ɨ. No ó, me a ze bee ó, me ófuo ka tile bɨn ó, bɨn lwimla dɔm. Dɔm laa, lé ó, bɨna kamla ga e buʼo ga yina, yé diʼe mpʉ Zyɛm a bɛa ntɨh mɨsaŋ mɨ bʉr be ya ɛ.

Kálar Nzyɛ̌m : Ejwán é Sáá

³ Bʉr ó kpɛ̌l bâm, léme, wé á nyɛɛ be me ɨ́ báná báná ó, me tílaa bɨ̌n lɔ̌b swîh: mpʉ̌ twǐʼ njʉ̌m dǐ e njʉ̌m dǐ dí jwɨʼ gwár lɨ́ esú gá lɨ́ná yɨ́. Me nzě kǎ bee ó, me ó lɨ́ bi ó, me tílaa bɨ̌n ó, bɨ̌n lwímlaa dɔm. Lwímláá gá lé, lɨ́ ekamle e búʼó gá yɨ́ná Nzyɛ̌m á boo ntɨh bʉr bé yɨ́.

Yʉ̂d 1:3 ပူးပေါင်းရင်းမြစ်များ

1 Timotɛ 6:12

Bɨn e bʉr lé ejyɛʼ taa buʼo yɔɔ boo Zyɛm ɨ, fwɛmla ga, tɛlɨ ga mbɨmbɨa, bɨn biʼe tiʼ molu mo mpoʼ mɨmɛh. Zyɛm a jebe go ó, go biʼe tiʼ yaa. Yé a pyal go ó, é jɔʼ go a mɛʼle ocyecye é mih mo bʉr é buobuo e.

Filipi 1:27

Sa gwar, kœʼœ ga ebò e cyen lé ejala e bʉr o ndɨ ebuʼla Mbɨambɨa Lɔɔ mo Krɨst ɨ. ǃBɨn si sa no nɛʼɛ, me ójoʼo lɔɔ win, gʉa nteme ó, bɨn dina é zyɛŋa win boo Sisim ngwar ɨ, lé ecyɛb é nkʉʼʉ e twii ngwar, le ekœʼ ebò e cyen é zi buʼo mpʉ Mbɨambɨa Lɔɔ lé elɛʼle e. Me ójoʼo lɔɔ é lɔb ebò e cyen laa, me ntɔʼ soho, me dam be si pyal, bee bɨn e mih, me dam liʼ é guu paʼ, ntɔʼ joʼo njɨ lɔɔ e lɔɔ.

Yʉ̂d 1:20

Obɨɔ o kpɛl bam aa! Gwɨa ga é buʼo ti yin. Dɨʼe jwɨʼla ga nteme e Zyɛm é zi mo Mbɨambɨa Sisim.

Mɨngwiha 12:11

Obɨɔ ga bɨna nteme, bɨ ntaa nye é dɔm, bula e l'esaa é koo, ebe motié mo Ma Ntœme, ndwe e mboʼla bé a boʼlo, tiibe e Yesʉs ɨ. Bim bé a kpɛl bɨtiʼ byɔɔ ɛ, bé a baaliʼa lé ebir bye, ntɔʼ jʉŋɔ, ebe mboʼla waa.

Títos 1:4

Me etile ó, gwɔɔ Tit, ndɨ me mwan é nko paʼ buʼo yina ɛ. Mocyɛʼ mo mpom le motala mo Zyɛm Sɔŋ bé e Yesʉs-Krɨst, Tiʼbʉr ga wina, mé swɨŋɨ é go.

Mɨngwiha 2:10

Ajoʼo ga bʉa e bɨntɨʼa bé ódwe bɨn ɨ. Mbe ga: Njwɨɨ moleme ómɛr bɨn bʉʉ bʉr, gba be é mbʉʼ, lé eboblo bɨn! Bɨn bé ósia e mɨtuu myaa ó, to pyal é molu ewʉm. Diʼe ga bʉr be ebuʼla, to pyal é l'efie. Ebe no ó me óbœr bɨn mopʉʼlʉ mo tiʼ é mɨlʉ.”

2 Timotɛ 1:13

Gʉa baʼle mpaŋ sikʉlʉ go a joʼo me lé edwe e. Yé diʼe go dweʼle, sa go óto le entɛŋ bʉʉ bʉr ɨ. Dɨʼe yeʼle é mbi waa, e buʼo, ndwe e kpɛl, mpʉ bɨna lé ebi ga bye é zyɛŋa wina boo Yesʉs-Krɨst ɨ.

1 Timotɛ 1:18

Mwan wam Timote, me edwe go motɨɨ maʼ ó, lé edu lɛa ogwiha o mɨlɔb bé a lɛɛ, tiibe e go e. ǃGo si baʼle motɨɨ maa nɛʼɛ, go ógʉa lwimla dɔm.

Galásia 2:5

Sa gwar, bɨh bé a baadwe be ba jɔʼ, dam be ba titia. Bɨh bé a baabir ó, bé lɨrɨ Mbɨambɨa Lɔɔ, pɛʼ ocyecye we. Bɨh bé a kpɛl ó, bɨn joʼa we mpʉ wé a taare be e.

Ebrœ̂ 13:22

Obɨɔ ga bam aa! Me etile bɨn ó, me gbaʼ bɨn nkul é monyʉl. Me etile ó, bwa mokan abuo. No ó, me ejwɨʼla e bɨn ó, bɨn dihba mokan maa lé ejoʼo!

Mɨlʉmlʉ 9:22

Sol nyɛɛ a kʉ lɛɛ-lɛɛ be sɔʼɔ ó, njɨ lɔɔ waa e buobuo nkul. OYʉden bé a di-di Damas ɨ, bé a baagʉa ekan bé lɛŋɨ. Nye a si dwe be bɨdweʼle byé a kʉ lɛʼle be ó, Lœma mulo mo Zyɛm ó ndɨ Yesʉs.

1 Tesalonika 2:2

Bɨn bé egʉa nteme mpʉ bɨh bé a sia e tuu le cere é nkana Filipi, bɨh l'apa pyal bɨn ye e. É jɔʼ bɨh bé a pyal bɨn ye e, Zyɛm Sɔŋ wih a sa ó, bɨh tʉmɨ monyʉl, ó bɨh lɛŋɨ bɨn Mbɨambɨa Lɔɔ mo Krɨst teme bʉr o ndɨ esa bɨh mongan ɨ.

1 Korɛnt 15:3

Me a be ó si ntɛŋ bɨn lɔɔ me a lɛɔ, waa ndɨ é bwaʼ nyɔm ɨ. Wé ó nɛɛ: Krɨst a si jala e mɨsyem ga mina, mpʉ yé a bɛa be tila é Kalara Zyɛm ɨ.

Mɨlʉmlʉ 4:12

«Bʉr o ndɨ ebi tiʼ molu mo mpoʼ mɨmɛh ɛ, bé ebi ye ó, é zi mo Yesʉs, ebe, é si nwaʼ nyiwɛh, yé abe e lʉʉ die efih Zyɛm a lɛʼle bʉr ó, lé ó e nkul edwe be tiʼ molu mo mpoʼ mɨmɛh ɛ, nkʉ yé abe laa le.»

Mɨlʉmlʉ 18:28

ebe, é jɔʼ nye a pyal ɨ, bé e l'oYʉden, bé a si do é po, nyɛɛ lé entaa be. Nye a si lɛʼle bʉr, duho é Kalara Zyɛm ó, Lœma mulo mo Zyɛm ó ndɨ Yesʉs.

Mɨlʉmlʉ 17:3

Pol a sa-sa ó, pɛʼle sa ogwiha o mɨlɔb bé a lɛɛ é lʉ mo Lœma mulo mo Zyɛm ɨ, é l'efu ó, bé gʉŋa ebe yé nye a jala le edihbe mokpaa, dwè, ze pàh é foo e. Nye a si lɛɛ nteme be ó: «Yesʉs me lé elwib e bɨn, tiibe e nye e, nye ó mʉr Zyɛm a lœm mulo e!»

Yʉ̂d 1:17

Obɨɔ o kpɛl bam aa! Toŋla ga mokan mɨlʉmlʉ mo Tî ga wina Yesʉs-Krɨst, myé a bɛa lɛɛ bɨn ɨ.

2 Pyɛr 1:1

Mɛm, Simɔn Pyɛr, ndɨ syɛl mosa mo Yesʉs-Krɨst, ndɨ nteme lʉmlʉ we e, ó lé etile bɨn kalara nwa. Me etile ó bʉr o b'a bi mbi buʼo bɨh ndɨ e ye e, buʼo ga yina e l'odime é mɨpaʼ mimyɛh. Bɨna bé a bi ga buʼo yaa ó, ebe syɛɛla mo Yesʉs-Krɨst yé a be cɨcyel ɨ. Nye ó Zyɛm ga wina le Tiʼbʉr ga wina.

1 Pyɛr 5:12

Bɨh e Silas ó lé etile bɨn kalara nwaʼ titia mpʉ. Mbea wam, wé ó, nye ó mbuʼla ndɨ mʉr ebuʼla ɛ. Me etile bɨn ó e gwɨma egba bɨn nkul é monyʉl. Me eboʼlo nteme ó, buʼo bɨn mu e ye e, yé ó mpʉ Zyɛm lé elɛʼle ncwɨncwɨa ɛ. Cyɛba ga é nkʉʼʉ é ncwɨncwɨa waa.

Kolosi 1:2

Me etile ó, mɨsaŋ mɨ bʉr o ndɨ Kolosi, bɨɔ bɨh é zyɛŋa ga wina boo Krɨst, myaa ndɨ bʉr be ebuʼlɔ ɛ. Mocyɛʼ mo mpom e motala mo Zyɛm Sɔŋ ga wina, mé swɨŋɨ é bɨn.

Filipi 1:1

Mɛm Pol, bɨh e Timote, osyɛl o mosa mo Yesʉs-Krɨst ó lé etile bɨn. Bɨh bé etile mɨsaŋ mɨ bʉr mimyɛh ndɨ é zyɛŋa wɔɔ boo Yesʉs-Krɨst, baa lé edi nkana Filipi ɨ. Bɨh bé etile nteme ó, obɔʼlʉ o mbɛr Zyɛm win tʉŋlʉ, bé e boo odiakɔn.

Éfɛsɔs 1:1

Mɛm Pol, lʉmlʉ mo Yesʉs-Krɨst é gwɨma mo Zyɛm ó lé etile bɨn kalara nwa. Me etile ó mɨsaŋ mɨ bʉr mimyɛh [ndɨ ɨ Efɛɛz], myaa ndɨ é zyɛŋa wɔɔ boo Yesʉs-Krɨst, myaa ndɨ bʉr be ebuʼlɔ ɛ.

Galásia 6:11

Mbe ga: bɨkaŋa bɨnɨnɨ me lé etile bɨn é bananaʼ e mbo wam ó bi!

Mɨlʉmlʉ 28:28

Pol ze ko tɨʼ ó: «Gʉŋa ga ó nɛɛ: mpaŋla nwa, waa ndɨ elɛɛ mpʉ Zyɛm mu lé edwe bʉr tiʼ molu mo mpoʼ mɨmɛh ɛ, nye mu ó lé ecenɔ bʉr o ndɨ abe oYʉden ɨ! Bɛɛ, bé ókʉ joʼo we!» [

Mɨlʉmlʉ 20:27

ebe, me a baaliʼa lé egwih bɨn sa yiyɛh Zyɛm a tiʼe é leme we e.

Galásia 3:28

Ziila, nye aka gʉa be paʼra Yʉden bé e mʉr kul fih. Yé aka gʉa be ziila paʼra elʉa bé e mʉr ndɨ é dia otî ɨ, nkʉ paʼra mʉma bé e mʉrʉm, ebe, bɨn bɨ di é zyɛŋa win boo Yesʉs-Krɨst. Bɨn bɨbɛh mu ka di ó é dia mʉr ngwar: Yesʉs-Krɨst.

Mɨlʉmlʉ 6:7

Bʉr ntɔʼ to dolo lé elɛɛ lɔɔ Zyɛm. Lɔɔ we ze myɛma. Tɔɔ ompʉn ntɔʼ kpahbe buo ɨ Yerʉsalɛm. Buobuo bʉr é sama opara ze jyɛʼɔ taa buʼo yɔɔ boo Zyɛm, le esa nye mojoʼo.

Mɨlʉmlʉ 9:13

Ananias ntɔʼ bɨha ó: «Da, buobuo bʉr, bé a si lɛɛ me lɔb we. Bé be-be ó lé elɛɛ ebebe lɨlɛh nye a sa mɨsaŋ mɨ bʉr myo ndɨ ɨ Yerʉsalɛm ɨ.

Ebrœ̂ 6:9

Obɨɔ o kpɛl bam aa! Bɨh dam lwib no, mɨ kʉ gʉa é lɔb win ó, sa ndɨ é mbɨa, laa bɨkɔ́ɔlʉ le mosyomlʉ ndwe e modiʼe e, yé ó bɨn zi dolo. Sa yaa, yé ó mpaŋ tiʼ molu mo mpoʼ mɨmɛh.

2 Pyɛr 2:21

ebe, yé a ngbaa bul mbɨa é nko paʼ wɔɔ ó, mpa bé a baataare kœʼ é zi lé elɛʼle bʉr ebò e cyen ndɨ cɨcyel ɨ, abe, bé osi kœʼ tɨ, é kœʼ kœʼ nɛʼɛ, bé ntɔʼ ka bula tumo koo e motie ndɨ ti, maa Zyɛm a bɛa tiile be e.

Yʉ̂d 1:1

Mɛm, Yʉd, syɛl mosa mo Yesʉs-Krɨst, ndɨ nteme mɨɔ mo Jacques ɨ, ó lé etile bɨn kalara nwa. Me etile ó, bʉr Zyɛm Sɔŋ a jebe ndwe le ekpɛl, baa ndɨ ebaʼlɔ é zyɛŋa wɔɔ boo Yesʉs-Krɨst ɨ.