Yʉ̂d 1:18 - Kálara Zyɛ̌m Edwán é mpʉ̌n

¹⁸ Bé a lɛɛ e bɨn ó: «É l'esie e mbi jɔʼ yi, yé óbe ó e bʉr o pyeh, baa lé ekpɛl kœʼ ebò e cyen lé edu mpʉ bɨgwɨma byɔɔ ndɨ ɨ.»

Kálar Nzyɛ̌m : Ejwán é Sáá

¹⁸ Bé á lɛ́ɛ bɨ̌n ó, mbi wɨ̂: «Ɨ́ melú mé ósûʼla má, yé óbe ó e bʉr ó kpêʼle ngá dû mpʉ bígwɨ́má byɔ́ɔ́ dí etíne bé yɨ́ bá. Bigwɨ́má byɔ́ɔ́, byé kʉ́ lɛ̂ʼle ó, bé lɨ́ ejéʼě Nzyɛ̌m.»

Yʉ̂d 1:18 ပူးပေါင်းရင်းမြစ်များ

2 Pyɛr 3:3

Sa efoʼ, gʉa mɛr ga sa yi: é jɔʼ esie e mbi jɔʼ yi, lé óbe kunokuno le epyal ɨ, bʉr, bé óbe lé ekœʼ ebò e cyen mpʉ bɨgwɨma byɔɔ lé etine be e. Bé óbe ó bʉr o pyeh,

2 Timotɛ 4:3

Ebe, jɔʼ, yé eze, é jɔʼ bʉr, bé ópyeh mpaŋ sikʉlʉ bɨna lé ejwɨʼ ga ɛ. Bé ókʉ joʼo-joʼo ó, njɨ bɨsikʉlʉ lé etine be ó, bé toʼ le edu bɨgwɨma bɨ nyʉl bɨpuno wɔɔ. Bé ósyɛŋ esama le oyeʼle, lé ódɨ dwe be njɨ bɨsikʉlʉ byaa ɛ, bé nkʉʼ gʉa soho lé ejoʼo mye.

2 Timotɛ 3:13

Bɨbɨbla bɨ bʉr, ndwe e baanya-bɨkʉʉŋʉ bɛɛ, bé óto le elɨŋa é buʼo ó, to-to ó toʼ. Bé óto dolo lé egomlo bʉr é bebebebe zi. Bʉʉ bʉr, bé óto gomlo be é mɔɔ mozi mo ebebe.

2 Pyɛr 2:1

Molu pihe, mɨmpʉmpʉl mɨ ogwiha o mɨlɔb, myé a si pyal-pyal é l'esama e bʉr mo Zyɛm. É jwɨʼ gwar e gwar yaa ó mɨmpʉmpʉl mɨ oyeʼle, myé ódɨ pyal é l'esama lɨn ɨ. Bé ódwe-dwe bɨsikʉlʉ byɔɔ ó, é mofo, ó bé lɨrɨ buʼo yin. Bé ókɛla buʼo ga yina, le ekɛla ó, bé agʉa Tî ga wina, mʉr a jɛna bwaʼbwaʼ tɔɔ é jɔʼ nye a kʉr be e. Bé ódaʼre ebebe é monyʉl mɔɔ. Ebebe laa, lé ópyal be motwɨra, ntɔʼ dimle be.

Mɨlʉmlʉ 20:29

Me egʉa ó, é jɔʼ me óbe si laa ɛ, bʉr lé enwɨɨla e l'otir o monyan ɨ, bé ópyal-pyal gumo bɨn ndɨ ɨ. Bé aŋa pɨm daa e bɨntœme mo Zyɛm l'asaŋɔ bye ebebe.

Yʉ̂d 1:16

Bʉr baa, bé ó jɔʼ yiyɛh lé elwib é bebebebe, tiibe e Zyɛm. Bé é jɔʼ yiyɛh ó, lé etine-tine nkɔb nye a dwe-dwe be e. Bé ekʉ ka du ó njɨ bɨgwɨma byɔɔ le elwib bɨlwib bɨ jaale. Bé ekʉa bʉr é zi moseʼla, bɛɛ lé egʉa ó, bé ódira nyɔm wɔɔ e moseʼla maa.

2 Pyɛr 2:10

Nye ókʉ bul kab bɨntɨʼa ó, dwe bʉr o ndɨ edu bɨgwɨma bɨ nyʉl bɨpuno wɔɔ ɛ, bɛɛ nteme lé epyeh mojwɨ̀ʼa mo si le maa mo kʉ. Mɨmpʉmpʉl mɨ oyeʼle me lé etaŋle bɨn lɔb wɔɔ ɛ, myé ajoʼo bʉa dam be é jɔʼ bé lwɨɨ beengles ndɨ é lal bɨna ndɨ egumlo e.

Yʉ̂d 1:4

Bʉʉ bʉr, bɨ ni é l'esama lɨn é myaaa, bɨn l'agʉa! Okalara lé edwe be mobe, le ekab be bɨntɨʼa byɔɔ ɛ, bɨ bɛa tilɔ. Bɛɛ, bé adwaabe Zyɛm. Bé edwe bɨn sikʉlʉ lé egomlo bʉr mo Zyɛm Sɔŋ ga wina é bebebebe zi, lé elɛɛ ó ncwɨncwɨa we, wé e nyɔm ó, bʉr saʼ bɨmala zam e l'ekomo. Bé nteme, bé ekɛla ó, Njwɨʼa ga wina Yesʉs-Krɨst, nye abe Tî ga wina boo nɔɔ.