Yʉ̂d 1:21 - Kálara Zyɛ̌m Edwán é mpʉ̌n

²¹ Gbaʼ ga monyʉl lé edi é kpɛl mo Zyɛm. Bona ga dobo Tî ga wina Yesʉs-Krɨst óbula ze e. Nye óze ó, ze jwɨʼ bɨna ga nkoo, le eliʼle bɨn, to pyal é tiʼ molu mo mpoʼ mɨmɛh.

Kálar Nzyɛ̌m : Ejwán é Sáá

²¹ Baʼlaa gá bicwiʼ bín, lɨ́ edi baá Nzyɛ̌m dí ekpɛl bá. Bɨ̌n e bónó móhó Tî gá wɨ́ná Yésʉs-Krîst ngá báʼǎ nze wɨ́. Nye ónze ó, nzě jɨ̂ʼ mɨ́ná gá nkoó. Bónáá gá nye. Nye ódi e bɨ̌n ó, tô tóʼ, tó pyâl pyáláa ɨ́ twǐʼ njʉ̌m dǐ.

Yʉ̂d 1:21 ပူးပေါင်းရင်းမြစ်များ

1 Yʉanes 4:16

É mbi waa ó bɨna mu lé egʉa ga leme ncwɨncwɨa Zyɛm lé elɛʼle bɨna ga ɛ. Bɨna bé ekʉ buʼla ga ó, nye ecwɨa e bɨna ga. Zyɛm, nye ó kpɛl. Mʉr lé ekpɛl bʉʉ bʉr ɨ, nye edi ó, é zyɛŋa wɔɔ boo Zyɛm; Zyɛm nteme, nye etiʼe é mʉr waa.

2 Pyɛr 3:12

Cye yiyɛh bɨna dina lé ekœʼ ga ebò e cyen laa ɛ, yé elɛʼle ó, bɨna bé ebono ga dobo Zyɛm óbula ze e. Bɨna bé esea ga nteme ó, syɛɛ yé ósa ó, nye kpahba ze e. É moho waa ó jobo e l'ejyoo le ebantɛn, byé ójɔa siʼe, ntɔʼ dinba.

Ebrœ̂ 9:28

Jwɨʼ gwar e gwar yaa nteme e Krɨst. Nye a kʉ ka dwè ó njɨ é jɔʼ gwar é l'efu ó, nye jala e mɨsyem mɨ bʉr é buobuo. É dobo nye óbula ze e, nye aŋa bâʼle dwih bʉr é mpila ebebe lɔɔ. Zea nye óze e, wé óbe ó, lé edwe bʉr o ndɨ ebono nye e, tiʼ molu mo mpoʼ mɨmɛh.

Mɨngwiha 12:11

Obɨɔ ga bɨna nteme, bɨ ntaa nye é dɔm, bula e l'esaa é koo, ebe motié mo Ma Ntœme, ndwe e mboʼla bé a boʼlo, tiibe e Yesʉs ɨ. Bim bé a kpɛl bɨtiʼ byɔɔ ɛ, bé a baaliʼa lé ebir bye, ntɔʼ jʉŋɔ, ebe mboʼla waa.

2 Tesalonika 3:5

Da cyɛba bɨn é mɨleme, ó bɨn kpɛlɨ nye. Nye saʼ nteme ó, bɨn dihba mɨtuu é mpʉ Krɨst a dihbe mye e.

Rôm 6:23

Myɛna mo mʉr lé esa syem ɨ, mé ó njɨ efie. To kœb ó, ndwɛa Zyɛm a dwe bʉr edwɛna ɛ, wé ó tiʼ molu mo mpoʼ mɨmɛh é zyɛŋa ga wina boo Tî ga wina Yesʉs-Krɨst.

Yʉanes 14:21

«Mʉr lé ebaʼle mɨtiila myam le edu mye e, nye ó ndɨ ekpɛl me. Waa nyiwɛh ndɨ ekpɛl me e, nye ó waa Sɔŋ wam ókpɛl ɨ. Me nteme ókpɛl nye. Me ópyal boo nye.»

2 Timotɛ 4:8

Yi kʉ ka liʼ me ó njɨ ebœrɔ epʉʼlʉ é lʉ, laa ndɨ koma é l'efu lam ɨ. Epʉʼlʉ laa, lé ó ngo lɛʼle ó, mɨ bi mokebe é mih mo Zyɛm. Da Yesʉs óbœr me la ó, é dobo nye óbula ze e. Nye ó tiʼà mɨlɔb ndɨ etiʼe é l'ocɨcyel ɨ. Nye aŋa dwe yɛɛ njɨ me e me. Mopʉʼlʉ maa, mé óbœrɔ nteme ó, bʉr bɨbɛh lé esoho dobo Yesʉs-Krɨst óbula ze e.

2 Timotɛ 1:2

Me etile ó, gwɔɔ mwan kpɛl wam Timote. Mocyɛʼ mo mpom, le njwɨʼa-nkoo, le motala mo Zyɛm Sɔŋ bé e Tî ga wina Yesʉs-Krɨst, mé swɨŋɨ é go.

Rôm 8:39

dam be bɨsa ndɨ é jobo kʉ, nkʉ byaa ndɨ é si tʉŋlʉ ɨ, dam be wáa mbi cyea sɔʼɔ, abe e sa gwar, yé ókoʼo lé ebɛʼ paʼra ga wina boo Zyɛm, waa lé elɛʼle kpɛl ye é zi mo Tî ga wina Yesʉs-Krɨst ɨ.

Rôm 5:21

Jwɨʼ gwar e gwar mpʉ Syem, wé a jwɨ̀ʼ bʉr, ntɔʼ jʉ be e, jwɨʼ gwar e gwar yaa nteme ó Ncwɨncwɨa mo Zyɛm mu lé ejwɨʼ bɨna ga ɛ. Nye edwe bɨna ga mokebe é mih me ó, nye nkʉʼ dwe bɨna ga tiʼ molu mo mpoʼ mɨmɛh dumo e Tî ga wina Yesʉs-Krɨst.

1 Yʉanes 5:18

Bɨna bé egʉa ga ó, mʉr nyiwɛh mu mbyɛla é zi nkul mo Zyɛm ɨ, nye ákwoʼ ka to dolo lé esa syem. Mwan Zyɛm Sɔŋ a bya ɛ, nye ekamle e mbi mʉr waa. Ebe no, abe e sa gwar Bɨbla-mʉr ndɨ e nkul esa nye.

Rôm 5:5

ǃƗ mbɛla si loŋlo mʉr é leme nɛʼɛ, mʉr waa, nye aŋa ka bil fwon, ebe, Zyɛm, nyi lɛʼle bɨna ga mpʉ nye lé ekpɛl bɨna ga ɛ. Nye a lɛʼle bɨna ga no ó, é zi Mbɨambɨa Sisim, waa nye a ntɨh bɨna ga ɛ.

Mɨlʉmlʉ 11:23

É jɔʼ nye a pyal gʉʼ ɨ, nye a ka bee mpʉ Zyɛm a bul cwɨa e l'ompʉn ɨ. Nye ntɔʼ soho, ze tɨe be ó, bé diʼe twii é zyɛŋa wɔɔ boo Da Yesʉs.

Yʉ̂d 1:24

Kum, nye beʼ e mʉr ndɨ e nkul ekamle e bɨn ó, bɨn beʼ l'aduma, waa nteme ndɨ e nkul ecyel bɨn é mih me, waa ndɨ é moncɛnba ɛ, abe e sa ebebe nye a ngbaa nwahle bɨn e tɨ. Bɨn bé óbe nteme ó e bɨsʉhʉ é buobuo.

1 Yʉanes 5:21

Bwa o bwan bam, saʼ ga ó, bɨn cɛra e bɨbaŋabaŋa bɨdweʼle.

2 Timotɛ 1:18

Go ekʉ gʉa nteme mpʉ nye a sea e bʉr o Efɛɛz ɨ. Da Yesʉs saʼ ó, nye biʼe njwɨʼa-nkoo é mih me é dobo nye óbula ze e.

Yʉanes 1:17

Zyɛm a si tiile bɨna ga motie, cwɨɨ é Moyiz. No ó, ncwɨncwɨa we e l'ocyecye byɛɛ, byé a ze é bɨna ga ó, dumo e Yesʉs-Krɨst.

1 Timotɛ 1:2

Me etile ó, gwɔɔ Timote, ndɨ me mwan é nko paʼ buʼo e. Mocyɛʼ mo mpom, njwɨʼa-nkoo ndwe e motala mo Zyɛm Sɔŋ bé e Tî ga wina Yesʉs-Krɨst, mé swɨŋɨ é go.

2 Timotɛ 1:16

Da Yesʉs saʼ mbɛr bʉr mo Onesiforos mombɨa mɨmɛh, ebe, nye a be ó si bul lɛʼle me nkʉnkoo, zɔʼ e zɔʼ. Nye ajoʼo ba fwon ebe me ndɨ é nkara é mbɛr mɨmbʉʼ.

Yʉ̂d 1:1

Mɛm, Yʉd, syɛl mosa mo Yesʉs-Krɨst, ndɨ nteme mɨɔ mo Jacques ɨ, ó lé etile bɨn kalara nwa. Me etile ó, bʉr Zyɛm Sɔŋ a jebe ndwe le ekpɛl, baa ndɨ ebaʼlɔ é zyɛŋa wɔɔ boo Yesʉs-Krɨst ɨ.

Yʉ̂d 1:22

Bʉr o ndɨ esoŋlo e, jwɨʼɨ ga be nkoo.