Yʉ̂d 1:20 - Kálara Zyɛ̌m Edwán é mpʉ̌n

²⁰ Obɨɔ o kpɛl bam aa! Gwɨa ga é buʼo ti yin. Dɨʼe jwɨʼla ga nteme e Zyɛm é zi mo Mbɨambɨa Sisim.

Kálar Nzyɛ̌m : Ejwán é Sáá

²⁰ Bɨ̌n bɨɛ, bʉr ó kpɛ̌l bâm, búʼó bɨ́n dí e yé, yaá dí tí yɨ́, nʉaa gá pîm ɨ́ búʼó yaá. Jɨjɨʼlaa gá ntémé e nzɨ̌ Sísǐm mé Nzyɛ̌m.

Yʉ̂d 1:20 ပူးပေါင်းရင်းမြစ်များ

Éfɛsɔs 6:18

Jwɨʼla ga é jɔʼ yiyɛh mpʉ Mbɨambɨa Sisim lé etɨe bɨn ɨ, lé eto le edî le ejaʼ é mozi mɨmɛh. Tɨʼ nteme, diʼe ga nkehe é jɔʼ yiyɛh. Gbaʼ ga monyʉl lé esa mɨnjwɨʼla é l'efu e mɨsaŋ mɨ bʉr mo Zyɛm mimyɛh.

1 Korɛnt 14:15

Yé be no nɛʼɛ, me ósa nyá ɛ? Me ójwɨʼla-jwɨʼla e Zyɛm é zi sisim wam lé elwib bɨlɔblɔb. Me nteme, me ójwɨʼla e nye ó, é zi pɨʼ wam. Me ójɛɛ osam é zi sisim wam. Me ójɛɛ osam nteme ó, é zi pɨʼ wam.

Kolosi 2:7

Buʼo bɨn ndɨ e ye e, yé paha mɨkaale. Yé toʼ dolo lé egwɨe le ebwaʼ. Jyɛʼɛ ga taa buʼo yin boo nye, mpʉ bé a dwe bɨn sikʉlʉ tɨʼ ɨ. Toʼ ga dolo lé edwe Zyɛm kum.

1 Tesalonika 5:11

No ó, gbaʼ bʉr nkul é monyʉl é zi motɨɨ monɨ. Dɨʼe gba ga nkul é nyʉl mo mɨɔ nyiwɛh paʼra win, ó nye biʼe nkul waa, mpʉ bɨn lé ebɛa sa-sa ɛ.

1 Korɛnt 14:26

Obɨɔ ga bam aa! Yé be no nɛʼɛ, bɨna kaʼ sa ga yé? É jɔʼ bɨn lé egwɨhla-gwɨhla é fula ɛ, nwaʼ mʉr, nye e jɛɛ nye ójɛɛ ɛ. Nuu, e sikʉlʉ nye ódwe e. Nuu, nye ógwih guu fela sɔʼɔ. Nuu, nye e lɔɔ elɛɛ é lwib bɨlɔblɔb. Nuu, nye egʉa edwir lwib bɨlɔblɔb yaa. Yé ejala ó, syɛɛla yaa yiyɛh gbaʼ mɨmbɛr mɨ Zyɛm nkul é monyʉl.

Rôm 8:15

Sisim Zyɛm a ntɨh bɨn ɨ, wé abe lé edil bɨn é dia olʉa é l'efu ó, bɨn bâʼla joʼo bʉa. Wé etœʼ bɨn si, ze cyel bɨn é dia bwan o mobœʼa mo Zyɛm. Wé ó ndɨ esa ó, bɨna jeba ga Zyɛm kʉ kʉ ó: «Abba! Da!»

Galásia 4:6

Ebe, bɨn mu ó bwan Zyɛm a ntɨh Sisim mo Mwan we e. Wi ze ni é mɨleme ga mina. Wé ó lé etine-tine bɨna ga ó, bɨna jeba ga Zyɛm, «Abba! Da!»

Éfɛsɔs 4:29

Bol lwib l'anyamle pʉʼa é nʉm win, njɨ yaa ndɨ e nyɔm é nko paʼ bʉʉ bʉr ɨ, ó bé gwɨa é buʼo yɔɔ. Yé ó é l'efu ó, Zyɛm sʉʼo bʉr o ndɨ ejoʼo bɨn ɨ, mocyɛʼ mo mpom. Lwib ye, yé diʼe sa ndɨ é bul jala ɛ.

Mɨlʉmlʉ 9:31

No ó, Zyɛm ze dwe bʉr o Mbɛr-Zyɛm jɔʼ ó, bé diʼe é motala é mɨlal mɨ Yʉda, Galɨle ndwe e Samari mimyɛh. Bé a si bul nʉa pim é buʼo, ebe, Mbɨambɨa Sisim a be ó lé egba be nkul é monyʉl. Mbɛr-Zyɛm ntɔʼ bwaʼ le gwɨe. Bé a tiʼe-tiʼe nteme ó, lé ekʉ dwaabe Da Yesʉs.

Éfɛsɔs 4:16

Nye ó mʉr ndɨ si syɛŋ bɨna ga bɨbɛh, ó bɨna diʼe ga nyʉl ngwar ɨ. Bɨfum bɨ nyʉl waa, nye edira bye é mobɨl e mɨsihe. Mɨsihe myaa ó ndɨ entɛŋ bɨfum bɨ nyʉl bɨsa ndɨ bye e nyɔm ɨ. Sihe wiwɛh, wé ejala le eze nyʉl é nkɔm, lé edu mpʉ Zyɛm a cye wiha ɛ. Nkul we ó ndɨ esa ó, nyʉl waa gwɨa mbɨmbɨa é jɔʼ bʉr o tɨʼ ndɨ e leme ncwɨncwɨa ɛ.

Éfɛsɔs 4:12

Nye esa no ó, é l'efu e mɨsaŋ mɨ bʉr mo Zyɛm, ó myé beʼ bʉr o ndɨ e nkul eloŋlo syɛɛ ye e. Nye elɛʼle be lé esa no ó, é l'efu le egwɨl Mbɛr-Zyɛm, ndɨ nyʉl mo Krɨst ɨ.

Mɨlʉmlʉ 26:18

Me elomo go ó, go bɛŋɨ bʉr mih. Go dwihɨ be é l'edurʉ, cen be é myɛn; dwih be é mpel mo Satan, cen be nko bé e Zyɛm, bé ódɨ di ɨ. Me ópɛʼ bɨbaa me a niʼe é lɔb mɨsyem myɔɔ ɛ, lé edwe be dia é l'esama e bʉr o b'a jyɛʼ taa buʼo yɔɔ boo me, mɛm ntɔʼ pubo e.”

1 Yʉanes 5:4

ebe, mʉr nyiwɛh ndɨ mbyɛla é zi nkul mo Zyɛm ɨ, nye entaa ebebe e si nwaʼ é nkul. Nkul nye ndɨ e nye, waa lé esa ó, nye bula e l'esaa é koo e, nye ó buʼo ga yina.

Jacques 2:22

Bɨna bé ekʉ bee ga ó, Abraham a si buʼla, buʼo ye lé ebaʼra e bɨsyɛɛla. Bɨsyɛɛla bye, byé ntɔʼ sa ó, buʼo ye, yé kuma é l'ombɨmbɨa é mɨpaʼ mimyɛh.

Títos 1:1

Mɛm Pol, syɛl mosa mo Zyɛm, ndwe e lʉmlʉ mo Yesʉs-Krɨst ó lé etile go kalara nwa. Me esea syɛɛ yaa é l'efu e bʉr o Zyɛm a pɛh ɛ, ó me gbaʼ be nkul é monyʉl, ó bé jyɛʼɛ taa buʼo yɔɔ boo Zyɛm. Me elɛʼle be ocyecye ndɨ esa ó, mʉr dwaaba Zyɛm ɨ.

1 Korɛnt 10:23

Bʉʉ bʉr, bé elɛɛ ó: «Yé abe e syɛɛla ndɨ kɔmlʉ.» Yé ó no! Sa gwar, ntʉʼ sa yiyɛh ndɨ e nyɔm. «Yé abe e syɛɛla ndɨ kɔmlʉ.» Yé ó no! Sa gwar, ntʉʼ sa yiyɛh ndɨ e nkul elɨl bʉr é buʼo mbɨmbɨa.

Rôm 15:2

Mʉr nyiwɛh é sama ga yina, nye saʼ syɛɛla mɨɔ we mʉr ókpɛl ɨ. Nye saʼ yaa yé óbɛm be e nyɔm é nko paʼ mɨɔ we waa, ó nye gwɨa é buʼo e.

Mɨlʉmlʉ 15:9

Nye agba mbɛʼ paʼra ga wina boo nɔɔ. Nye a be ó si pubo mɨleme myɔɔ ebe taa buʼo bé a jyɛʼ boo Krɨst ɨ.

2 Timotɛ 1:5

Me esa nteme ó, toŋlo-toŋlo buʼo yo ndɨ eduho é mo si ɨ. Yé ó mbi buʼo ngwar e ngwar nyɔŋ mpam go Lɔyis bé e nyʉŋ Enike, bé a be e ye e. Mɨ kʉ gʉa nteme ó, mbi buʼo waa ó ndɨ go nteme é leme.

1 Timotɛ 1:4

Bé ayi joʼlo bɨsa mɨlɔɔ, nkʉ bɨláa-ntan ndɨ abe e l'esie e. Bɨsa byaa ó lé edulo ziila motwii é Mbɛr-Zyɛm. Byé abe e nyɔm é nko paʼ eloŋlo syɛɛ mo Zyɛm. Bɨna bé esa ga nye syɛɛ yaa ó, é zi buʼo ga yina.

1 Korɛnt 1:8

Nye waa nteme ó ngo gba bɨn nkul é monyʉl, to pyal é l'esie, abe e sa ebebe nye a ngbaa nwahle bɨn e tɨʼ é dobo Tî ga wina Yesʉs-Krɨst óbula ze e.

Mɨngwiha 13:10

«Zyɛm, nye elɛɛ ó: “Yé be ó, yé ó tila ó, mʉr fih mʉr kɛ̀l ó jala le eto é l'okomo nɛʼɛ, nye óbana to. Yé be ó, yé ó tila ó, mʉr fih mʉr kɛ̀l ó jala le ejʉŋɔ e fòŋ nɛʼɛ, nye nteme óbana jʉŋɔ e fòŋ.”» (Wâʼ é gumo yi, yé elɛʼle ó, yé ejala é nko paʼ mɨsaŋ mɨ bʉr mo Zyɛm ó, bé diʼe nteme e bihbe ndwe e buʼo.)

Yʉ̂d 1:3

Obɨɔ o kpɛl bam aa! Me a taare bee ó, sa ndɨ ekʉ jala ɛ, yé a be ó, me tila bɨn é lɔb tiʼ molu mo mpoʼ mɨmɛh, e mpʉ bɨna bé a bi ga tiʼ yaa mbi ngwar ɨ. No ó, me a ze bee ó, me ófuo ka tile bɨn ó, bɨn lwimla dɔm. Dɔm laa, lé ó, bɨna kamla ga e buʼo ga yina, yé diʼe mpʉ Zyɛm a bɛa ntɨh mɨsaŋ mɨ bʉr be ya ɛ.

2 Pyɛr 1:1

Mɛm, Simɔn Pyɛr, ndɨ syɛl mosa mo Yesʉs-Krɨst, ndɨ nteme lʉmlʉ we e, ó lé etile bɨn kalara nwa. Me etile ó bʉr o b'a bi mbi buʼo bɨh ndɨ e ye e, buʼo ga yina e l'odime é mɨpaʼ mimyɛh. Bɨna bé a bi ga buʼo yaa ó, ebe syɛɛla mo Yesʉs-Krɨst yé a be cɨcyel ɨ. Nye ó Zyɛm ga wina le Tiʼbʉr ga wina.

Mɨlʉmlʉ 6:7

Bʉr ntɔʼ to dolo lé elɛɛ lɔɔ Zyɛm. Lɔɔ we ze myɛma. Tɔɔ ompʉn ntɔʼ kpahbe buo ɨ Yerʉsalɛm. Buobuo bʉr é sama opara ze jyɛʼɔ taa buʼo yɔɔ boo Zyɛm, le esa nye mojoʼo.