Yʉ̂d 1:25 - Kálara Zyɛ̌m Edwán é mpʉ̌n

²⁵ Nye ome ó ndɨ Zyɛm, nye nteme Tiʼbʉr ga wina. Kum, mpwaʼ, nkul le jwɨɨ, byé dweŋɔ Zyɛm é zyɛŋa ga wina boo Tî ga wina Yesʉs-Krɨst. Byé a bɛa be ó mbi jɔʼ yiʼ apa taare. Byé dina ó tɨ, ze pyal é banana. Byé óto dolo njʉmdia e njʉmdia. Amɛn.

Kálar Nzyɛ̌m : Ejwán é Sáá

²⁵ Nye omér ó dí Nzyɛ̌m. Kûm dwéŋɔɔ Nzyɛ̌m, dí Tiʼbʉr gá wɨ́ná nyá, ɨ́ nzɨ̌ mé Yésʉs-Krîst, Tî gá wɨ́ná, táare ɨ́ mimbú mí píhe, le ɨ́ báánâ, tó kumǒ kumáa ɨ́ twǐʼ njʉ̌m dǐ e njʉ̌m dǐ. Amɛn.

Yʉ̂d 1:25 ပူးပေါင်းရင်းမြစ်များ

1 Timotɛ 1:17

Zyɛm ndɨ Njwɨɨbʉr njʉmdia e njʉmdia, waa ndɨ abe e nkul edwè, waa ndɨ anyin bʉr é mih, waa ndɨ Zyɛm nye ome e, duu ndwe e kum, byé diʼe é nye njʉmdia e njʉmdia. Amɛn.

Yʉanes 5:44

Bɨn bé ebul kpɛl bi kum ó, njɨ paʼra win. Bɨn bé akpɛl bi kum lé eduho boo Zyɛm nye ome e. Yé be no nɛʼɛ, a, bɨn bé ójyɛʼ taa buʼo yin boo Zyɛm nyá ɛ?

Rôm 11:36

Yé abe e mʉr, ebe, Zyɛm ó b'a cye bɨsa bibyɛh. Byé a kwɨmlɨ nteme ó, dumo e nye. Sa yiyɛh, yé tɨʼ ó, é l'efu le. Bɨna gumla ga nye njʉmdia e njʉmdia. Amɛn.

Ebrœ̂ 13:8

Mpʉ Yesʉs-Krɨst a be kʉʼ ɨ, mpʉ yaa nteme ó nye ndɨ muh. Nye ódi nteme ó no, njʉmdia e njʉmdia.

Mɨngwiha 1:6

Nye ó b'a niŋle bɨna ga é jwɨ̀ʼa ye, le esa ó, bɨna diʼe ga opara lé esea e Sɔŋ we Zyɛm ɨ. Kum e nkul, byé diʼe e nye njʉmdia e njʉmdia. Amɛn!

Títos 2:13

Bɨna bé ódi ga no ó, lé ebono mʉr lé egba bɨna mbɛla é mɨleme, waa lé esʉ bɨna mocyɛʼ mo mpom ɨ. Nye ó Zyɛm nɨnɨ ga wina, Tiʼbʉr ga wina Yesʉs-Krɨst, waa óbâʼle lɛʼle bɨna ga moncɛnba me e.

Rôm 16:27

É Zyɛm nye ome, waa ndɨ Cɨcyoo lé elaa mɨcɨcyoo mimyɛh ɛ, kum diʼe e nye é zi mo Yesʉs-Krɨst, njʉmdia e njʉmdia. Amɛn.

Mataos 6:13

Ato e bɨh é mobʉbla tʉŋlʉ. Syɛbɨ bɨh é mobo mo Bɨbla-mʉr. [Ebe, mojwɨ̀ʼa e nkul ndwe e moncɛnba, byé ó byo, to pyal é mɨmya mimyɛh. Amɛn!]”

Éfɛsɔs 3:21

Kum diʼe e nye é zi Mbɛr-Zyɛm ndwe e Yesʉs-Krɨst nteme, to pyal é mɨmya mɨ bʉr mimyɛh njʉmdia e njʉmdia. Amɛn.

Yʉanes 4:22

Bɨn bʉr o Samari, bɨn bé apa kʉ gʉa mʉr bɨn ndɨ edwiibɨ ɨ. Bɨh oYʉden ó ndɨ egʉa nye, ebe, tiʼ molu mo mpoʼ mɨmɛh, yé eduho ó, é l'oYʉden.

2 Pyɛr 3:18

Toʼ le egwɨe ga ebe ncwɨncwɨa Tî ga wina le Tiʼbʉr ga wina Yesʉs-Krɨst lé elɛʼle bɨn ɨ. Bɨn bé à gwɨe nteme ebe bɨn bɨ gʉa nye. Nye ome ó ndɨ ejala e kum, taare é banana, to pyal é njʉmdia e njʉmdia. Amɛn.

2 Pyɛr 1:1

Mɛm, Simɔn Pyɛr, ndɨ syɛl mosa mo Yesʉs-Krɨst, ndɨ nteme lʉmlʉ we e, ó lé etile bɨn kalara nwa. Me etile ó bʉr o b'a bi mbi buʼo bɨh ndɨ e ye e, buʼo ga yina e l'odime é mɨpaʼ mimyɛh. Bɨna bé a bi ga buʼo yaa ó, ebe syɛɛla mo Yesʉs-Krɨst yé a be cɨcyel ɨ. Nye ó Zyɛm ga wina le Tiʼbʉr ga wina.

1 Pyɛr 4:11

ǃƗ mʉr si sa ó, nye pyɛl ó mokan nɛʼɛ, yé beʼ yɛɛ maa mé óntɛŋ bʉr mokan mo Zyɛm ɨ. Yé be ó, nye fuʼo ó bʉʉ bʉr nɛʼɛ, nye fuʼa be e nkul Zyɛm nye mʉr tɨʼ a ntɨh nye e. No ó Zyɛm ódwiibɔ é zyɛŋa ga wina boo Yesʉs-Krɨst ɨ. Kum e nkul, byé dweŋɔ nye, njʉmdia e njʉmdia. Amɛn.

Títos 3:4

É jɔʼ yaa ó Zyɛm, Tiʼbʉr ga wina a ka lɛʼle bɨna ncwɨncwɨa we e.

Títos 2:10

Bé ajala le ejaa mobo é nko paʼ mobi mo omasa bɔɔ. Bé ejala le elɛʼle be ó, bé ó e nkul ebuʼla be ntinɨ e ntinɨ. Ebe no ó bé ósa ó, bʉr dwaaba sikʉlʉ bɨna lé edwe be, tiibe e Zyɛm, Tiʼbʉr ga wina ɛ.

1 Timotɛ 2:3

Zyɛm, Tiʼbʉr ga wina, nye ebee syɛɛla yaa mbɨmbɨa.

Éfɛsɔs 3:10

Banana, yi ka liʼ ó, njɨ epɛʼle jwɨʼ ye yaa, ndwe le ebal mɨsisim mɨ apum le myaa mɨ nkul, myaa ndɨ é jobo e l'ejyoo e. Myé mu lé eka joʼo jwɨʼ yaa ó, boo bɨna, bʉr o Mbɛr-Zyɛm, ndwe le egʉa mpʉ ocyoo mo Zyɛm ndɨ é buo mɨmbi ɨ.

Éfɛsɔs 1:8

Nye a bul lɛʼle bɨna ga ncwɨncwɨa we waa ó, é zi ocyoo we wiwɛh ndwe e pɨʼ we.

Rôm 11:33

A ndwe e l'okum mo Zyɛm ee! Ocyoo we e ngwɨa we, byé abe e l'odumo. Zé ndɨ e nkul egʉa mɨtiʼa mɨ leme we ɛ? Zé ndɨ e nkul egʉa bɨsyɛɛla nye lé esa ɛ?

Lʉkas 1:47

Leme wam, wé ó lwɨŋla e bɨsʉhʉ, ebe Zyɛm, Tiʼbʉr wam,